ഫാറൂഖ്: അധ്യാപക ദിനത്തിന്റ ഭാഗമായി ഫാറൂഖ് കോളജില്‍ 'ഹോണറിങ് സെറിമണി' സംഘടിപ്പിച്ചു. പ്രൊഫ. എന്‍.പി ഹാഫിസ് മുഹമ്മദ്  മുഖ്യപ്രഭാഷണം നടത്തി.  
അധ്യാപനം ബദലുകളില്ലാത്ത സാമൂഹിക സമര്‍പ്പണമാണെന്നും അത് വേരിട്ടൊരു മധുരമാണെന്നും പ്രൊഫ. എന്‍.പി ഹാഫിസ് മുഹമ്മദ് അഭിപ്രായപ്പെട്ടു.
  ഫാറൂഖ് കോളജില്‍  കാല്‍ നൂറ്റാണ്ട് അധ്യാപനം പൂര്‍ത്തിയാക്കിയ അധ്യാപകരെ ചടങ്ങില്‍ ഉപഹാരം നല്‍കി ആദരിച്ചു.
 സ്റ്റാഫ് ക്ലബ് പ്രസിഡന്റ് പ്രൊഫ. ഇ.പി ഇമ്പിച്ചി കോയ അധ്യക്ഷനായി. ഡോ. സാജിദ (സ്റ്റാഫ് ക്ലബ്ബ് മുന്‍ സെക്രട്ടറി), ഡോ. ഹബീബ് റഹ്മാന്‍ (എക്‌സ് ഒഫീഷ്യോ മെമ്പര്‍, സ്റ്റാഫ് ക്ലബ്ബ്) എന്നിവര്‍ ആശംസകള്‍ നേര്‍ന്നു. സെക്രട്ടറി ഡോ. ശാലിന ബീഗം സ്വാഗതവും ട്രഷറര്‍ ഡോ. യു.പി. മുഹമ്മദ് ആബിദ് നന്ദിയും പറഞ്ഞു.