കേന്ദ്ര ആഭ്യന്തര മന്ത്രാലയത്തിന് കീഴിൽ ഇന്റലിജൻസ് ബ്യൂറോ (ഐബി)യിലേക്ക് പുതിയ റിക്രൂട്ട്‌മെന്റ് നടക്കുന്നു. സെക്യൂരിറ്റി അസിസ്റ്റന്റ് തസ്തികയിലാണ് നിയമനങ്ങൾ. ഇന്ത്യയൊട്ടാകെ 4987 ഒഴിവുകളാണുള്ളത്. തിരുവനന്തപുരം കേന്ദ്രത്തിൽ മാത്രം 334 ഒഴിവുകളുണ്ട്. താൽപര്യമുള്ളവർ ആഗസ്റ്റ് 17ന് മുൻപായി ഓൺലൈൻ അപേക്ഷ നൽകണം. 

തസ്തിക & ഒഴിവ്

കേന്ദ്ര ഇന്റലിജൻസ് ബ്യൂറോയിൽ സെക്യൂരിറ്റി അസിസ്റ്റന്റ്. ആകെ ഒഴിവുകൾ 4987.

ജനറൽ = 2471
ഇഡബ്ല്യൂഎസ് = 501
ഒബിസി (NCL) = 1015
എസ്.സി = 574
എസ്.ടി = 426

പ്രായപരിധി

18 വയസ് മുതൽ 27 വയസ് വരെ പ്രായുള്ളവർക്ക് അപേക്ഷിക്കാം. സംവരണ വിഭാഗക്കാർക്ക് നിയമാനുസൃത വയസിളവ് അനുവദിക്കും. 

യോഗ്യത

അംഗീകൃത സ്ഥാപനത്തിൽ നിന്ന് പത്താം ക്ലാസ് വിജയം അല്ലെങ്കിൽ തത്തുല്യം. 

ഏത് സംസ്ഥാനത്താണോ അപേക്ഷിക്കുന്നത് അവിടുത്തെ പ്രാദേശിക ഭാഷ അറിഞ്ഞിരിക്കണം. (കേരളത്തിൽ മലയാളം അറിഞ്ഞിരിക്കണം). 

ശമ്പളം

തെരഞ്ഞെടുക്കപ്പെടുന്നവർക്ക് പ്രതിമാസം 21,700 രൂപമുതൽ 69,100 രൂപയ്ക്കിടയിൽ ശമ്പളം ലഭിക്കും. 

അലവൻസായി HRA, DA, TA എന്നിവ അനുവദിക്കും. 

ALSO READ: ഒമാനിലെ സ്‌കൂളില്‍ ജോലിയൊഴിവ്; കേരള സര്‍ക്കാര്‍ കൊണ്ടുപോകും; ലക്ഷങ്ങള്‍ ശമ്പളം; വിസയും, ടിക്കറ്റും കമ്പനി വക 

തെരഞ്ഞെടുപ്പ്

രണ്ട് ഘട്ടങ്ങളിലായി എഴുത്ത് പരീക്ഷ നടക്കും. അതിൽ വിജയിക്കുന്നവരെ ഇന്റർവ്യൂവിന് വിളിപ്പിക്കും. പിന്നീട് ഡോക്യുമെന്റ് വെരിഫിക്കേഷൻ, മെഡിക്കൽ എന്നിവ നടത്തി നിയമനം നടത്തും.

അപേക്ഷ ഫീസ്

ജനറൽ, ഒബിസി, ഇഡബ്ല്യൂഎസ് വിഭാഗക്കാർക്ക് 650 രൂപ. എസ്.സി, എസ്.ടിക്കാർക്ക് 550 രൂപ. വനിത ഉദ്യോഗാർഥികൾക്കും 550 രൂപ അടച്ചാൽ മതി. 

അപേക്ഷ

മേൽപറഞ്ഞ യോഗ്യതയുള്ളവർ ഇന്റലിജൻസ് ബ്യൂറോയുടെ ഔദ്യോഗിക വെബ്‌സൈറ്റ് സന്ദർശിക്കുക. ശേഷം റിക്രൂട്ട്‌മെന്റ് പേജിൽ നിന്ന് സെക്യൂരിറ്റി അസിസ്റ്റന്റ് തിരഞ്ഞെടുക്കുക. നോട്ടിഫിക്കേഷൻ വായിച്ച് മനസിലാക്കിയതിന് ശേഷം നേരിട്ട് Apply Online ബട്ടൺ ഉപയോഗിച്ച് അപേക്ഷിക്കാം. 

അപേക്ഷ: click 

വിജ്ഞാപനം: click 

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

അസിസ്റ്റന്റ് സെൻട്രൽ ഇന്റലിജൻസ് ഓഫിസർ; ഇന്നാണ് ലാസ്റ്റ് ഡേറ്റ്

ഇന്റലിജൻസ് ബ്യൂറോ നേരത്തെ അസിസ്റ്റന്റ് സെൻട്രൽ ഇന്റലിജൻസ് ഓഫിസർ റിക്രൂട്ട്മെന്റ് വിളിച്ചിരുന്നു.  കേന്ദ്ര സർവീസിലെ ഗ്രൂപ്പ് സി നോൺ-ഗസ്റ്റഡ് തസ്തികയിലേക്ക് അപേക്ഷിക്കാനുള്ള അവസാന തീയതി ഇന്നാണ്. യോ​ഗ്യരായ ഉദ്യോ​ഗാർഥികൾക്ക് ആകെയുള്ള 3717 ഒഴിവുകളിലേക്ക് ഇപ്പോൾ അപേക്ഷിക്കാം. 

അവസാന തീയതി ആ​ഗസ്റ്റ് 10.

തസ്തിക & ഒഴിവ്  

ഇന്റലിജൻസ് ബ്യൂറോയിൽ അസിസ്റ്റന്റ് സെൻട്രൽ ഇന്റലിജൻസ് റിക്രൂട്ട്മെന്റ്. ആകെ ഒഴിവുകൾ 3717. ഒഴിവുകളുടെ എണ്ണത്തിൽ പിന്നീട് മാറ്റം വന്നേക്കാം. 

ജനറൽ -1537 ഒഴിവ് 
ഇ.ഡബ്ല്യു.എസ് -442  ഒഴിവ് 
ഒ.ബി.സി -946 ഒഴിവ് 
എസ്.സി -566 ഒഴിവ് 
എസ്.ടി -226 ഒഴിവ് 

ശമ്പളം: തെരഞ്ഞെടുക്കപ്പെടുന്നവർക്ക് ലെവൽ 7 (44,900 മുതൽ 1,42,400 രൂപ) വരെയാണ് ശമ്പളം ലഭിക്കുക. ഇതിനു പുറമെ കേന്ദ്രസർവീസിൽ അനുവദിക്കുന്ന മറ്റ് ആനുകൂല്യങ്ങളും ലഭിക്കും.

പ്രായം

2025 ആഗസ്റ്റ് 10ന് 18-27. എസ്.സി, എസ്.ടി വിഭാഗക്കാർക്ക് അഞ്ചും ഒ.ബി.സി വിഭാഗക്കാർക്ക് മൂന്നും വർഷം ഉയർന്ന പ്രായത്തിൽ ഇളവ് ലഭിക്കും. 

യോഗ്യത 

അംഗീകൃത സർവകലാശാലയിൽനിന്ന് ബിരുദം നേടിയിരിക്കണം. 
കമ്പ്യൂട്ടർ പരിജ്ഞാനം അഭികാമ്യം.
ഓപറേഷനൽ തസ്തികയായതിനാൽ ഭിന്നശേഷിക്കാർക്ക് അപേക്ഷിക്കാനാകില്ല
അഖിലേന്ത്യാ സർവീസായതിനാൽ രാജ്യത്തെവിടെ‍യും ജോലി ചെയ്യാൻ സന്നദ്ധരായിരിക്കണം.

തെരഞ്ഞെടുപ്പ്
അപേക്ഷകർ രണ്ട് ഘട്ടമായുള്ള എഴുത്ത് പരീക്ഷയ്ക്ക് ഹാജരാവണം. തുടർന്ന് അഭിമുഖവും നടത്തും. ആദ്യഘട്ടത്തിൽ 100 മാർക്കിനുള്ള ഒബ്ജക്ടിവ് ടെസ്റ്റും രണ്ടാം ഘട്ടത്തിൽ 50 മാർക്കിനുള്ള ഡിസ്ക്രിപ്റ്റീവ് പരീക്ഷയുമായിരിക്കും. ആനുകാലികം, പൊതുവിജ്ഞാനം, ഗണിതം, മാനസിക ശേഷി, ഇംഗ്ലിഷ് ഭാഷാപരിജ്ഞാനം എന്നിവയുൾപ്പെടുന്ന സിലബസാണ് ആദ്യഘട്ട പരീക്ഷക്കുള്ളത്. അഭിമുഖത്തിന് 100 മാർക്ക് അനുവ​ദിക്കും. ആദ്യഘട്ടത്തിൽ 35 മാർക്കോ (എസ്.സി, എസ്.ടി -33, ഒ.ബി.സി -34) കൂടുതലോ ലഭിക്കുന്നവരെ രണ്ടാംഘട്ട പരീക്ഷക്ക് പരിഗണിക്കും. രണ്ടാംഘട്ടത്തിലെ പ്രകടനത്തിൻറെ അടിസ്ഥാനത്തിൽ ഒഴിവുകളുടെ അഞ്ചിരട്ടി പേരെ അഭിമുഖത്തിന് ക്ഷണിക്കും. കേരളത്തിൽ എറണാകുളം, കണ്ണൂർ, കൊല്ലം, കോട്ടയം, കോഴിക്കോട്, തിരുവനന്തപുരം, തൃശൂർ എന്നിവിടങ്ങളിൽ പരീക്ഷാ കേന്ദ്രമുണ്ട്.

അപേക്ഷ ഫീസ്

വനിതകൾ, എസ്.സി, എസ്.ടി, വിമുക്ത ഭടൻമാർ എന്നിവർക്ക് 550 രൂപ. മറ്റുള്ളവർക്ക് 650 രൂപ. ഓൺലൈനായോ എസ്.ബി.ഐ ചലാൻ വഴിയോ ഫീസടയ്ക്കാം.

അപേക്ഷ 
https://cdn.digialm.com/EForms/configuredHtml/1258/94319/Index.html എന്ന ലിങ്കിലൂടെ നേരിട്ട് അപേക്ഷ നൽകാം. അവസാന തീയതി: 2025 ആഗസ്റ്റ് 10. വിശദമായ വിജ്ഞാപനം, പ്രോസ്പെക്ടസ് എന്നിവ വെബ്സെെറ്റിലുണ്ട്.

 

The Ministry of Home Affairs is conducting a new recruitment drive for the Intelligence Bureau (IB) to fill Security Assistant positions. There are 4,987 vacancies across India, including 334 vacancies at the Thiruvananthapuram centre alone. Interested candidates must apply online before August 17.