ദുബൈ: ദുബൈ ഇന്ത്യന്‍ കോണ്‍സുലേറ്റിന്റെ വിവിധ സേവനങ്ങള്‍ക്ക് അംഗീകൃത നിരക്കുകള്‍ക്ക് പകരം അമിത തുക ഈടാക്കുന്ന ഏജന്റുമാരെക്കുറിച്ച് ജാഗ്രത പാലിക്കണമെന്ന് കോണ്‍സുലേറ്റ് ജനറല്‍ ഓഫ് ഇന്ത്യ (സി.ജി.ഐ) അധികൃതര്‍ ആവശ്യപ്പെട്ടു. തൊഴിലുടമയോ സ്‌പോണ്‍സറോ ഇല്ലാത്ത പ്രവാസി മരിച്ചാല്‍ മൃതദേഹം നാട്ടിലേക്ക് കൊണ്ടുപോകുന്നതിനുള്ള ചെലവ് ഇന്‍ഷുറന്‍സ് കമ്പനി വഹിക്കുന്നില്ലെങ്കില്‍ ഇന്ത്യന്‍ കമ്യൂണിറ്റി വെല്‍ഫെയര്‍ ഫണ്ടിന് (ഐ.സി.ഡബ്ലിയു.എഫ്)ന് കീഴിലുള്ള സാമൂഹിക സംഘടനകളുടെ പാനല്‍ വഴി കോണ്‍സുലേറ്റ് അതിനുള്ള ചെലവ് വഹിക്കുമെന്ന് അധികൃതര്‍ വെളിപ്പെടുത്തി. മരിച്ചയാളുടെ കുടുംബം ഒരു ചെലവും വഹിക്കേണ്ടി വരില്ല.

2021ലെ യു.എ.ഇ ഫെഡറല്‍ ഡിക്രി നിയമ നമ്പര്‍ (33) ആര്‍ട്ടിക്കിള്‍ 15 (3) പ്രകാരം, പ്രവാസിയുടെ മൃതദേഹം ജന്മ നാട്ടിലേക്കോ, അല്ലെങ്കില്‍ താമസ സ്ഥലത്തേക്കോ കൊണ്ടുപോകുന്നതിനുള്ള എല്ലാ ചെലവുകളും തൊഴിലുടമ വഹിക്കേണ്ടതാണ്. പ്രവാസികള്‍ കോണ്‍സുലേറ്റ് നല്‍കുന്ന ഔദ്യോഗിക വിവരങ്ങള്‍ മാത്രം ആശ്രയിക്കണമെന്നും അധികൃതര്‍ അഭ്യര്‍ത്ഥിച്ചു.

മരിച്ചവരുടെ കുടുംബങ്ങള്‍ക്ക് മാര്‍ഗനിര്‍ദേശങ്ങള്‍ക്കും മറ്റുമായി സന്ദര്‍ശിക്കാം:

Website:  https://www.cgidubai.gov.in/content/AssistanceProcedure.docx

ഫോണ്‍: 050 734 7676, ടോള്‍ ഫ്രീ: 800 46342.

ALSO READ: 1985ല്‍ രാജീവ് ഗാന്ധി, ഇന്നലെ രാഹുല്‍ ഗാന്ധി; മുന്‍ഗര്‍ മസ്ജിദിലെ സന്ദര്‍ശനം ചരിത്രത്തിന്റെ ആവര്‍ത്തനം

The Consulate General of India (CGI) in Dubai has issued an advisory for the Indian diaspora in the United Arab Emirates (UAE) regarding the repatriation of mortal remains, warning families against fraudulent agents charging exorbitant fees. The mission reiterated its earlier advisory from November 2024 and urged the community to rely only on official information provided by the consulate.