തിരുവനന്തപുരം: കേരളത്തിലെ പ്രധാനപ്പെട്ട ആശുപത്രികളില്‍ പണം ഇല്ലാത്തതിന്റെ പേരില്‍ ചികിത്സ നിഷേധിക്കുന്ന സാഹചര്യം ഉണ്ടാകരുതെന്ന് മുഖ്യമന്ത്രി പിണറായി വിജയന്‍ വ്യക്തമാക്കി. 

സംസ്ഥാനത്തെ പ്രധാനപ്പെട്ട ആശുപത്രികള്‍ ആഗോള കോര്‍പ്പറേറ്റുകള്‍ ഏറ്റെടുക്കുന്നുവെന്ന് പറഞ്ഞ മുഖ്യമന്ത്രി, കേരളത്തെ സേവിക്കാം എന്ന താൽപര്യത്തോടെ വന്നവരല്ല ഇവർ. ഇപ്പോള്‍ ഈ ആശുപത്രികളില്‍ ചിലവേറിയ ചികിത്സയിലേക്ക് മാറുന്നുവെന്നും കൂട്ടിച്ചേര്‍ത്തു. പണം ഇറക്കി പണം നേടാമെന്നു കരുതുന്നത് നല്ല സമീപനമല്ലെന്നും അദ്ദേഹം വ്യക്തമാക്കി.

അതേസമയം യുവതലമുറയ്ക്ക് കേരളത്തില്‍ തന്നെ തൊഴില്‍ അവസരങ്ങള്‍ ഒരുക്കാന്‍ കഴിയുന്നുണ്ട്. സംസ്ഥാനത്ത് സ്ത്രീകള്‍ക്ക് തൊഴില്‍ അവസരങ്ങള്‍ കൂടുതല്‍ ലഭ്യമാക്കാനുള്ള ചര്‍ച്ചകള്‍ നടന്നു. നവകേരളത്തിന് അനുശ്രിതമായ പരിപാടികള്‍ കെ ഡിസ്‌ക് നടപ്പാക്കുന്നുവെന്നും മുഖ്യമന്ത്രി കൂട്ടിച്ചേര്‍ത്തു.