ന്യൂഡല്‍ഹി: പ്രതികാര നടപടിയുടെ ഭാഗമായി ബിജെപി ഭരിക്കുന്ന അസം സര്‍ക്കാരിന്റെ തുടര്‍ച്ചയായ കേസുകളെത്തുടര്‍ന്ന് പ്രതിസന്ധിയിലായതോടെ വായനക്കാരോട് സാമ്പത്തികമായി പിന്തുണയ്ക്കാന്‍ അഭ്യര്‍ഥിച്ച് ദി വയര്‍. ദി വയറിന്റെ സ്ഥാപക എഡിറ്റര്‍ സിദ്ധാര്‍ത്ഥ് വരദരാജന്‍ സോഷ്യല്‍മീഡിയയില്‍ പങ്കുവച്ച കുറിപ്പിലാണ് ഇതുസംബന്ധിച്ച അഭ്യര്‍ത്ഥന നടത്തിയത്.

സിദ്ധാര്‍ത്ഥ് വരദരാജന്റെ അഭ്യര്‍ത്ഥന:
ദി വയര്‍ ഒരു കോര്‍പ്പറേറ്റ് ഉടമയുടേതോ സര്‍ക്കാര്‍ പരസ്യദാതാവിന്റെയോ അല്ല. തികച്ചും ലാഭേച്ഛയില്ലാതെ പ്രവര്‍ത്തിക്കുന്ന സ്ഥാപനമെന്ന നിലയില്‍ അത് ഞങ്ങളുടെ വായനക്കാരായ നിങ്ങളുടെ സ്വന്തമാണ്.
എന്നാല്‍ ദുഃഖകരമെന്നു പറയട്ടെ, വായനക്കാരില്‍ ഒരു വിഭാഗം മാത്രമേ ഞങ്ങളെ സാമ്പത്തികമായി പിന്തുണയ്ക്കുന്നുള്ളൂ.
നിങ്ങള്‍ ദി വയര്‍ വായിക്കുന്നവരാണെങ്കില്‍, അത് നിലനിര്‍ത്താന്‍ നിങ്ങള്‍ സഹായിക്കുമോ?
മുമ്പത്തേക്കാളും ഇപ്പോള്‍ ഞങ്ങള്‍ക്ക് നിങ്ങളുടെ പിന്തുണ ആവശ്യമാണ്.
നിങ്ങള്‍ ഒരു ഇന്ത്യന്‍ പൗരനാണെങ്കില്‍, നിങ്ങള്‍ ലോകത്ത് എവിടെയായിരുന്നാലും ദയവായി ദി വയറിന് സംഭാവന നല്‍കുക!

മുതിര്‍ന്ന മാധ്യമപ്രവര്‍ത്തകരായ സിദ്ധാര്‍ത്ഥ് വരദരാജന്‍, ദി വയര്‍ കണ്‍സള്‍ട്ടിങ് എഡിറ്റര്‍ കരണ്‍ ഥാപ്പര്‍ എന്നിവര്‍ക്കെതിരേ രാജ്യദ്രോഹ കുറ്റം ഉള്‍പ്പെടെ ചുമത്തിയ അസം പൊലിസിന്റെ നടപടി സംബന്ധിച്ച് സുപ്രഭാതം പ്രസിദ്ധീകരിച്ച വാര്‍ത്തയുടെ കട്ടിങ് സഹിതമാണ് പോസ്റ്റ്.

രാജ്യദ്രോഹവുമായി ബന്ധപ്പെടുത്തി വ്യത്യസ്ത സമയത്തായി രണ്ട് കേസുകളാണ് അസം പോലീസ് രജിസ്റ്റര്‍ചെയ്തത്. 
നിലവില്‍ ഈ കേസുകളില്‍ അറസ്റ്റ് പാടില്ലെന്ന് സുപ്രീം കോടതി നിര്‍ദേശം നല്‍കിയിട്ടുണ്ട്. ദി വയര്‍ പുറത്തുവിട്ട എഫ്.ഐ.ആര്‍ വിവരങ്ങളില്‍ അന്തരിച്ച ജമ്മു കശ്മീര്‍ മുന്‍ ഗവര്‍ണറും ബി.ജെ.പി നേതാവുമായിരുന്ന സത്യപാല്‍ മാലികിന്റെ പേരുമുണ്ട്. സിദ്ധാര്‍ത്ഥ് വരദരാജന്‍, കരണ്‍ ഥാപ്പര്‍ എന്നിവരെക്കൂടാതെ പത്രപ്രവര്‍ത്തകനും പാക് പഞ്ചാബിന്റെ മുന്‍ മുഖ്യമന്ത്രിയുമായ നജാം സേത്തി, ദി വയര്‍ ഹിന്ദി വിഭാഗത്തിന്റെ എഡിറ്റര്‍ അശുതോഷ് ഭരദ്വാജ് എന്നിവരുടെ പേരുകളും എഫ്.ഐ.ആറില്‍ ഉണ്ട്. 

 

 

ഈ മാസം 22ന് ഗുവാഹതി ക്രൈം ബ്രാഞ്ച് മുമ്പാകെ ഹാജരാകാന്‍ ആവശ്യപ്പെട്ട് സിദ്ധാര്‍ത്ഥ് വരദരാജനും കരണ്‍ ഥാപ്പര്‍ക്കും പൊലിസ് അയച്ച നോട്ടീസിന് ആധാരമായ എഫ്‌ഐആറില്‍ ഇന്ത്യയുടെ പരമാധികാരം, ഐക്യം, അഖണ്ഡത എന്നിവയ്ക്ക് കളങ്കമാകുന്ന തരത്തിലുള്ള റിപ്പോര്‍ട്ടുകള്‍ ചെയ്തുവെന്നാണ് ആരോപണം. 

പഹല്‍ഗാം ഭീകരാക്രമണത്തിന്റെ പശ്ചാത്തലത്തില്‍ കേന്ദ്രസര്‍ക്കാരിനെ പ്രതിക്കൂട്ടിലാക്കിയും ജമ്മുകശ്മീര്‍ താഴ് വരയിലെ സുരക്ഷാവീഴ്ചയെക്കുറിച്ചുമുള്ള ദി വയറിന്റെ റിപ്പോര്‍ട്ടുകളുടെ പശ്ചാത്തലത്തിതല്‍ ബി.ജെ.പി പ്രവര്‍ത്തകന്‍ നല്‍കിയ പരാതിയാണ് ഈ കേസുകള്‍ക്ക് ആധാരം. മെയ് ആറിന് 'ദി വയറിന്' നല്‍കിയ അഭിമുഖത്തില്‍ പ്രധാനമന്ത്രി മോദിയെ ലജ്ജയില്ലാത്തവനും ഭീരുവും എന്ന് മാലിക് വിശേഷിപ്പിച്ചിരുന്നു. ഭീകരാക്രമണത്തിന് കേന്ദ്രം മാപ്പ് പറയണമെന്ന് അദ്ദേഹം അഭിമഖത്തില്‍ ആവശ്യപ്പെടുകയുംചെയ്തത് വലിയ വാര്‍ത്തയായിരുന്നു. 

The Wire has appealed to its readers to support it financially as it grapples with a series of cases filed by the BJP-ruled Assam government as part of its retaliation. The Wire's founding editor Siddharth Varadarajan made the request in a post shared on social media.