ദുബൈ അന്താരാഷ്ട്ര വിമാനത്താവളത്തിലെ ടെർമിനൽ 1-ലേക്കുള്ള പാലം വീതികൂട്ടാനും നവീകരിക്കാനും ഒരുങ്ങി ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA). ഇതിനായി ദുബൈ എയർപോർട്ട്‌സുമായി സഹകരിച്ച് ഒരു കരാർ നൽകിയിട്ടുണ്ട്.

ഈ പദ്ധതി ടെർമിനലിലേക്കുള്ള ഗതാഗത തിരക്ക് കുറയ്ക്കും. കൂടാതെ, യാത്രക്കാർക്ക് വേഗത്തിൽ വിമാനത്താവളത്തിൽ എത്താൻ സഹായിക്കുകയും ചെയ്യും. ദുബൈ അന്താരാഷ്ട്ര വിമാനത്താവളത്തിൽ അനുദിനം യാത്രക്കാരുടെ എണ്ണം വർധിച്ചുവരുന്ന സാഹചര്യത്തിലാണ് ഈ നടപടി. 2024-ൽ 9.2 കോടി യാത്രക്കാരാണ് ദുബൈ വിമാനത്താവളത്തിലെത്തിയത്. 

RTA-യുടെ ഡയറക്ടർ ജനറലും എക്സിക്യൂട്ടീവ് ഡയറക്ടേഴ്സ് ബോർഡ് ചെയർമാനുമായ മത്താർ അൽ തായർ പദ്ധതിയെക്കുറിച്ച് വിശദീകരിച്ചു. 

“നിലവിലുള്ള മൂന്ന് വരി പാലം നാല് വരിയായി വിപുലീകരിക്കുന്നതിന്, സ്റ്റീൽ ബോക്സ് ഗിർഡറുകളും കോൺക്രീറ്റ് സ്ലാബും സംയോജിപ്പിച്ച ഒരു നൂതന സാങ്കേതികവിദ്യ ഉപയോഗിച്ച് പുതിയ പാലം നിർമിക്കും,” അദ്ദേഹം പറഞ്ഞു.

ALSO READ: ഒമാനിലെ ആഡംബര വസതി വിറ്റുപോയത് 45 കോടി രൂപയ്ക്ക്

ഉയർന്ന കാര്യക്ഷമതയുടെ അടിസ്ഥാനത്തിലാണ് ഈ രീതി തെരഞ്ഞെടുത്തത്. ഇത് നിലവിലെ ഗതാഗത പ്രവാഹത്തെ തടസ്സപ്പെടുത്താതെ തന്നെ പുതിയ വരി വേഗത്തിൽ ചേർക്കാൻ അനുവദിക്കുന്നു. 

“റാമ്പുകൾ ഉൾപ്പെടെ, പാലത്തിന്റെ മൊത്തം നീളം 171 മീറ്ററാണ്, പ്രധാന ഭാഗം ഏകദേശം 70 മീറ്റർ വ്യാപ്തിയുള്ളതാണ്,” അദ്ദേഹം വ്യക്തമാക്കി.

പദ്ധതിയിൽ ഉൾപ്പെടുന്നവ:

1) റോഡ് ഉപരിതല നവീകരണം
2) ചുറ്റുപാടുകളുമായി സംയോജിപ്പിക്കുന്നതിനായി അടിസ്ഥാന സൗകര്യ സേവനങ്ങളിലേക്കും ലാൻഡ്‌സ്കേപ്പിംഗിലേക്കും അപ്‌ഗ്രേഡുകൾ.
3) സുരക്ഷയും ദൃശ്യപരതയും വർധിപ്പിക്കാൻ പുതിയ തെരുവ് വിളക്കുകൾ

“ഈ വിപുലീകരണം പാലത്തിന്റെ ശേഷി മണിക്കൂറിൽ 4,200 വാഹനങ്ങളിൽ നിന്ന് 5,600 വാഹനങ്ങളായി ഉയർത്തും. ഇത് നിലവിലെ സാഹചര്യങ്ങലിൽ നിന്ന് 33 ശതമാനം വർധനവാണ്,” അദ്ദേഹം കൂട്ടിച്ചേർത്തു.

The Dubai Roads and Transport Authority (RTA) is set to upgrade and widen the bridge leading to Terminal 1 at Dubai International Airport. A contract has been awarded in collaboration with Dubai Airports to carry out the project. This infrastructure upgrade aims to enhance the overall travel experience and improve traffic flow around the airport, aligning with Dubai's goal of becoming a world-class aviation hub ¹.