ദോഹ: കുട്ടികളുടെ സുരക്ഷയെക്കുറിച്ചുള്ള ആശങ്കകൾ മുൻനിർത്തി, ജനപ്രിയ ഓൺലൈൻ ഗെയിമിങ് പ്ലാറ്റ്‌ഫോമായ റോബ്‌ലോക്സിന് ഖത്തർ നിരോധനം ഏർപ്പെടുത്തിയതായി പെനിൻസുല ഖത്തർ റിപ്പോർട്ട് ചെയ്തു. കഴിഞ്ഞ ആഴ്ച സോഷ്യൽ മീഡിയ വഴി നിരവധി പേർ അധികൃതരോട് നടപടി ആവശ്യപ്പെട്ടതിനെ തുടർന്നാണ് നീക്കം.

ALSO READ: ഖത്തർ അമീറുമായി ചർച്ച നടത്തി യുക്രൈൻ പ്രസിഡന്റ് വ്ലാദിമിർ സെലൻസ്കി

ആപ്പിൾ ആപ്പ് സ്റ്റോറിലും ഗൂഗിൾ പ്ലേ സ്റ്റോറിലും റോബ്‌ലോക്സ് ഡൗൺലോഡ് ചെയ്യാൻ കഴിയുമെങ്കിലും, ഖത്തറിലെ കളിക്കാർക്ക് ഹോം സ്ക്രീനിനപ്പുറം മുന്നോട്ട് പോകാനാവുന്നില്ല. "നെറ്റ്‌വർക്ക് ഇല്ല" എന്ന സന്ദേശമാണ് അവർക്ക് ലഭിക്കുന്നത്. ഗെയിമിന്റെ വെബ് പതിപ്പിലും "ഈ സൈറ്റിൽ എത്തിച്ചേരാൻ കഴിയില്ല" എന്ന സന്ദേശം പ്രത്യക്ഷപ്പെടുന്നു. ഇന്റർനെറ്റ് സെൻസർഷിപ് ട്രാക്ക് ചെയ്യുന്ന ലാഭേച്ഛയില്ലാത്ത സോഫ്റ്റ്‌വെയർ പ്രോജക്ടായ ഊണി, ഓഗസ്റ്റ് 13-ന് രാവിലെ 7:32 വരെ ഖത്തറിൽ റോബ്‌ലോക്സിന്റെ ആക്സസിൽ തടസ്സങ്ങൾ നേരിട്ടതായി റിപ്പോർട്ട് ചെയ്തു. എന്നാൽ, ഖത്തർ സർക്കാർ ഇതുവരെ ഔദ്യോഗിക പ്രസ്താവന പുറപ്പെടുവിച്ച് നിരോധനം സ്ഥിരീകരിച്ചിട്ടില്ല.

ALSO READ: റോഡ് അറ്റകുറ്റപ്പണികൾ; ഖത്തറിലെ വിവിധ റോഡുകൾ അടച്ചിടുമെന്ന് അഷ്​ഗൽ 

വെർച്വൽ ലോകങ്ങൾ സൃഷ്ടിക്കാനും പര്യവേക്ഷണം ചെയ്യാനും ഉപയോക്താക്കളെ അനുവദിക്കുന്ന റോബ്‌ലോക്സ്, അനുചിതമായ ഉള്ളടക്കവും കുട്ടികളെ ചൂഷണം ചെയ്യാനുള്ള സാധ്യതയും കാരണം മാതാപിതാക്കളുടെയും ഓൺലൈൻ സുരക്ഷാ വക്താക്കളുടെയും വിമർശനത്തിന് വിഷയമായിട്ടുണ്ട്. ചൈന, തുർക്കി, ഒമാൻ തുടങ്ങിയ രാജ്യങ്ങൾ നേരത്തെ തന്നെ ഈ പ്ലാറ്റ്‌ഫോമിന് നിരോധനം ഏർപ്പെടുത്തിയിട്ടുണ്ട്.

qatar has banned the popular online game roblox, citing risks to children’s safety and exposure to harmful content. authorities urge parents to monitor their children’s online activities.