ഇലക്ട്രിക് ഇരുചക്ര വാഹന വിപണിയിൽ പുതിയൊരു പോരാട്ടത്തിന് തുടക്കമിട്ടിരിക്കുകയാണ് ടിവിഎസ്. ഇന്നലെ തങ്ങളുടെ പുത്തൻ ഇലക്ട്രിക് സ്കൂട്ടറായ ടിവിഎസ് ഓർബിറ്റർ അവതരിപ്പിച്ച് സ്കൂട്ടർ പ്രേമികളുടെ മുഴുവൻ ശ്രദ്ധയും നേടിയെടുത്തു. ടിവിഎസിന്റെ പുതിയ മോഡലിന് വൻ വരവേൽപ്പാണ് ലഭിച്ചത്. ഇതോടെ നിലവിലെ വിപണിയിൽ ആധിപത്യം പുലർത്തുന്ന ഏഥർ റിസ്തയെ വെല്ലുവിളിക്കാൻ ടിവിഎസ് ഒരുങ്ങി കഴിഞ്ഞു എന്ന് പറയാം.

ALSO READ: ശസ്ത്രക്രിയ പിഴവ്: യുവതിയുടെ നെഞ്ചിൽ ഗൈഡ് വയർ കുടുങ്ങിയ സംഭവം: ഡോക്ടർക്കെതിരെ കേസെടുത്ത് പൊലിസ്

ഫാമിലി ഇലക്ട്രിക് സ്കൂട്ടറുകളിൽ ജനപ്രിയമായ താരമാണ് ഏഥർ റിസ്തയും. ടിവിഎസിന്റെ ഐക്യൂബിന് പിന്നാലെ എത്തുന്ന ഓർബിറ്ററും തമ്മിൽ ഈ ഓണം സീസണിൽ കനത്ത മത്സരമാണ് പ്രതീക്ഷിക്കപ്പെടുന്നത്. ഈ രണ്ട് സ്കൂട്ടറുകളും ഡിസൈൻ, ഫീച്ചറുകൾ, സ്പെസിഫിക്കേഷനുകൾ, റേഞ്ച്, വില എന്നിവയിൽ എങ്ങനെ വ്യത്യാസപ്പെടുന്നു? എന്ന് ഒരു താരതമ്യം നോക്കാം.

ALSO READ: സുസുക്കി ആക്സസിന് ഇലക്ട്രിക് പതിപ്പ്: 95 കിലോമീറ്റർ റേഞ്ചുമായി ഇ-ആക്സസ് വിപണിയിലേക്ക്

 

 

ഡിസൈൻ

ടിവിഎസ് ഓർബിറ്റർ ഒരു ബോക്സി ഡിസൈൻനിൽ ആണ് പുറത്തിറങ്ങിയിട്ടുള്ളത്. വൈവിധ്യമാർന്ന കളർ കോമ്പിനേഷനുകൾ സ്വീകരിച്ചതോടെ ആളുകൾക്ക് എന്തായാലും ഇഷ്ടപ്പെടും. ഇത് യുവാക്കളെയും അതുപോലെ സ്ത്രീകളെയും ഒരു പോലെ ആകർഷിക്കുന്ന സവിശേഷമായ ഒരു ലുക്ക് നൽകുന്നുണ്ട്. ആളുകൾക്ക് ഏഥറും ഇപ്പോൾ പുറത്തിറങ്ങിയ ഓർബിറ്ററും തമ്മിൽ കണ്ടാൽ പെട്ടെന്ന് പിടികിട്ടിയെന്ന് വരില്ല.  ടിവിഎസിന്റെ ബാഡ്ജ് ഇല്ലെങ്കിൽ, ഇത് ഏഥർ സ്കൂട്ടർ ആണോ എന്ന് തെറ്റിദ്ധരിക്കാൻ സാധ്യത ഏറെയാണ്. മറുവശത്ത്, ഏഥർ റിസ്ത പരമ്പരാഗത ഡിസൈനിൽ തന്റെതായ ശൈലി നിലനിർത്തുന്നുണ്ട്. ഏഥറിന്റെ ഡിസൈനെ കുറിച്ച് വിപണിയിൽ ഇതിനോടകം തന്നെ ജനപ്രീതിയും നേടിയിട്ടുണ്ട്.

ALSO READ: 32.85 കിലോമീറ്റർ മൈലേജും 6 എയർബാഗുകളും ഉണ്ടെന്ന് പറഞ്ഞിട്ടെന്താ കാര്യം; വിൽപ്പനയിൽ കൂപ്പുകുത്തി മാരുതിയുടെ ഫാമിലി കാർ

 

 

ഫീച്ചറുകൾ

രണ്ട് സ്കൂട്ടറുകളും ഫീച്ചർ പായ്ക്ക്ഡ് ആണ്. ഫുൾ എൽഇഡി ലൈറ്റിംഗ്, യുഎസ്ബി ചാർജിംഗ് പോർട്ട്, ബ്ലൂടൂത്ത് കണക്റ്റിവിറ്റി, നാവിഗേഷൻ അസിസ്റ്റ്, കോൾ & എസ്എംഎസ് നോട്ടിഫിക്കേഷനുകൾ, ഒടിഎ അപ്ഡേറ്റുകൾ, ഓട്ടോ ഹോൾഡ് തുടങ്ങിയവ രണ്ടിലും ലഭ്യമാണ്. എന്നാൽ, ഏഥർ റിസ്തയുടെ ഉയർന്ന വേരിയന്റുകളിൽ 7 ഇഞ്ച് ആൻഡ്രോയിഡ് അധിഷ്ഠിത ഡിസ്പ്ലേ, ഗൂഗിൾ മാപ്സ്, അലക്സ, വാട്ട്സ്ആപ്പ് വഴി ലൊക്കേഷൻ ഷെയറിംഗ് തുടങ്ങിയ അധിക ഫീച്ചറുകൾ ഉൾപ്പെടുന്നു. എന്നിരുന്നാലും, ടിവിഎസ് ഓർബിറ്റർ ഫീച്ചർ ലിസ്റ്റിന്റെ കാര്യത്തിൽ ഒട്ടും പിന്നിലല്ല.

ALSO READ: സമൂഹ മാധ്യമങ്ങളിൽ സൂപ്പർതാരം: ​ദുബൈയിൽ റോൾസ് റോയ്സും ഓടിച്ച് രാധാമണിയമ്മ

 

 

സ്പെസിഫിക്കേഷനുകളും റേഞ്ചും

ടിവിഎസ് ഓർബിറ്റർ ഒരു ഹബ്-മൗണ്ടഡ് ഇലക്ട്രിക് മോട്ടോർ ഉപയോഗിക്കുന്നു, ഇത് 3.1kWh ബാറ്ററി പായ്ക്കുമായി ജോടിയാക്കിയിരിക്കുന്നു. ഒറ്റ ചാർജിൽ 158 കിലോമീറ്റർ (IDC) റേഞ്ച് നൽകുമെന്നാണ് ടിവിഎസിന്റെ അവകാശവാദം.

ഏഥർ റിസ്ത രണ്ട് ബാറ്ററി ഓപ്ഷനുകളിൽ ലഭ്യമാണ്. 3.7kWh ബാറ്ററി ഒറ്റ ചാർജിൽ 159 കിലോമീറ്റർ റേഞ്ച് വാഗ്ദാനം ചെയ്യുന്നു, അതേസമയം 2.9kWh ബാറ്ററി 123 കിലോമീറ്റർ റേഞ്ച് നൽകുന്നു. റേഞ്ചിന്റെ കാര്യത്തിൽ ഇരുവരും ഏറെക്കുറെ തുല്യരാണ് എന്ന് പറയുന്നതാവും കൂടുതൽ ശരി.

ALSO READ: ഒറ്റ ദിവസം കൊണ്ട് 40,000 ബുക്കിംഗുകൾ; ഗീലി ഗാലക്‌സി എം9 പിഎച്ച്ഇവി സൂപ്പർഹിറ്റിലേക്ക്

വില

99,900 രൂപ മുതലാണ്  ടിവിഎസ് ഓർബിറ്ററിന്റെ എക്സ്-ഷോറൂം വില ആരംഭിക്കുന്നത്. (പിഎം-ഇ ഡ്രൈവ് ഇൻസെന്റീവ് ഉൾപ്പെടെ). ഏഥർ റിസ്ത S വേരിയന്റിന്റെ വില 99,999 രൂപയും, റിസ്ത Z വേരിയന്റിന്റെ വില 1,14,999 രൂപയുമാണ്. ഉത്സവ സീസണിന്റെ അവസാനം വരെ ടിവിഎസ് ഓർബിറ്ററിന്റെ വില വർധിപ്പിക്കാൻ സാധ്യതയില്ലെന്നാണ് റിപ്പോർട്ടുകൾ സൂചിപ്പിക്കുന്നത്.

ALSO READ: മോഷ്ടാക്കളെന്ന് സംശയം; ഗൂഗിൾ മാപ് സർവേ സംഘത്തിന് നേരെ നാട്ടുകാരുടെ ആക്രമണം

ഏത് തെരഞ്ഞെടുക്കണം?

ഏഥർ റിസ്ത ഇതിനോടകം വില്പനയിൽ തന്റെതായ സ്ഥാനം ഉറപ്പിച്ചിട്ടുണ്ട്. മികച്ച പ്രകടനവും ഒന്നിലധികം വേരിയന്റുകളിലും ആയതിനാൽ ഉപഭോക്താക്കൾക്ക് ഒരു താല്പര്യം വാഹനം വാങ്ങുന്നതിൽ ഉണ്ട് എന്ന് ഉറപ്പിച്ച് പറയാം. എന്നാൽ, ടിവിഎസ് ഓർബിറ്റർ മികച്ച ഡിസൈനും,  ഫീച്ചറുകളും, താങ്ങാവുന്ന വിലയും കൊണ്ട് ശക്തമായ വെല്ലുവിളി മറുഭാ​ഗത്ത് ഉയർത്തുന്നുണ്ട്. വരും ദിവസങ്ങളിൽ ഓർബിറ്ററിന് കൂടുതൽ ബാറ്ററി ഓപ്ഷനുകൾ ലഭിച്ചേക്കാമെന്നും സൂചനയുണ്ട്. ഈ ഉത്സവ സീസണിൽ ഒരു ഫാമിലി ഇലക്ട്രിക് സ്കൂട്ടർ തേടുന്നവർക്ക് ഈ രണ്ട് മോഡലുകളും മികച്ച ഓപ്ഷനുകളാണ് എന്ന് നിസ്സംശയം പറയാം.

The electric scooter market heats up as TVS Orbiter takes on Ather Rizta. With stylish designs, advanced features, and competitive ranges—158 km for Orbiter and up to 159 km for Rizta—both scooters are family-friendly contenders. Priced from ₹99,900, Orbiter challenges Rizta's established dominance. Which one will you pick this Onam?