ഗസ്സ: ഇസ്‌റാഈല്‍ കനത്ത ആക്രമണം തുടരുന്ന സാഹചര്യത്തില്‍ ഗസ്സയില്‍ യു.എന്‍ ഇടപെടല്‍ ആവശ്യപ്പെട്ട് ഹമാ്‌സ്. വെടിനിര്‍ത്തലിന് തങ്ങള്‍ തയാറാണെന്നും ഹമാസ് പറഞ്ഞു. ഗസ്സയിലെ ഇസ്‌റാഈലിന്റെ വംശഹത്യ അവസാനിപ്പിക്കാന്‍ അന്താരാഷ്ട്ര സമൂഹം രംഗത്തു വരണമെന്നും ഹമാസ് ആവശ്യപ്പെട്ടു.

ഗസയുടെ നിയന്ത്രണത്തിനായി ഒരു സ്വതന്ത്ര ഭരണകൂടം രൂപീകരിക്കുന്നതിന് തയാറാണെന്നും എല്ലാ ബന്ദികളെയും മോചിപ്പിക്കുന്ന സമഗ്രമായ വെടിനിര്‍ത്തലിന് സമ്മതമാണെന്നും ഹമാസ് പറഞ്ഞു. പ്രസ്താവനയിലൂടെയാണ് ഹമാസ്  നിലപാട് വ്യക്തമാക്കിയത്.
എന്നാല്‍ ഹമാസിന്റെ പ്രസ്താവന ഇസ്‌റാഈല്‍പ്ര ധാനമന്ത്രി ബെന്യാമിന്‍ നെതന്യാഹു തള്ളി. യുദ്ധം അവസാനിപ്പിക്കാനായി ഇസ്‌റാഈല്‍ മന്ത്രിസഭ നിശ്ചയിച്ച വ്യവസ്ഥകള്‍ പാലിക്കണമെന്നാണ് ഇസ്‌റാഈലിന്റെ നിലപാട്.

അതേസമയം, അധിനിവേശ വെസ്റ്റ്ബാങ്ക് പൂര്‍ണമായും പിടിച്ചെടുക്കാനുള്ള പദ്ധതി ഇസ്രയേല്‍ ധനകാര്യമന്ത്രി ബസലേല്‍ സ്‌മോട്രിച്ച് പ്രധാനമന്ത്രിയുടെ അംഗീകാരത്തിനായി സമര്‍പ്പിച്ചു. ഗസ്സയില്‍ ഇന്നലെ  ഇസ്‌റാഈല്‍ നടത്തിയ ആക്രമണത്തില്‍ 73 പേര്‍ കൊല്ലപ്പെട്ടു.
ഗസ്സ പിടിച്ചെടുക്കാന്‍ 60,000ത്തോളം വരുന്ന കരുതല്‍ സൈനികരെ സെപ്റ്റംബര്‍ ആരംഭത്തോടെ ഗസ്സയില്‍ വിന്യസിക്കുമെന്ന് ഇസ്‌റാഈല്‍ അറിയിച്ചിരുന്നു.

സൈന്യം നീക്കം തുടങ്ങിക്കഴിഞ്ഞാല്‍ ആയിരക്കണക്കിന് ഫലസ്തീനികള്‍ ഗസ്സ സിറ്റിയില്‍ നിന്ന് തെക്കന്‍ ഗസയിലേക്ക് നീങ്ങേണ്ടിവരും. വെടിനിര്‍ത്തല്‍ ധാരണകള്‍ക്ക് തയാറാകാതെ നിഷ്‌കളങ്കരായ ജനങ്ങള്‍ക്കുമേല്‍ ക്രൂരമായ യുദ്ധം തുടരാനാണ് ഈ നീക്കത്തിലൂടെ ഇസ്‌റാഈല്‍ നീക്കം നടത്തുന്നതെന്ന് ഹമാസ് പറഞ്ഞു. 

Israel has rejected Hamas's call for a ceasefire, escalating tensions. Hamas demands an independent Palestinian government and urges international intervention to resolve the conflict.