ശ്രേയസ് അയ്യരെ ഏഷ്യ കപ്പിലെടുക്കാത്ത ഇന്ത്യൻ ക്രിക്കറ്റ് ബോർഡിന്റെ തീരുമാനത്തെക്കുറിച്ച് സംസാരിക്കുകയാണ് മുൻ സൗത്ത് ആഫ്രിക്കൻ താരം എബി ഡിവില്ലിയേഴ്സ്. ശ്രേയസിനെ ഏഷ്യ കപ്പിൽ എടുക്കാത്ത തീരുമാനം തനിക്ക് വിചിത്രമായി തോന്നിയെന്നാണ് എബിഡി പറഞ്ഞത്. 

2025 ഏഷ്യ കപ്പിനുള്ള ഇന്ത്യൻ ടീമിൽ സൂപ്പർതാരം ശ്രേയസ് അയ്യർ ഇടം നേടിയിരുന്നില്ല. സമീപ കാലങ്ങളിൽ മികച്ച പ്രകടനം കാഴ്ചവെച്ചിട്ടും അയ്യരിന് ഇന്ത്യൻ ടീമിൽ അവസരം ലഭിക്കാതെ പോവുകയായിരുന്നു. ഇപ്പോൾ ശ്രേയസിനെ ഏഷ്യ കപ്പിലെടുക്കാത്ത ഇന്ത്യൻ ക്രിക്കറ്റ് ബോർഡിന്റെ തീരുമാനത്തെക്കുറിച്ച് സംസാരിക്കുകയാണ് മുൻ സൗത്ത് ആഫ്രിക്കൻ താരം എബി ഡിവില്ലിയേഴ്സ്. ശ്രേയസിനെ ഏഷ്യ കപ്പിൽ എടുക്കാത്ത തീരുമാനം തനിക്ക് വിചിത്രമായി തോന്നിയെന്നാണ് എബിഡി പറഞ്ഞത്. 

''ഇത് ബുദ്ധിമുട്ടാണ്. കഴിഞ്ഞ കുറച്ച് വർഷങ്ങളായി അദ്ദേഹം മികച്ച ക്രിക്കറ്റ് കളിച്ചു. ശ്രേയസ് അയ്യർ ആയിരിക്കും ഈ തീരുമാനത്തിൽ ഏറ്റവും അസ്വസ്ഥനാകുക എന്നാണ് ഞാൻ കരുതുന്നു. അദ്ദേഹം വളരെ പക്വതയുള്ള താരമായി മാറി. അദ്ദേഹം ക്യാപ്റ്റൻസിയിലും മികച്ച പ്രകടനം നടത്തി. അത്തരത്തിലൊരു താരത്തെ ടീമിലെടുക്കാത്ത വിചിത്രമായി തോന്നുന്നു''  എബി ഡിവില്ലിയേഴ്സ് പറഞ്ഞു. 

2025 ഐപിഎല്ലിൽ പഞ്ചാബ് കിങ്സിനായി മിന്നും പ്രകടനമായിരുന്നു അയ്യർ നടത്തിയിരുന്നത് പഞ്ചാബിനു വേണ്ടി 17 മത്സരങ്ങളിൽ നിന്നും 644 റൺസായിരുന്നു താരം സ്വന്തമാക്കിയിരുന്നത്. ഈ സീസണിൽ ശ്രേയസിന്റെ കീഴിൽ മികച്ച മുന്നേറ്റമാണ് പഞ്ചാബ് നടത്തിയത്. നീണ്ട 11 വർഷങ്ങൾക്ക് ശേഷം പഞ്ചാബിനെ ഐപിഎൽ കലാശപോരാട്ടത്തിലേക്ക് യോഗ്യത നേടിക്കൊടുക്കാൻ അയ്യരിനു സാധിച്ചിരുന്നു. 

അതേസമയം സെപ്റ്റംബർ 10ന് യുഎഇക്കെതിരെയാണ് ഏഷ്യ കപ്പിൽ ഇന്ത്യയുടെ ആദ്യ മത്സരം. ആരാധകർ ഏറെ പ്രതീക്ഷയോടെ കാത്തിരിക്കുന്ന ഇന്ത്യ-പാകിസ്ഥാൻ ഗ്രൂപ്പ് ഘട്ട മത്സരം സെപ്റ്റംബർ 14ന് നടക്കും. ഇന്ത്യ, പാകിസ്ഥാൻ, യുഎഇ, ഒമാൻ എന്നിവ ഉൾപ്പെടുന്നതാണ് എ ഗ്രൂപ്പ്.

മത്സരങ്ങൾ രണ്ട് ഗ്രൂപ്പുകളായി തിരിച്ചാണ് നടക്കുക, ഓരോ ഗ്രൂപ്പിലും നാല് ടീമുകൾ വീതം ഉണ്ടാകും. ഗ്രൂപ്പ് ഘട്ടത്തിന് ശേഷം ആദ്യ നാല് സ്ഥാനങ്ങളിൽ എത്തുന്ന ടീമുകൾ സൂപ്പർ ഫോർ ഘട്ടത്തിലേക്ക് മുന്നേറും. സൂപ്പർ ഫോറിൽ ഓരോ ടീമും മൂന്ന് മത്സരങ്ങൾ കളിക്കും, ഇതിൽ മികച്ച പ്രകടനം കാഴ്ചവെക്കുന്ന രണ്ട് ടീമുകൾ ഫൈനലിൽ ഏറ്റുമുട്ടും. അടുത്ത വർഷത്തെ ടി20 ലോകകപ്പിനെ മുൻനിർത്തി, ഈ വർഷത്തെ ഏഷ്യാ കപ്പ് ടി20 ഫോർമാറ്റിൽ ആണ് സംഘടിപ്പിക്കപ്പെടുന്നത്.

Former South African player AB de Villiers is speaking out about the Indian Cricket Board's decision not to pick Shreyas Iyer for the Asia Cup. AB de Villiers said that he found the decision not to pick Shreyas Iyer for the Asia Cup strange.