പത്തനംതിട്ട: തിരുവല്ലയിൽ മക്കളുടെ കൂടെ കാണാതായ റീനയുടെ ഭർത്താവ് മരിച്ച നിലയിൽ. ഭർത്താവ് അനീഷ് മാത്യുവിനെ കവിയൂരിലെ വീടിനുള്ളിൽ തൂങ്ങി മരിച്ച നിലയിലാണ് കണ്ടെത്തിയത്. അമ്മയെയും മക്കളെയും കാണാതായിട്ട് രണ്ടാഴ്ച പിന്നിടുന്നതിനിടെയാണ് റീനയുടെ ഭർത്താവിനെ മരിച്ച നിലയിൽ കണ്ടെത്തിയത്. അനീഷിന്റെ ഭാര്യയെയും കണ്ടെത്താനായി എസ്പി പ്രത്യേക സംഘത്തെ നിയോഗിച്ചിരുന്നു. റീനയും കുഞ്ഞുങ്ങളും ബസിൽ യാത്ര ചെയ്യുന്ന സിസിടിവി ദൃശ്യങ്ങൾ പുറത്തുവന്നിരുന്നു. 

ഈ കേസിന്റെ അന്വേഷണം നടക്കുന്നതിനിടെയാണ് അനീഷിനെ മരിച്ച നിലയിൽ കണ്ടെത്തിയത്. നേരത്തെ തന്നെ അനീഷും കുടുംബവും തമ്മിലുള്ള പ്രശ്നങ്ങൾ ബന്ധുക്കൾ ഇടപെട്ട് പരിഹരിച്ചിരുന്നു. ഈ മാസം 17നാണ് റീനയെയും മക്കളെയും കാണാതായത്. എന്നാൽ ഇവരെ കാണാതെയതിനു ശേഷം രണ്ട് ദിവസം കഴിഞ്ഞാണ് വിവരം അറിയിച്ചതെന്നാണ് റീനയുടെ ബന്ധുക്കൾ പറഞ്ഞത്.