കൊച്ചി: യാത്രാസുഗമമായ റോഡുകൾ ജനങ്ങളുടെ അവകാശമാണെന്നും, കുഴിയില്ലാത്ത റോഡുകൾ നിർമിക്കാനാണ് എൻജിനീയർമാർക്ക് ഉയർന്ന ശമ്പളം നൽകി നിയമിച്ചിരിക്കുന്നതെന്നും ഹൈക്കോടതി. റോഡുകളിലെ കുഴികൾ നേരിട്ട് കണ്ടെത്തിയാൽ മാത്രമേ കരാറുകാർക്കെതിരെ നടപടി സ്വീകരിക്കാൻ കഴിയൂവെന്നും കോടതി വ്യക്തമാക്കി. റോഡുകളുടെ ശോചനീയാവസ്ഥ പരിഹരിക്കണമെന്ന് ആവശ്യപ്പെട്ടുള്ള ഹർജികൾ പരിഗണിക്കവെയാണ് ജസ്റ്റിസ് ദേവൻ രാമചന്ദ്രന്റെ ഈ നിരീക്ഷണം.

മഴയാണ് റോഡുകൾ മോശമാകാൻ കാരണമെന്ന വാദം അംഗീകരിക്കാനാവില്ലെന്ന് കോടതി ചൂണ്ടിക്കാട്ടി. കൊച്ചി കോർപ്പറേഷനിലും തൃശൂരിലും റോഡുകളുടെ അറ്റകുറ്റപ്പണികൾ ആരംഭിച്ചതായി അമിക്കസ് ക്യൂറി കോടതിയെ അറിയിച്ചു. എന്നാൽ, കോടതി ഇടപെടലാണ് ഇതിന് കാരണമോ എന്ന് വ്യക്തമല്ലെന്നും, മഴക്കാലത്ത് നടത്തുന്ന ടാറിംഗിന്റെ ഗുണനിലവാരം എന്തായിരിക്കുമെന്ന് സംശയമാണെന്നും അമിക്കസ് ക്യൂറി ചൂണ്ടിക്കാട്ടി.

ALSO READ: യു.എസ് ഭീകരവാദവും ഏകാധിപത്യവും പ്രോത്സാഹിപ്പിക്കുന്നു: ആര്‍.എസ്.എസ് മുഖപത്രം

കൊച്ചിയിലെ തമ്മനം-പുല്ലേപ്പടി റോഡിലൂടെ യാത്ര ചെയ്താൽ "നടുവൊടിയും" എന്ന് കോടതി പരാമർശിച്ചു. കെ.എം.ആർ.എൽ. ഓഫിസിന് സമീപമുള്ള റോഡിൽ ടൈലുകൾ ഇളകിക്കിടക്കുന്നത് ഏത് നിമിഷവും അപകടത്തിന് കാരണമാകാമെന്നും കോടതി മുന്നറിയിപ്പ് നൽകി. നഗരത്തിലെ ഭൂരിഭാഗം റോഡുകളും കുഴികളാൽ നിറഞ്ഞിരിക്കുകയാണെന്നും ഹൈക്കോടതി വിമർശിച്ചു.

The Kerala High Court emphasized that pothole-free roads are a public right and criticized engineers, hired with high salaries, for failing to ensure quality roads. The court, hearing petitions on poor road conditions, rejected excuses blaming rain and noted that many roads, like Thammanam-Pullepady in Kochi, are in a deplorable state, posing accident risks