പാലക്കാട്: പാലക്കാട് പനയൂരില്‍ മലവെള്ളപ്പാച്ചിലിനെ തുടര്‍ന്ന് മൂന്ന് കുടുംബങ്ങളെ മാറ്റിപ്പാര്‍പ്പിച്ചു. അപകട സാധ്യത മുന്‍നിര്‍ത്തിയാണ് നടപടി. വാണിയംകുളം പനയൂരില്‍ ഇളംകുളം ഭാഗത്താണ് ശക്തമായ മലവെള്ളപ്പാച്ചിലുണ്ടായത്. 

കുടുംബങ്ങളോട് രണ്ട് ദിവസത്തേക്ക് മാറി താമസിക്കാനാണ് തഹസില്‍ദാര്‍ നിര്‍ദേശം നല്‍കിയത്. പ്രദേശത്ത് ആകെ 7 വീടുകളാണുള്ളത്. ഉരുള്‍പൊട്ടല്‍ ഉണ്ടായി എന്ന ആശങ്ക പ്രദേശവാസികള്‍ പങ്കുവെച്ചതിന്റെ അടിസ്ഥാനത്തില്‍ ജിയോളജി വകുപ്പും, റവന്യൂ വകുപ്പും സ്ഥലത്ത് പരിശോധന നടത്തി. 

അതേസമയം മഴ കനത്തതോടെ വിവിധ ജില്ലകളിലായി നാശനഷ്ടങ്ങള്‍ റിപ്പോര്‍ട്ട് ചെയ്തിട്ടുണ്ട്. മധ്യകേരളത്തിലാണ് മഴ ഏറ്റവും തീവ്രമായത്. മഴ തുടരുന്ന സാഹചര്യത്തില്‍ വിവിധ ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് അവധിയും പ്രഖ്യാപിച്ചിട്ടുണ്ട്. 

ALSO READ: ആലുവയിൽ ട്രാക്ക് അറ്റകുറ്റപ്പണി; നാളെ മൂന്ന് ട്രെയിനുകൾ വെെകും; രണ്ട് ട്രെയിനുകൾ റദ്ദാക്കി

അവധി 

സംസ്ഥാനത്ത് കനത്ത മഴ തുടരുന്ന സാഹചര്യത്തിൽ കാസർകോട്, കണ്ണൂർ, തൃശൂർ ജില്ലകളിൽ റെഡ് അലർട്ട് പ്രഖ്യാപിച്ചു. ജനസുരക്ഷ മുൻനിർത്തി ഈ ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർമാർ ഓഗസ്റ്റ് 6 ബുധനാഴ്ച അവധി പ്രഖ്യാപിച്ചു. കാസർ​ഗോഡ് സ്കൂളുകൾ, കോളേജുകൾ, പ്രൊഫഷണൽ കോളേജുകൾ, കേന്ദ്രീയ വിദ്യാലയങ്ങൾ, ട്യൂഷൻ സെന്ററുകൾ, മദ്രസകൾ, അങ്കണവാടികൾ, സ്പെഷ്യൽ ക്ലാസുകൾ എന്നിവയ്ക്ക് അവധി ബാധകമാണ്. എന്നാൽ, കാസർ​ഗോഡ് ജില്ലയിൽ മുൻനിശ്ചയിച്ച എല്ലാ പരീക്ഷകളും (പ്രൊഫഷണൽ, സർവകലാശാല, മറ്റു വകുപ്പ് പരീക്ഷകൾ ഉൾപ്പെടെ) നിശ്ചിത സമയക്രമമനുസരിച്ച് നടക്കും. കണ്ണൂർ ജില്ലയിലെ സ്കൂളുകൾ, അങ്കണവാടികൾ, മദ്രസകൾ, ട്യൂഷൻ സെന്ററുകൾ, സ്പെഷ്യൽ ക്ലാസുകൾ ഉൾപ്പെടെയുള്ള സ്ഥാപനങ്ങൾക്കാണ് അവധി.  തൃശൂരിൽ പ്രൊഫഷണൽ കോളേജുകൾ അടക്കം എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്.

Three families were relocated in Panayur, Palakkad following heavy flash floods. The evacuation was carried out as a precautionary measure due to potential danger. The severe flooding occurred in the Elamkulam area of Vaniamkulam, Panayur.