വാഷിങ്ടണ്‍: ഗസ്സയില്‍ മനുഷ്യക്കുരുതി തുടരുന്ന ഇസ്‌റാഈലുമായുള്ള ബന്ധം തുടരുന്നതില്‍ പ്രതിഷേധിച്ച് കമ്പനി പ്രസിഡന്റിന്റെ ഓഫിസില്‍ സമരം ചെയ്ത രണ്ടു ജീവനക്കാരെ മൈക്രോസോഫ്റ്റ് പിരിച്ചുവിട്ടു. അന്ന ഹാറ്റില്‍, റിക്കി ഫമേലി എന്നിവര്‍ക്കാണ് പിരിച്ചുവിട്ടതായി അറിയിച്ചുകൊണ്ട് വോയ്‌സ് മെയില്‍ ലഭിച്ചത്.
കമ്പനിയുടെ നയങ്ങളും പെരുമാറ്റ ചട്ടങ്ങളും ലംഘിച്ചുവെന്നാരോപിച്ചാണ് ജീവനക്കാരെ പിരിച്ചുവിട്ടതെന്നാണ് കമ്പനി അറിയിച്ചിരിക്കുന്നത്. മൈക്രോസോഫ്റ്റിന്റെ ഓഫിസിലെത്തി പ്രതിഷേധിച്ച ഏഴുപേരെ വ്യാഴാഴ്ച അറസ്റ്റുചെയ്തിരുന്നു. ഇതില്‍ രണ്ടുപേരെയാണ് കമ്പനി പിരിച്ചുവിട്ടത്.

സ്വന്തം തൊഴിലാളികളെ തെറ്റിദ്ധരിപ്പിച്ച് ഫലസ്തീനില്‍ ഇസ്‌റാഈല്‍ നടത്തുന്ന വംശഹത്യക്ക് കുടപിടിക്കുകയാണ് മൈക്രോസോഫ്റ്റ് എന്നാരോപിച്ചാണ് ജീവനക്കാര്‍ കമ്പനിക്കുള്ളില്‍ പ്രതിഷേധിച്ചത്.
ഗസ്സ, വെസ്റ്റ് ബാങ്ക് അതിര്‍ത്തിയില്‍ ഫലസ്തീനികളുടെ ഫോണ്‍ സംഭാഷണങ്ങള്‍ ചോര്‍ത്തുന്നതിന് ഇസ്‌റാഈല്‍ മൈക്രോസോഫ്റ്റ് കമ്പനിയുടെ സാങ്കേതികവിദ്യ ഉപയോഗിച്ചതായി അന്വേഷണത്തില്‍ കണ്ടെത്തിയിരുന്നു. ഇതിനു മുമ്പും കമ്പനിയുടെ ഇസ്‌റാഈല്‍ ബന്ധത്തില്‍ പ്രതിഷേധിക്കുന്ന ജീവനക്കാരെ മൈക്രോസോഫ്റ്റ് പിരിച്ചുവിട്ടിരുന്നു.

ALSO READ: ആര്‍എസ്എസ് ശതാബ്ദി ആഘോഷം: ക്ഷണിച്ചെങ്കിലും ഗള്‍ഫ്, അറബ് പ്രതിനിധികള്‍ വിട്ടുനിന്നു; പങ്കെടുത്തത് 50 ലധികം നയതന്ത്രജ്ഞര്‍

Microsoft on Thursday fired two additional employees after firing two others a day prior, following a break-in at the office of its vice chair and company president, Brad Smith, earlier this week, as part of a protest of the technology company's purported links to Israel.