തെല്‍ അവിവ്: അന്ത്രാഷ്ടര നിയമങ്ങള്‍ എക്കാലത്തും ഇസ്‌റാഈലിന് പുല്ലു വിലയാണ്. അത് യുദ്ധത്തിലായാലും മറ്റേത് രംഗത്തായാലും. ഇസ്‌റാഈലിന്റെ നിയമങ്ങള്‍ അവര്‍ തീരുമാനിക്കുന്നതാണ്. ഇവിടെയിതാ സൈന്യം കൊലപ്പെടുത്തിയ 14 വയസുള്ള ഫലസ്തീന്‍ ബാലന്റെ മൃതദേഹം ഹമാസുമായി വില പേശുന്നതിനായി തടഞ്ഞുവെക്കാനുള്ള ഇസ്‌റാഈലിന്റെ തീരുമാനം ശരിവച്ചിരിക്കുകയാണ് രാജ്യത്തെ സുപ്രിം കോടതി. ഇസ്‌റാഈലിന് അനുമതി നല്‍കിക്കൊണ്ടുള്ള വിധി ജൂലൈ 31നാണ് കോടതി പുറപ്പെടുവിക്കുന്നത്. 

2024 ഫെബ്രുവരി 5-നാണ് അധിനിവേശ വെസ്റ്റ് ബാങ്കിലെ മാലെ അദുമിമിലെ ഇസ്‌റാഈലി സെറ്റില്‍മെന്റിന് സമീപം വാദിയ ഷാദി സാദ് എല്യാന്‍ എന്ന 14കാരന്‍ വെടിയേറ്റ് കൊല്ലപ്പെടുന്നത്. ഒരു ഉദ്യോഗസ്ഥനെ കുത്താന്‍ ശ്രമിച്ചതിനാണ് ഈ ബാലനെ വെടിവെച്ചതെന്നാണ് ഉദ്യോഗസ്ഥര്‍ നല്‍കിയ വിശദീകരണം. എന്നാല്‍ കോടതിയില്‍ ഹാജരാക്കിയ വിഡിയോയില്‍  കുട്ടി ഓടിപ്പോകുന്നതിനിടെ പിന്നില്‍ നിന്ന് വെടിയേല്‍ക്കുന്നതും തുടര്‍ന്ന് നിലത്ത് വീണ് കിടക്കുമ്പോള്‍ രണ്ടാമത്തെ വെടിയേല്‍ക്കുന്നതും വ്യക്തമായിരുന്നു. എന്നാല്‍ ഇതൊന്നും ഫലമുണ്ടായില്ല. 

ALSO READ: ''നിന്റെ പൂര്‍വ്വികര്‍ ബ്രിട്ടീഷുകാരുടെ ഷൂ നക്കുമ്പോള്‍ എന്റെ പൂര്‍വ്വികര്‍ സ്വാതന്ത്ര്യത്തിനായി രക്തസാക്ഷികളാവുകയായിരുന്നു'  വിദ്വേഷ കമന്റ് ഇട്ടയാള്‍ക്ക് വായടപ്പിക്കുന്ന മറുപടി നല്‍കി ജാവേദ് അക്തര്‍ 

ഭാവിയില്‍ ഹമാസുമായുള്ള തടവുകാരെ കൈമാറുന്ന ചര്‍ച്ചകളില്‍ വിലപേശാന്‍  ഉപയോഗിക്കാമെന്ന ധാരണയിലാണ് എല്യാന്റെ മൃതദേഹം 18 മാസത്തിലേറെയായി ഇസ്‌റാഈല്‍ തടഞ്ഞുവെച്ചിരിക്കുന്നത്. 

ഇസ്‌റാഈലി, അന്താരാഷ്ട്ര നിയമങ്ങളുടെ ലംഘനമാണ് ഈ തീരുമാമെന്ന് എല്യാന്റെ മാതാപിതാക്കളെ പ്രതിനിധാനം ചെയ്യുന്ന നിയമപരമായ അവകാശ സംഘടനയായ അദാല ചൂണ്ടിക്കാട്ടുന്നു.

 'രാഷ്ട്രീയ ചര്‍ച്ചകളില്‍ വിലപേശലിനായി കുട്ടിയുടെ മൃതദേഹം ഉപയോഗിക്കുക എന്ന തീരുമാനം അംഗീകരിക്കുന്നതിലൂടെ അന്താരാഷ്ട്ര നിയമത്തിന്റെയും അടിസ്ഥാന മാനവികതയുടെയും ഗുരുതരമായ ലംഘനമാണ് കോടതി ചെയ്യുന്നത്.' ആഗസ്റ്റ് 04ന് അദാല ഒരു പ്രസ്താവനയില്‍ ചൂണ്ടിക്കാട്ടി. 

The Israeli Supreme Court has upheld the government’s decision to withhold the body of 14-year-old Palestinian Wadi Shadi Saad Elyan, killed near a West Bank settlement in February 2024. Human rights group Adalah condemns the move as a violation of international law and basic human decency.