കൊച്ചി: പായസം കുടിക്കുന്നവര്‍ അറിയുന്നില്ല ഈ രുചിയുടെ പിന്നിലെ കൈപുണ്യം. പായസം പാചകരംഗത്ത് ഒന്നരപതിറ്റാണ്ട് പിന്നിട്ട സുരേഷ് കുമാറിന് ആളുകളുടെ മനസില്‍ പല ലേബലില്‍ ലഭിക്കുന്ന സംതൃപ്തി തന്നെയാണ് വലിയ സന്തോഷം.  പരമ്പാരഗത കാറ്ററിങ് രീതിയില്‍ നിന്ന് മാറി ഓണക്കാലത്ത് പായസത്തില്‍ മാത്രം ശ്രദ്ധ കേന്ദ്രീകരിച്ച സുരേഷ് കുമാറിന് ഇപ്പോള്‍ വിവിധ മേഖലകളില്‍ നിന്നായി ലഭിക്കുന്നത് ആയിരകണക്കിന് ലിറ്റര്‍ പായസത്തിന്റെ ഓര്‍ഡര്‍ ആണ്്. 

300 ലിറ്ററിൽ തുടങ്ങിയ പായസ പെരുമ ഇത്തവണ 30,000 ത്തിലേക്ക് എത്തിയിരിക്കുകയാണ്. തിരുവോണത്തിനും ഉത്രാടത്തിനുമായി സുരേഷ് കുമാറിന്റെ കലവറയില്‍ ഒരുക്കുന്നത് 30,000 ലിറ്റര്‍ പായസമാണ്. അതില്‍ ഏറിയ പങ്കും പാലട പ്രഥമനാണ്. കാരണം സുരേഷ് കുമാറിന്റെ പാലടയ്്ക്ക് ഇതിനകം വലിയ സ്വീകാര്യതയാണ് ലഭിച്ചിരിക്കുന്നത്.

 

 

ബേക്കറികള്‍ ,ഹോട്ടലുകള്‍, ഹൈപ്പര്‍ മാര്‍ക്കറ്റുകള്‍, കാറ്ററിങ് ഗ്രൂപ്പുകള്‍, റസിഡന്‍സ് അസോസിയേഷന്‍ എന്നിവര്‍ക്കായി ഹോള്‍സെയില്‍ വിപണി സൃഷ്ടിക്കുകയാണ് സുരേഷ്. തിരുവോണദിനത്തില്‍ പതിനായിരം ലിറ്റര്‍ പാലട പ്രഥമന്‍ ഉള്‍പ്പടെ 17,500 ലിറ്റര്‍ പായസമാണ് ഒരുക്കുന്നത്. ഉത്രാടനാളില്‍  12, 500 ലിറ്റര്‍ പായസത്തിന്റെ ഓര്‍ഡറാണ് ലഭിച്ചത്. ഇതില്‍ 10000 ലിറ്റര്‍ പാലടയാണ്്. പരിപ്പ്., ഗോതമ്പ്, പഴം, സോമിയ , അടപ്രഥമന്‍, തുടങ്ങിയ രുചികളിലാണ് മറ്റു പായസങ്ങള്‍. ഓണനാളില്‍ അല്ലാത്തപ്പോഴും സുരേഷിന്റെ പായസത്തിന് ആവശ്യക്കാര്‍ ഏറെയാണ്്.  

എറണാകുളം കേന്ദ്രീകരിച്ചു പ്രധാന പായസവിതരണക്കാരായി മാറാന്‍ കുറഞ്ഞ കാലയളവില്‍ തന്നെ സുരേഷിന്റെ തിരുവോണം പായസകമ്പനിക്ക് കഴിഞ്ഞു. ചേര്‍ത്തല അരൂക്കുറ്റി വടുതല ജെട്ടി കാവേത്ത് സ്വന്തം വീടിനോട് ചേര്‍ന്നാണ് കലവറ ഒരുക്കിയിരിക്കുന്നത്. പ്രത്യേകം ഓര്‍ഡര്‍ നല്‍കി നിര്‍മ്മിച്ച 1500, ആയിരം ലിറ്ററുകളിലുള്ള വലിയ പാത്രങ്ങളിലാണ് പാചകം. തേങ്ങ ചിരങ്ങാനും പിഴിയായുമെല്ലാം യന്ത്രങ്ങളുടെ സഹായം ഉണ്ട്. 60 തൊഴിലാഴികളാണ് സുരേഷിനൊപ്പം ജോലി ചെയ്യുന്നത്. 

 

 

മില്‍മയുടെ സഹായത്തോടെ ടാങ്കറുകളിലാണ് ആവശ്യത്തിനുള്ള പാല്‍ എത്തിക്കുന്നത്. പിതാവ് പരേതനായ വേലായുധ കൈമളിന്റെയും വല്യച്ഛന്‍ ചന്ദ്രശേഖര കൈമളിന്റെയും പാരമ്പര്യം പിന്തുടര്‍ന്നാണ് സുരേഷ്‌കുമാറും പാചകരംഗത്തേക്ക് എത്തിയത്.

കുമ്പളം രവി വര്‍മ്മ തിരുമുല്‍പ്പാടിന്റെയും വിനായക അനന്തരാമ സ്വാമിയുടെയും ശിഷ്യനായി പാചകവൈഭവം നേടിയ സുരേഷ് പാചകരംഗത്ത് കാല്‍നൂറ്റാണ്ട് പിന്നിടുകയാണ്.  ഭാര്യ ആശ്വതിയും കുടുംബാംഗങ്ങളും സുരേഷിനൊപ്പം പായസവാണിജ്യരംഗത്ത് പിന്തുണയുമായി ഒപ്പമുണ്ട്്. അതുകൊണ്ട് തന്നെയാണ് എറണാകുളത്തെ വാടക ഹാള്‍ ഉപേക്ഷിച്ചു വീടിന് ചുറ്റും കലവറ ഒരുക്കിയിയത്.  വിവിധ ബ്രാന്റുകള്‍ക്കായി മൊത്തമായി പായസം നിര്‍മ്മിച്ചു തുടങ്ങാന്‍ തുടങ്ങിയതോടെ നാട്ടുകാരും പായസത്തിനായി സമീപിക്കാന്‍ തുടങ്ങി. അതോടെ ഓണനാളില്‍ സദ്യയുടെ ഓര്‍ഡറുകള്‍ ഒഴിവാക്കിയാണ് പായസത്തില്‍ മാത്രം ശ്രദ്ധകേന്ദ്രീകരിച്ചത്.

 

 

Suresh Kumar, once known for making 300 liters of payasam, has scaled up his culinary feat to an impressive 30,000 liters, earning widespread fame for his delicious traditional dessert.