അബൂദബി: അധിനിവേശ വെസ്റ്റ് ബാങ്കിലെ പുതിയ ഇസ്റാഈലി കുടിയേറ്റ പദ്ധതിയെയും ഗസ്സ മുനമ്പിൽ നടന്നുകൊണ്ടിരിക്കുന്ന വൻതോതിലുള്ള സൈനിക നടപടികളെയും യുനൈറ്റഡ് അറബ് എമിറേറ്റ്സ് ശക്തമായി അപലപിച്ചു.

ഈ രീതികൾ അന്താരാഷ്ട്ര നിയമങ്ങളുടെയും പ്രസക്തമായ ഐക്യരാഷ്ട്രസഭാ പ്രമേയങ്ങളുടെയും ഗുരുതര ലംഘനമാണെന്നും നീതിയുക്തവും സമഗ്രവുമായ സമാധാനം കൈവരിക്കാനും സ്വതന്ത്ര ഫലസ്തീൻ രാഷ്ട്രം സ്ഥാപിക്കാനുമുള്ള പ്രാദേശിക-അന്തർദേശീയ ശ്രമങ്ങളെ ഇത് ഗുരുതരമായി ദുർബലപ്പെടുത്തുന്നുവെന്നും യു.എ.ഇ വിദേശ കാര്യ മന്ത്രാലയം (മോഫ) പ്രസ്താവനയിൽ വ്യക്തമാക്കി. വർധിച്ചുവരുന്ന മാനുഷിക കഷ്ടപ്പാടുകളും പ്രാദേശിക സുരക്ഷയ്ക്കും സ്ഥിരതയ്ക്കും ഉയർത്തുന്ന ഭീഷണിയും ഉൾപ്പെടെ തുടർച്ചയായ ആക്രമണത്തിന്റെ വിനാശകരമായ പ്രത്യാഘാതങ്ങളെക്കുറിച്ച് മന്ത്രാലയം ശക്തമായ മുന്നറിയിപ്പ് നൽകി.

ഫലസ്തീനിലെ വെസ്റ്റ് ബാങ്കിലെ ഇസ്റാഈലിന്റെ കുടിയേറ്റ വ്യാപനവും സൈനിക നടപടികളും ഉടനടി നിർത്തലാക്കാനുള്ള ആഹ്വാനം യു.എ.ഇ ഉന്നയിച്ചു. ഈ ലംഘനങ്ങൾ അവസാനിപ്പിക്കുന്നതിൽ അന്താരാഷ്ട്ര സമൂഹം തങ്ങളുടെ ഉത്തരവാദിത്വങ്ങൾ നിർവഹിക്കണമെന്നും അന്താരാഷ്ട്ര നിയമ സാധുതയെ അടിസ്ഥാനമാക്കി നീതിയുക്തവും സമഗ്രവും ശാശ്വതവുമായ സമാധാനത്തിലേക്ക് നയിക്കുന്ന വിശ്വസനീയമായ രാഷ്ട്രീയ പ്രക്രിയയ്ക്കായി പ്രവർത്തിക്കണമെന്നും ആവശ്യപ്പെട്ടു.

UAE strongly condemns Israeli settlement plan and military expansion