തിരുവനന്തപുരം: ഹെൽമറ്റ് ധരിക്കാതെ വാഹനം ഓടിച്ചതിന് മോട്ടോർ വാഹന വകുപ്പ് ആളുമാറി പിഴ നോട്ടീസ് നൽകിയതായി പരാതി. തിരുവനന്തപുരം ചന്തവിള ഈസ്റ്റാഫ്പുരം സിഎസ്ഐ ഇടവക വികാരിയായ ഫാദർ എഡിസൺ ഫിലിപ്പിനാണ് മോട്ടോർ വാഹന വകുപ്പിന്റെ നോട്ടീസ് കിട്ടിയത്. 

മലയൻ കീഴിലെ ക്യാമറയിൽ ഹെൽമറ്റില്ലാതെ പോവുന്ന യുവാവിന്റെ ഫോട്ടോയാണ് നോട്ടീസിൽ ഉള്ളത്. ഫോട്ടോയിലുള്ളത് തന്റെ ബൈക് നമ്പർ അല്ലെന്നും മലയൻ കീഴിൽ താൻ പോയിട്ടില്ലെന്നും ഫാദർ എഡിസൺ ഫിലിപ്പ് പറഞ്ഞു. താൻ ഹെൽമറ്റ് ധരിക്കാതെ പുറത്തേക്ക് പോവാറില്ലെന്നും അദ്ദേഹം പറഞ്ഞു.