ജയ്‌പൂർ: രാജസ്ഥാനിലെ ഖൈർതാൽ തിജാര ജില്ലയിലെ യുവാവിനെ കൊല്ലപ്പെട്ട നിലയിൽ കണ്ടെത്തി. ഒരു കെട്ടിടത്തിന് മുകളിൽ ഡ്രമ്മിൽ നിറച്ച നിലയിലാണ് മൃതദേഹം കണ്ടെത്തിയത്. ഇയാളുടെ ശരീരത്തിൽ മൂർച്ചയുള്ള ആയുധം ഉപയോഗിച്ചുള്ള ആക്രമണത്തിന്റെ ലക്ഷണങ്ങൾ ഉണ്ടായിരുന്നു. അതേസമയം അദ്ദേഹത്തിന്റെ കുടുംബത്തെ കാണാതായി.

ഉത്തർപ്രദേശിലെ ഷാജഹാൻപൂർ സ്വദേശിയായ ഹൻസ്റാം എന്ന സൂരജ് ആണ് മരിച്ചതെന്ന് തിരിച്ചറിഞ്ഞിട്ടുണ്ട്. കിഷൻഗഡ്ബാസിലെ ആദർശ് കോളനിയിൽ ഭാര്യയും മൂന്ന് കുട്ടികളുമൊത്ത് ഇയാൾ താമസിച്ച് വരികയായിരുന്നെന്ന് ഡിഎസ്പി രാജേന്ദ്ര സിംഗ് നിർവാൺ പറഞ്ഞു.

മൂർച്ചയുള്ള ആയുധം ഉപയോഗിച്ച് കഴുത്തിൽ മുറിവേറ്റ നിലയിലായിരുന്നു മൃതദേഹം. ദുർഗന്ധം വമിച്ചതിനെ തുടർന്ന് അയൽക്കാർ നടത്തിയ പരിശോധനയിലാണ് മൃതദേഹം കണ്ടെത്തിയത്. അഴുകൽ വേഗത്തിലാക്കാൻ ശരീരത്തിൽ ഉപ്പ് പുരട്ടിയിരുന്നതായി പൊലിസ് പറഞ്ഞു.

ALSO READ: ഭാര്യയും കാമുകനും ചേർന്ന് മർച്ചൻറ് നേവി ഉദ്യോഗസ്ഥനെ കൊലപ്പെടുത്തി; മൃതദേഹം കഷ്ണങ്ങളാക്കി പ്ലാസ്റ്റിക് ഡ്രമ്മിൽ ഒളിപ്പിച്ചു

ഒന്നര മാസം മുൻപാണ് ഹൻസ്റാം കെട്ടിടത്തിന് മുകളിൽ ഒരു മുറി വാടകയ്‌ക്കെടുത്ത് താമസം തുടങ്ങിയത്. ശനിയാഴ്ച മുതൽ ഇയാളുടെ ഭാര്യ സുനിതയെയും മക്കളെയും വീട്ടുടമസ്ഥന്റെ മകൻ ജിതേന്ദ്രയെയും കാണാതായതായി പൊലിസ് പറഞ്ഞു.

"മരിച്ചയാൾ മദ്യത്തിന് അടിമയായിരുന്നു, പലപ്പോഴും ജിതേന്ദ്രയോടൊപ്പം മദ്യപിച്ചിരുന്നു. ശനിയാഴ്ച വൈകുന്നേരം മുതൽ ജിതേന്ദ്രയെയും ഹൻസ്രാമിന്റെ കുടുംബാംഗങ്ങളെയും ആരും കണ്ടിട്ടില്ല" ഡിഎസ്പി കൂട്ടിച്ചേർത്തു.

കാണാതായവർക്കായി പൊലിസ് തിരച്ചിൽ ആരംഭിച്ചു. മൃതദേഹം പോസ്റ്റ്‌മോർട്ടത്തിനായി അയച്ചു, കേസ് രജിസ്റ്റർ ചെയ്തു. കൊലപാതകത്തിന് പിന്നിലെ കാരണം എന്താണെന്നോ മൃതദേഹം എത്രനേരം ഡ്രമ്മിൽ കിടന്നു എന്നോ ഇതുവരെ വ്യക്തമായിട്ടില്ല.

ALSO READ: ഭര്‍ത്താവിനെ കൊന്ന ശേഷം കാമുകനൊപ്പം ഹോളി ആഘോഷം; മുസ്‌കാന്റെയും സാഹിലിന്റെയും മണാലി യാത്രയുടെ വിവരങ്ങള്‍ പുറത്ത്

അതേസമയം, ആളുകളെ കൊലപ്പെടുത്തി ഡ്രമ്മിനുള്ളിൽ ആക്കുന്ന സംഭവങ്ങൾ തുടർച്ചയായി റിപ്പോർട്ട് ചെയ്യപ്പെടുകയാണ്. മാർച്ചിൽ ഉത്തർപ്രദേശിലെ മീററ്റിൽ ഒരാളെ ഭാര്യയും കാമുകനും ചേർന്ന് കൊലപ്പെടുത്തി, മൃതദേഹം വെട്ടിനുറുക്കി ഒരു ഡ്രമ്മിൽ ഇട്ടു സിമന്റ് ഇട്ട് മൂടിയിരുന്നു. ദമ്പതികളുടെ മകൾ അയൽക്കാരോട് "പപ്പാ ഡ്രം മേം ഹെയ്ൻ" എന്ന് ആവർത്തിച്ച് പറഞ്ഞതോടെയാണ് കുറ്റകൃത്യം വെളിച്ചത്തുവന്നത്.

ഇതിന് പിന്നാലെ ജൂണിൽ ലുധിയാനയിലെ ഷേർപൂർ പ്രദേശത്ത് നീല ഡ്രമ്മിൽ നിറച്ച നിലയിൽ ഒരു അജ്ഞാതന്റെ മൃതദേഹം കണ്ടെത്തിയിരുന്നു.

A youth was found murdered in Rajasthan’s Khairthal-Tijara district, with his body stuffed inside a drum on a building rooftop. The victim showed injuries caused by sharp weapons. Meanwhile, his family has gone missing, raising further suspicion.