ദമ്മാം: സഊദി അറേബ്യയില്‍ പ്രവാസി മലയാളിയായ വീട്ടമ്മ ഉറക്കത്തില്‍ ഹൃദയാഘാതംമൂലം മരിച്ചു. മുംബൈയിലെ സാന്താക്രൂസ് ഈസ്റ്റ് വകോലയില്‍ ആരാംഹൗസിങ് സൊസൈറ്റിയില്‍ താമസിച്ചിരുന്ന മലയാളിയായ രൂപലക്ഷ്മി സുരേന്ദ്രകുമാര്‍(55) ആണ് മരിച്ചത്. ദമ്മാമിലെ വസതിയില്‍ രാത്രി ഉറങ്ങാന്‍ കിടന്ന രൂപലക്ഷ്മിയെ ഇന്നലെ രാവിലെ കിടക്കയില്‍ മരിച്ച നിലയില്‍ കണ്ടെത്തുകയായിരുന്നു. ഭര്‍ത്താവ് മുംബൈ മലയാളി സുരന്ദ്രകുമാര്‍ നായര്‍ സഊദിയില്‍ സ്വകാര്യ കമ്പനിയില്‍ ജോലിക്കാരനാണ്. ദമ്പതികള്‍ കുടുംബസമേതം ദമ്മാമില്‍ ഏറെ വര്‍ഷങ്ങളായി കഴിയുകയായിരുന്നു.

മുംബൈ മലയാളികളായ സോമനാഥന്‍ നാല്‍പാടിയുടെയും ധനലക്ഷ്മി നാല്‍പ്പാടിയടെയും മകളാണ്.
സഹോദരന്‍ ആദര്‍ശ് കുമാര്‍ നാല്‍പ്പാടി.
 മക്കള്‍: ഋതിക സുരേന്ദ്രകുമാര്‍, സങ്കല്‍പ് സുരേന്ദ്രകുമാര്‍.
ഖത്തീഫ് ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരുന്ന മൃതദേഹം നടപടികള്‍ പൂര്‍ത്തിയാക്കി സഊദിയില്‍ തന്നെ ഇന്ന് രാവിലെ സംസ്‌കരിക്കും. കെഎംസിസി അല്‍കോബാര്‍ വെല്‍ഫെയര്‍വിങ് ചെയര്‍മാന്‍ ഹുസൈന്‍ ഹംസ നിലമ്പൂര്‍ ആണ് നിയമനടപടികള്‍ പൂര്‍ത്തീകരിക്കുന്നതിന് മറ്റ് സഹായങ്ങള്‍ക്കും മുന്നിലുള്ളത്.

Expatriate Malayali housewife dies of heart attack in her sleep in Saudi Arabia