അർജന്റൈൻ ഇതിഹാസം ലയണൽ മെസി തന്റെ ഫുട്ബോൾ കരിയറിന്റെ അവസാന ഘട്ടത്തോട് അടുത്തുകൊണ്ടിരിക്കുകയാണ്. ലയണൽ മെസി അടുത്ത വർഷം നടക്കുന്ന ലോകകപ്പിൽ കളിക്കുമെന്നാണ് ഫുട്ബോൾ ലോകം ഉറച്ചു വിശ്വസിക്കുന്നത്. ഫുട്ബോളിൽ നിന്നും വിരമിച്ചുകഴിഞ്ഞാൽ ഫുട്ബോളിൽ പരിശീലകനായി എത്താനുള്ള സാധ്യതകളിക്കുറിച്ച് മെസി തുറന്നു പറഞ്ഞു. വിരമിച്ചുകഴിഞ്ഞാൽ തനിക്ക് പരിശീലകനാവാൻ താത്പര്യമില്ലെന്നും ഭാവിയിൽ എന്താണ് ചെയ്യുകയെന്നതിനെക്കുറിച്ച് അറിയില്ലെന്നും മെസിയാണ് അഭിപ്രായപ്പെട്ടത്. 

''എനിക്ക് ഒരു പരിശീലകനാകാൻ താൽപ്പര്യമില്ല, പക്ഷേ ഭാവിയിൽ ഞാൻ എന്താണ് ചെയ്യുകയെന്നതിനെക്കുറിച്ച് ഇപ്പോഴും എനിക്ക് ഉറപ്പില്ല. ഓരോ ദിവസവും ചെയ്യുന്ന കാര്യങ്ങളെ ഞാൻ വളരെയധികം ഞാൻ വിലമതിക്കുന്നു, അതിനാൽ ഞാൻ കളിക്കുന്നതിനെക്കുറിച്ചും പരിശീലനം നേടുന്നതിനെക്കുറിച്ചും മാത്രമേ ചിന്തിക്കൂ" ലയണൽ മെസി മാർക്കക്ക് നൽകിയ അഭിമുഖത്തിൽ പറഞ്ഞു. 

മെസി ഇപ്പോഴും ഫുട്ബോളിൽ മിന്നും പ്രകടനങ്ങളാണ് തന്റെ ടീമിന് വേണ്ടി നടത്തിക്കൊണ്ടിരിക്കുന്നത്. മെസി നിലവിൽ മേജർ ലീഗ് സോക്കർ ക്ലബായ ഇന്റർ മയാമിക്ക് വേണ്ടിയാണ് കളിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

അതേസമയം വെനസ്വേലക്കും ഇക്വഡോറിനുമെതിരേയുള്ള അർജന്റീനയുടെ ലോകകപ്പ് യോഗ്യതാ മത്സരങ്ങൾക്കുള്ള ടീമിൽ മെസി ഇടം നേടിയിട്ടുണ്ട്. നിലവിൽ യോഗ്യതാ ഗ്രൂപ്പിൽ ഒന്നാമതെത്തി 2026 ലോകകപ്പിലേക്ക് അർജന്റിന തങ്ങളുടെ സ്ഥാനം ഇതിനകം ഉറപ്പാക്കിയിട്ടുണ്ട്.

സെപ്റ്റംബർ നാലിന് ബ്യൂണസ് ഐറിസിലെ മോനുമെൻറൽ സ്റ്റേഡിയത്തിൽ വെനിസ്വേലയേയും പത്തിന് ഗ്വായാക്വിലിൽ ഇക്വഡോറിനേയും അർജൻറീന നേരിടും. ദക്ഷിണ അമേരിക്കൻ മേഖല യോഗ്യതാ റൗണ്ടിൽ 35 പോയിൻറമായി അർജന്റീന ഒന്നാം സ്ഥാനത്താണ് നിൽക്കുന്നത്. രണ്ടാം സ്ഥാനത്തുള്ള ഇക്വഡോറിനേക്കാളും മൂന്നാം സ്ഥാനത്ത് ബ്രസീലിനേക്കാളും 10 പോയിന്റ് മുന്നിലാണ്. ഉടൻ തന്നെ ദേശീയ ക്യാംപിന് തുടക്കമാകും. 

Argentine legend Lionel Messi is approaching the end of his football career. Messi has opened up about the possibility of becoming a football coach after he retires from football.