ന്യൂഡല്‍ഹി: ഇന്ത്യക്കെതിരേ പ്രസിഡന്റ് ഡൊണാള്‍ഡ് ട്രംപ് ഏര്‍പ്പെടുത്തിയ അധികതീരുവയോട് പ്രധാനമന്ത്രിയോ ബി.ജെ.പിയോ പ്രതികരിക്കാന്‍ വിസമ്മതിക്കുന്നതിനിടെ, യു.എസിനെ കടുത്ത ഭാഷയില്‍ വിമര്‍ശിച്ച് ആര്‍.എസ്.എസ് മുഖപത്രമായ ഓര്‍ഗനൈസര്‍. അമേരിക്ക ലോകത്ത് ഭീകരവാദവും ഏകാധിപത്യവും പ്രോത്സാഹിപ്പിക്കുകയാണെന്നും ട്രംപ് ജനാധിപത്യത്തിന്റെ സ്വയംപ്രഖ്യാപിത മിശിഹയായി അവതരിക്കുകയാണെന്നും ഓര്‍ഗനൈസറിലെ ഏറ്റവും പുതിയ ലക്കത്തിലെഴുതിയ മുഖപ്രസംഗം വിമര്‍ശിച്ചു.
 
യു.എസ് നേതൃത്വത്തില്‍ വ്യാപാര യുദ്ധങ്ങള്‍, അനാവശ്യ താരിഫുകള്‍, ഉപരോധങ്ങള്‍, മറ്റ് രാജ്യങ്ങളില്‍ അട്ടിമറിനടത്തല്‍ എന്നിവയ്‌ക്കെല്ലാം നാം സാക്ഷ്യം വഹിക്കുകയാണ്. സ്വാതന്ത്ര്യത്തിന്റെയും ജനാധിപത്യത്തിന്റെയും സ്വയം പ്രഖ്യാപിത മിശിഹായായ അമേരിക്ക തീവ്രവാദത്തെയും സ്വേച്ഛാധിപത്യത്തെയും പ്രോത്സാഹിപ്പിക്കുകയാണ്. അമേരിക്കന്‍ ഏകധ്രുവ ലോകം ഒന്നിലധികം തലങ്ങളില്‍ തകരുകയും വെല്ലുവിളിക്കപ്പെടുകയും ചെയ്യുന്നു. ഐക്യരാഷ്ട്രസഭ മുതല്‍ ലോക വ്യാപാര സംഘടന വരെയുള്ള രാജ്യാന്തര വേദികള്‍ വിവിധ രാജ്യങ്ങള്‍ തമ്മിലുള്ള ബന്ധം കൈകാര്യം ചെയ്യുന്നതില്‍ പരാജയപ്പെട്ടതിനാല്‍ അവ അപ്രസക്തവും കാര്യക്ഷമമല്ലാത്തതുമാണെന്ന് തെളിഞ്ഞിരിക്കുകയാണെന്നും ഓര്‍ഗനൈസര്‍ ചൂണ്ടിക്കാട്ടി.

ALSO READ: ഗാന്ധിജിയെ കൊന്ന ഗോഡ്‌സെ കൊടിയ തീവ്രവാദി: ഉമാ ഭാരതി

ഇന്ത്യക്കെതിരേ തീരുവ പ്രഖ്യാപിച്ചിട്ടും യു.എസിനെയോ ട്രംപിനെയോ വിമര്‍ശിക്കാന്‍ ബി.ജെ.പിയും കേന്ദ്രസര്‍ക്കാരും മടിക്കുന്നതിനിടെയാണ്, യു.എസിനെ അതിനിശിതമായി വിമര്‍ശിക്കാന്‍ ആര്‍.എസ്.എസ് മുഖപത്രം തയാറായത്. ബി.ജെ.പിയുടെ നേതൃത്വത്തിലുള്ള കേന്ദ്രസര്‍ക്കാകരുമായി ആര്‍.എസ്.എസ് അകല്‍ച്ചയിലാണെന്ന റിപ്പോര്‍ട്ടുകള്‍ക്കിടെയുള്ള ഓര്‍ഗനൈസറിലെ മുഖപ്രസംഗം വലിയ രാഷ്ട്രീയ സൂചനായാണ് ചൂണ്ടിക്കാണിക്കപ്പെടുന്നത്.

ALSO READ: ബംഗാളി മുസ്‌ലിംകളെ തടവിലാക്കൽ: കേന്ദ്രത്തിനും 9 സംസ്ഥാനങ്ങൾക്കും സുപ്രിംകോടതി നോട്ടിസ്

An RSS mouthpiece has published a headline claiming that the United States promotes terrorism and dictatorship, sparking controversy with its strong accusations against the global superpower