റിയാദ്: ഭക്ഷ്യസുരക്ഷാ നിയമങ്ങള്‍ ലംഘിച്ച 84 സ്ഥാപനങ്ങള്‍ അടച്ചുപൂട്ടിയതായി റിയാദ് മേയര്‍. സുരക്ഷാ ഉദ്യോഗസ്ഥര്‍ നടത്തിയ പരിശോധനകളിലാണ് നിയമങ്ങള്‍ ലംഘിച്ച സ്ഥാപനങ്ങള്‍ കണ്ടെത്തിയത്. 

മറ്റു സര്‍ക്കാര്‍ ഏജന്‍സികളുമായി സഹകരിച്ച് സുരക്ഷാസേന നടത്തിയ ക്യാമ്പയിനിന്റെ ഭാഗമായി നിരവധി ഭക്ഷണശാലകളും ഇറച്ചിക്കടകളും കഫേകളും പരിശോധിച്ചിരുന്നു. വന്‍തോതിലുള്ള വാണിജ്യ പ്രവര്‍ത്തനങ്ങള്‍ നടക്കുന്ന മന്‍ഫുഹ ഏരിയയില്‍ സുരക്ഷാസേന വ്യാപകമായ പരിശോധനകള്‍ നടത്തിയിരുന്നു.

ALSO READ: ജിദ്ദയെയും മദീനയെയും “ഹെൽത്തി സിറ്റീസ്” ആയി പ്രഖ്യാപിച്ച് ലോകാരോഗ്യ സംഘടന; അം​ഗീകാരം കർശന വിലയിരുത്തലുകൾക്ക് ശേഷം 

പരിശോധനകളില്‍ നിയമലംഘനങ്ങള്‍ നടത്തിയെന്ന് കണ്ടെത്തിയ 531 സ്ഥാപനങ്ങള്‍ക്ക് നോട്ടീസ് നല്‍കിയ സുരക്ഷാസേന 11 സ്ഥാപനങ്ങളുടെ വൈദ്യുതി വിച്ഛേദിച്ചിരുന്നു. വ്യാപക പരിശോധനകളില്‍ കണ്ടെത്തിയ 5,300 കിലോഗ്രാം പഴകിയ ഭക്ഷണവും 25 കിലോ ഗ്രാം പുകയിലയും അധികൃതര്‍ നശിപ്പിച്ചു. 

താമസക്കാര്‍ക്ക് ഭക്ഷ്യസുരക്ഷയുമായി ബന്ധപ്പെട്ട പരാതികള്‍ അറിയിക്കാനുള്ള മദീനാറ്റി ആപ്പ് വഴി ലഭിച്ച പരാതികളുടെ അടിസ്ഥാനത്തിലാണ് ക്യാമ്പയില്‍ നടത്തിയതെന്ന് റിയാദ് മേയര്‍ വ്യക്തമാക്കി.

ALSO READ: സഊദിയിലേക്ക് മരുന്നുമായി വിമാനയാത്ര ചെയ്യാനുള്ള നടപടിക്രമങ്ങള്‍ ഇനി ഈസി, ഡിജിറ്റല്‍ പ്രക്രിയ ആരംഭിച്ചു; വീട്ടിലിരുന്ന് ഫോണിലും പെര്‍മിറ്റ് എടുക്കാം 

ഉപഭോക്താക്കളെ സംരക്ഷിക്കുന്നതിനും നഗരത്തിലെ വിപണികളുടെ മേല്‍നോട്ടം നിലനിര്‍ത്തുന്നതിനുമുള്ള ശ്രമത്തിന്റെ ഭാഗമായാണ് ക്യാമ്പയിന്‍ നടത്തിയതെന്ന് ഒരു മുതിര്‍ന്ന ഉദ്യോഗസ്ഥന്‍ പറഞ്ഞു.

ആധുനിക സംവിധാനത്തിന്റെയും ഡിജിറ്റല്‍ മോണിറ്ററിംഗ് സംവിധാനത്തിന്റെയും സഹായത്തോടെ പരിശോധനകള്‍ തുടരുമെന്ന് അധികൃതര്‍ അറിയിച്ചു. നഗരം സംരക്ഷിക്കുന്നതില്‍ പൊതുജനങ്ങളുടെ പങ്ക് നിസ്തുലമാണെന്നും ജനങ്ങള്‍ മൊബൈല്‍ ആപ്പ് വഴി റിപ്പോര്‍ട്ട് ചെയ്യുന്നത് തുടരണമെന്നും മേയര്‍ അഭ്യര്‍ത്ഥിച്ചു.

riyadh authorities have closed 84 businesses for breaching food safety laws. inspections revealed violations including poor hygiene, expired products, and unsafe storage. strict measures aim to protect public health and ensure compliance with saudi arabia’s food safety regulations.