മനാമ: ബഹ്‌റൈനില്‍ പ്രവാസി മലയാളി ഹൃദയാഘാതംമൂലം മരിച്ചു. എറണാകുളം പള്ളുരുത്തി സ്വദേശി സജീര്‍ ചെറുകാര്യത്ത് സൈനുദ്ദീന്‍ ആണ് മരിച്ചത്. 51 വയസ്സുണ്ട്. ഇന്നലെ രാവിലെ ഫോണില്‍ ലഭിക്കാത്തതിനെ തുടര്‍ന്ന് സുഹൃത്തുക്കള്‍ അന്വേഷിച്ച് എത്തിയപ്പോള്‍ ടുബ്ലിയിലെ താമസ സ്ഥലത്ത് മരിച്ച നിലയില്‍ സജീറിനെ കണ്ടെത്തുകയായിരുന്നുവെന്നാണ് ബന്ധുക്കള്‍ക്ക് ലഭിച്ച വിവരം.

ബഹ്‌റൈനിലെ ഒരു സ്വകാര്യ സ്ഥാപനത്തില്‍ അസിസ്റ്റന്റ് മാനേജര്‍ ആയി ചെയ്തിരുന്ന സജീര്‍ ബഹ്‌റൈന്‍ മലയാളിസംഘടനയായ 'പ്രതിഭ' യുടെ സജീവ പ്രവര്‍ത്തകനുമായിരുന്നു. അവധിക്ക് ശേഷം വെള്ളിയാഴ്ചയാണ് നാട്ടില്‍ നിന്ന് ബഹ്‌റൈനില്‍ തിരിച്ചെത്തിയത്.

മാതാവ്: റുക്കിയ ,ഭാര്യ: ഫാസില. മക്കള്‍:അനാന്‍ സജീര്‍,അബു അയാന്‍ സജീര്‍. 
മൃതദേഹം നാട്ടിലേയ്ക് അയക്കാനുളള നടപടികള്‍ ആരംഭിച്ചതായി ബന്ധപ്പെട്ടവര്‍ അറിയിച്ചു.

ALSO READ: ഗൾഫിലേക്ക് വിമാന ടിക്കറ്റ് നിരക്ക് കുത്തനെ ഉയർത്തി; നാലംഗ കുടുംബത്തിന് ദുബൈയിലെത്താൻ ഒന്നര ലക്ഷത്തിലധികം രൂപ