അബൂദബി: യുഎഇയിൽ 2025 ഓഗസ്റ്റ് 23 ന് മാസം കാണാത്തതിനെ തുടർന്ന് ഇസ്‌ലാമിക കലണ്ടറിലെ മൂന്നാം മാസമായ റബീഉൽ അവ്വൽ ഓ​ഗസ്റ്റ് 25 ന് ആരംഭിക്കും. അതേസമയം, ചില രാജ്യങ്ങളിൽ ഇന്ന് റബീഉൽ അവ്വൽ ആരംഭിക്കും.

എന്നാൽ യുഎഇയിലെ, അന്താരാഷ്ട്ര ജ്യോതിശാസ്ത്ര കേന്ദ്രത്തിന്റെ അഭിപ്രായത്തിൽ, ശനിയാഴ്ച മാസം കാണുക എന്നത് ജ്യോതിശാസ്ത്രപരമായി അസാധ്യമായിരുന്നു. നഗ്നനേത്രങ്ങൾ കൊണ്ടോ, ടെലിസ്‌കോപ്പ് ഉപയോഗിച്ചോ, അല്ലെങ്കിൽ നൂതന ഇമേജിംഗ് സാങ്കേതികവിദ്യ ഉപയോഗിച്ചോ പോലും.

എന്നാൽ, 2025 ഓഗസ്റ്റ് 24 (ഞായറാഴ്ച) ന് മിക്ക അറബ് രാഷ്ട്രങ്ങളിലും ചന്ദ്രക്കല നഗ്നനേത്രങ്ങൾ കൊണ്ട് എളുപ്പത്തിൽ ദൃശ്യമായി. എന്നാൽ, ഏഷ്യയുടെ വടക്കൻ ഭാഗങ്ങളിൽ ഇത് കാണാൻ ബുദ്ധിമുട്ടായിരുന്നു.

ALSO READ: ട്രാഫിക് പിഴയുടെ പേരിൽ തട്ടിപ്പ്; സമൂഹ മാധ്യമങ്ങളിൽ പ്രചരിക്കുന്ന ലിങ്കിനെതിരെ മുന്നറിയിപ്പുമായി അബൂദബി പൊലിസ്

തൽഫലമായി, ഇറാഖ്, സഊദി അറേബ്യ, ഖത്തർ, ബഹ്റൈൻ, കുവൈത്ത്, പലസ്തീൻ, ഈജിപ്ത്, ടുണീഷ്യ എന്നീ രാജ്യങ്ങളിൽ ഓഗസ്റ്റ് 24 (ഞായറാഴ്ച) ന് റബീഉൽ അവ്വൽ ആരംഭിച്ചു.

അതേസമയം, യുഎഇ, ഒമാൻ, ജോർദാൻ, അൾജീരിയ, ലിബിയ, മൊറോക്കോ, മൗറിറ്റാനിയ, തുടങ്ങിയ രാജ്യങ്ങളും ഇന്തോനേഷ്യ, മലേഷ്യ, ബ്രൂണൈ, സിംഗപ്പൂർ, ഇന്ത്യ, ബംഗ്ലാദേശ്, പാകിസ്ഥാൻ, ഇറാൻ തുടങ്ങിയ ഏഷ്യൻ രാജ്യങ്ങളിലും ഓഗസ്റ്റ് 25 തിങ്കളാഴ്ചയാണ് റബീഉൽ അവ്വൽ ആരംഭിക്കുക.

ജ്യോതിശാസ്ത്ര കലണ്ടർ പ്രകാരം, റബീഉൽ അവ്വൽ 12-ാം ദിനത്തിൽ ആഘോഷിക്കുന്ന പ്രവാചകൻ മുഹമ്മദിന്റെ ജന്മദിനം 2025 സെപ്റ്റംബർ 5 വെള്ളിയാഴ്ചയായിരിക്കും. ഇതോടെ യുഎഇക്കാർക്ക് നബിദിന അവധി കൂടാതെ, ശനി, ഞായർ ദിവസങ്ങളിലെ സാധാരണ വാരാന്ത്യ അവധിയും ചേർന്ന് മൂന്ന് ദിവസത്തെ പൊതു അവധി ലഭിക്കാൻ സാധ്യതയുണ്ട്.

The United Arab Emirates will start the third month of the Islamic calendar, Rabiul Awwal, on August 25, 2025, after the moon sighting committee failed to spot the crescent moon on August 23. This month is significant as it marks the birth of Prophet Muhammad (PBUH), which falls on the 12th day of Rabiul Awwal, expected to be celebrated on September 5 in the UAE and Oman, while Kuwait will observe it on September 4 ¹ ².