പിത്തോറഗഡ്: ഉത്തരാഖണ്ഡിലെ പിത്തോറഗഡ് ജില്ലയിൽ കനത്ത മഴയെ തുടർന്നുണ്ടായ മണ്ണിടിച്ചിലിൽ തുരങ്കത്തിൽ കുടുങ്ങിയ 19 എൻഎച്ച്പിസി (നാഷണൽ ഹൈഡ്രോളിക് പവർ കോർപ്പറേഷൻ) തൊഴിലാളികലളെയും രക്ഷപ്പെടുത്തി. ധൗളിഗംഗ പവർ പ്രോജക്ടിന്റെ പവർ ഹൗസിലേക്കുള്ള തുരങ്കത്തിന്റെ പ്രവേശന കവാടത്തിന് സമീപമാണ് മണ്ണിടിച്ചിൽ ഉണ്ടായത്.

പിന്നാലെ വലിയ പാറക്കല്ലുകൾ വീണ് കവാടം പൂർണമായി അടഞ്ഞതോടെയാണ് തൊഴിലാളികൾ തുരങ്കത്തിനുള്ളിൽ കുടുങ്ങിയത്. ശനിയാഴ്ച വൈകിട്ട് അഞ്ച് മണിയോടെയായിരുന്നു അപകടം. സംഭവം നടന്ന് 22 മണിക്കൂറിന് ശേഷമാണ് തുരങ്കത്തിനുള്ളിൽ കുടുങ്ങിയ മുഴുവൻ തൊഴിലാളികളെയും രക്ഷപ്പെടുത്താൻ കഴിഞ്ഞത്.

ALSO READ: ഞെട്ടിക്കാൻ ഒരുങ്ങി സെപ്റ്റംബർ: വിപണിയിലെത്തുന്നത് പുത്തൻ ബൈക്കുകളും സ്‌കൂട്ടറുകളും

തുരങ്കമുഖം തടസ്സപ്പെടുത്തിയത് വൻ പാറക്കല്ലുകളാണ്. എന്നാൽ, കുടുങ്ങിക്കിടക്കുന്ന തൊഴിലാളികൾ സുരക്ഷിതരാണെന്നും അവർക്ക് ആവശ്യമായ ഭക്ഷണവും വെള്ളവും തുരങ്കത്തിനുള്ളിൽ ഒരുക്കിയിരുന്നതായും പിത്തോറഗഡ് എസ്പി രേഖ യാദവ് നേരെത്തെ വ്യക്തമാക്കിയിരുന്നു.

ബോർഡർ റോഡ്‌സ് ഓർഗനൈസേഷന്റെ (ബിആർഒ) സഹായത്തോടെ ജെസിബി യന്ത്രങ്ങൾ ഉപയോഗിച്ച് അവശിഷ്ടങ്ങൾ നീക്കം ചെയ്തതിന് ശേഷമാണ് കവാടത്തിന് മുന്നിലെ തടസ്സങ്ങൾ നീക്കാനായത്. ദുരന്തനിവാരണ സേന, പൊല്സ്, മറ്റ് ഏജൻസികൾ എന്നിവർ രക്ഷാപ്രവർത്തനത്തിൽ സജീവമായി പങ്കെടുത്തു.

ALSO READ: ഇന്ത്യയിലുടനീളം ബ്രേക്ക്ഡൗൺ സഹായം: ടാറ്റ മോട്ടോർസിന്റെ 9 സീറ്റർ വാൻ വിപണിയിൽ

In Uttarakhand's Pithoragarh district, a landslide triggered by heavy rains on August 31, 2025, blocked the entrance to an NHPC tunnel at the Dhauliganga Power Project, trapping 19 workers inside. Rescue teams, including the Border Roads Organisation and disaster response forces, used JCB machines to clear debris. All workers were safely rescued, with eight freed initially and the remaining 11 shortly after; they had sufficient food and water and maintained contact with authorities throughout. Power generation at the site remained unaffected