കോഴിക്കോട്: ഫറോക്കില്‍ പൊലിസിന്റെ കയ്യില്‍ നിന്ന് ചാടിപ്പോയ പ്രതി പിടിയില്‍. പൊലിസും, നാട്ടുകാരും ചേര്‍ന്ന് നടത്തിയ പരിശോധനയിലാണ് അസം സ്വദേശിയായ പ്രസന്‍ജിത്തിനെ പിടികൂടിയത്. പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോകാന്‍ ശ്രമിച്ച കേസിലെ പ്രതിയാണ് ഇയാള്‍. 

ഫറോക്ക് ചന്ത ജിഎം യുപി സ്‌കൂളിലെ ശുചിമുറിയില്‍ നിന്നാണ് പ്രതിയെ കണ്ടെത്തിയത്. പുലര്‍ച്ചെ 2.45നാണ് ഇയാളെ പിടികൂടിയത്. 

ഇന്നലെയാണ് പ്രസുണ്‍ജിത്ത് ഫറോക്ക് പൊലിസിന്റെ കസ്റ്റഡിയില്‍ നിന്ന് ചാടിപ്പോയത്. ഉത്തര്‍പ്രദേശ് സ്വദേശിയായ പെണ്‍കുട്ടിയെ തട്ടിക്കൊണ്ടുപോകാന്‍ ശ്രമിച്ച കേസിലെ പ്രതിയാണ് പ്രസണ്‍. പെരുമുഖത്ത് താമസിക്കുന്ന അതിഥിത്തൊഴിലാളിയുടെ മകളുമായാണ് ഇയാൾ നാടുവിട്ടത്.  സൈബർ സെല്ലിന്റെ സഹായത്തോടെ നടത്തിയ അന്വേഷണത്തിൽ ബംഗളൂരുവിൽ വച്ചാണ് ഇരുവരെയും പൊലീസ് പിടികൂടിയത്. കസ്റ്റഡിയിലെടുത്ത ഇയാളെ കോടതിയില്‍ ഹാജരാക്കാന്‍ കൊണ്ടുപോകുന്നതിനായി വിലങ്ങണിയിച്ച് ബെഞ്ചില്‍ ഇരുത്തിയ സമയത്താണ് ഇയാള്‍ ചാടിയത്. പൊലിസിന്റെ ശ്രദ്ധ തെറ്റിയപ്പോള്‍ പിന്‍വാതില്‍ വഴി രക്ഷപ്പെടുകയായിരുന്നു. 

ALSO READ: കുവൈത്തിലെ വിഷമദ്യ ദുരന്തം: മരണം 13 ആയി, അഞ്ചുപേര്‍ മലയാളികളെന്ന് സൂചന; 21 പേര്‍ക്ക് കാഴ്ച നഷ്ടമായി; എംബസി ഹെല്‍പ് ലൈന്‍ തുടങ്ങി 

The accused who escaped from police custody in feroke has been caught. Prasenjit, a native of Assam, was apprehended during a search operation conducted jointly by the police and local residents.