ദുബൈ: ഷെയ്ഖ് സായിദ് റോഡിൽ മറ്റുള്ളവരുടെ ജീവൻ അപകടത്തിലാക്കും വിധം വാഹനമോടിച്ച ഒരു ജിസിസി പൗരനെ ദുബൈ ട്രാഫിക് കോടതി ശിക്ഷിച്ചു. 5,000 ദിർഹം പിഴയും മൂന്ന് മാസത്തെ ഡ്രൈവിംഗ് ലൈസൻസ് സസ്‌പെൻഷനും കോടതി ഇയാൾക്ക് ശിക്ഷയായി വിധിച്ചു.

കോടതി രേഖകൾ പ്രകാരം, ഇയാൾ, അപകടകരമായ രീതിയിൽ വാഹനമോടിക്കുകയും, മറ്റൊരു വാഹനത്തെ പിന്തുടർന്ന്, ആവശ്യമായ സുരക്ഷിത അകലം പാലിക്കാതിരിക്കുകയും, മുന്നിലുള്ള ഡ്രൈവറെ ഭയപ്പെടുത്താൻ ഹൈ ബീം ലൈറ്റുകൾ ഉപയോഗിക്കുകയും ചെയ്തതായി പറയുന്നു. 

തുടർന്ന്, പ്രതി എമർജൻസി ഷോൾഡറിലൂടെ മറ്റൊരു വാഹനത്തെ മറികടന്ന ശേഷം, വീണ്ടും മുന്നിലേക്ക് കയറി, ആവർത്തിച്ച് ബ്രേക്ക് ചവിട്ടി, ഗുരുതരമായ അപകടം ഉണ്ടാകാനുള്ള സാഹചര്യം സൃഷ്ടിച്ചു.

ALSO READ: കണക്കും, ഇം​ഗ്ലീഷുമൊന്നും ഇനി നിങ്ങളുടെ കുട്ടിക്കൊരു പ്രശ്നമാവില്ല; യുഎഇയിലെ ഏറ്റവും മികച്ച 5 ലേർണിങ്ങ് ആപ്പുകളെക്കുറിച്ചറിയാം

സംഭവത്തെക്കുറിച്ച് പരാതിക്കാരൻ പറയുന്നതിങ്ങനെ, താൻ 135 കിലോമീറ്റർ വേഗത്തിൽ അബൂദബിയിലേക്ക് പോകുമ്പോൾ, പ്രതിയുടെ വാഹനം പെട്ടെന്ന് പിന്നിൽ വരികയും, ഹൈ ബീം ലൈറ്റുകളുടെ ഉപയോഗിക്കുയും ചെയ്തു, ഇത് തന്റെ കാഴ്ച താൽക്കാലികമായി തടസ്സപ്പെടുത്തി പരാതിക്കാരൻ അന്വേഷണ ഉദ്യോഗസ്ഥരോട് പറഞ്ഞു.

അപകടം ഒഴിവാക്കാൻ തനിക്ക് 80 കിലോമീറ്റർ വേഗതയിൽ യാത്ര ചെയ്യേണ്ടി വന്നുവെന്നും, തുടർന്ന് പ്രതി വേഗത്തിൽ കടന്നുപോയെന്നും പരാതിക്കാരൻ പറഞ്ഞു. പരാതിക്കാരൻ വാഹനത്തിന്റെ വിവരങ്ങൾ സഹിതം റിപ്പോർട്ട് ചെയ്തതിനെ തുടർന്ന് പൊലിസ് പ്രതിയെ അറസ്റ്റ് ചെയ്തത്. പ്രതി കുറ്റം നിഷേധിച്ചെങ്കിലും, തെളിവുകൾ ശക്തമാണെന്ന് കണ്ടെത്തിയ കോടതി പ്രതിയെ ശിക്ഷിക്കുകയായിരുന്നു. 

ഇത്തരം കേസുകളിൽ വാഹനം പിടിച്ചെടുക്കൽ ഉൾപ്പെടെയുള്ള നടപടികൾ സ്വീകരിക്കുമെന്ന് ദുബൈ പൊലിസ് അറിയിച്ചു. 2023-ലെ ഡിക്രി നമ്പർ 30 പ്രകാരം, പിടിച്ചെടുത്ത വാഹനം വിട്ടുകിട്ടാൻ 50,000 ദിർഹം പിഴ അടയ്ക്കണം.

A Dubai Traffic Court has sentenced a GCC citizen to a 5,000 dirham fine and a three-month driving license suspension for reckless driving on Sheikh Zayed Road, endangering the lives of others. This strict penalty reflects the court's efforts to maintain road safety and discipline among drivers. Sheikh Zayed Road is a major artery in Dubai, and authorities have implemented various measures to manage traffic and reduce accidents, including dynamic toll systems and traffic management projects ¹ ².