തിരുവനന്തപുരം: എസ്‌സിഇആർടി തയ്യാറാക്കിയ നാലാം ക്ലാസ് സാമൂഹ്യശാസ്ത്ര ഹാൻഡ്ബുക്കിൽ സ്വാതന്ത്ര്യസമര നായകൻ സുഭാഷ് ചന്ദ്രബോസിനെക്കുറിച്ചുള്ള തെറ്റായ വിവരം. ‘സുഭാഷ് ചന്ദ്രബോസ് രാജ്യം വിട്ടത് ബ്രിട്ടനെ ഭയന്ന്’ എന്നാണ് ഹാൻഡ്ബുക്കിൽ രേഖപ്പെടുത്തിയിരിക്കുന്നത്. ഈ വിവരം ചരിത്രവിരുദ്ധവും ബോസിന്റെ സ്വാതന്ത്ര്യസമര പോരാട്ടങ്ങളെ അവമതിക്കുന്നതുമാണെന്ന് വിദഗ്ധർ വിമർശിച്ചു.

ALSO READ: നവജാത ശിശുവിന്റെ മൃതദേഹം കണ്ടെത്തിയത് ട്രെയിനിന്റെ എസ് 3 കോച്ചിലെ ശുചിമുറിയിൽ: രക്തക്കറ കണ്ടെത്തിയത് എസ് 4 കോച്ചിൽ; അന്വേഷണം ഊർജിതമാക്കി പൊലിസ് 

സുഭാഷ് ചന്ദ്രബോസ് 1941-ൽ ബ്രിട്ടീഷ് അധികാരികളുടെ കണ്ണുവെട്ടിച്ച് രാജ്യം വിട്ടത് ഇന്ത്യൻ നാഷണൽ ആർമി (ഐഎൻഎ) രൂപീകരിക്കുന്നതിനും വിദേശത്ത് നിന്ന് സ്വാതന്ത്ര്യപോരാട്ടം ശക്തമാക്കുന്നതിനുമായിരുന്നു. ബ്രിട്ടീഷ് ഭരണത്തിനെതിരെ ധീരമായി പോരാടിയ ബോസിനെ ഭയക്കുന്നവനായി ചിത്രീകരിക്കുന്നത് വിദ്യാർഥികൾക്കിടയിൽ തെറ്റായ ധാരണ സൃഷ്ടിക്കുമെന്ന് ചരിത്രകാരന്മാർ ചൂണ്ടിക്കാട്ടി.

ഹാൻഡ്ബുക്കിലെ തെറ്റ് തിരുത്തിയെന്ന് എസ്‌സിഇആർടി ഡയറക്ടർ പറഞ്ഞു. പിഴവ് ബോധപൂർവം സംഭവിച്ചതാണോ എന്ന് പരിശോധിക്കുമെന്നും അദ്ദേഹം പറഞ്ഞു.

A serious error in an SCERT Class 4 handbook stated that Subhash Chandra Bose left India out of fear of Britain. The mistake has sparked criticism, with demands for correction.