ബെയ്ജിങ്: ഉത്തര കൊറിയന്‍ ഭരണാധികാരി കിം ജോങ് ഉന്നും റഷ്യന്‍ പ്രസിഡന്റ് വ്ളാദ്മിര്‍ പുടിനും തമ്മിലുള്ള ചര്‍ച്ചയ്ക്കു ശേഷം കിമ്മിന്റെ ഡി.എന്‍.എ പോലും ചോരാതിരിക്കാന്‍ ഉ. കൊറിയന്‍ സുരക്ഷാ ഉദ്യോഗസ്ഥര്‍ ഇരിപ്പിടം ഉള്‍പ്പെടെ തുടച്ചു. കിം ജോങ് ഉന്‍ വെള്ളം കുടിച്ച ഗ്ലാസ് ട്രേയില്‍ നിന്ന് സുരക്ഷാ ഉദ്യോഗസ്ഥര്‍ അതു മാറ്റുകയും ചെയ്തു. കിം തൊട്ട ഇടങ്ങളെല്ലാം സുരക്ഷാ ഉദ്യോഗസ്ഥര്‍ തുടച്ചു വൃത്തിയാക്കി. വിദേശ ചാര ഏജന്‍സികളുടെ നീക്കം ചെറുക്കാനുള്ള സുരക്ഷാ നടപടിയാണെന്നാണ് നിരീക്ഷകര്‍ കരുതുന്നത്.

കിമ്മിന്റെ ആരോഗ്യം സംബന്ധിച്ച് വിദേശ ഏജന്‍സികള്‍ക്ക് വിവരങ്ങള്‍ ഒന്നും ലഭിക്കാതെ സൂക്ഷിക്കുകയാണ് ഉത്തര കൊറിയന്‍ ഏജന്‍സികള്‍. ക്രെംലിന്‍ റിപ്പോര്‍ട്ടര്‍ അലക്‌സാണ്ടര്‍ യുനാഷേവ് കിമ്മിന്റെ രണ്ടു ഉദ്യോഗസ്ഥര്‍ മുറി വൃത്തിയാക്കുന്ന വിഡിയോ ടെലഗ്രാമില്‍ പങ്കുവച്ചു. രണ്ടു മണിക്കൂറിലേറെ നേരം ഇവിടെ പുടിനുമായി കിം ചര്‍ച്ച നടത്തിയിരുന്നു.

കിം ഇരുന്ന കസേരയുടെ ഉള്‍ഭാഗം, കൈകള്‍ വയ്ക്കാനുള്ള ഭാഗം, കാപ്പി കുടിച്ച ടേബിള്‍, കിമ്മിന് തൊട്ടടുത്തുണ്ടായിരുന്ന മറ്റൊരു കസേര ഉള്‍പ്പെടെ വൃത്തിയാക്കി. സുരക്ഷാ ഏജന്‍സിയിലെ മുതിര്‍ന്ന ഉദ്യോഗസ്ഥന്‍ കിമ്മിന്റെ സാന്നിധ്യത്തിലാണ് ഇവയെല്ലാം നശിപ്പിച്ചത്.

 യു.എസുമായി ഉത്തര കൊറിയന്‍ നേതാക്കള്‍ കടുത്ത ശത്രുതയിലായതിനാല്‍ കിമ്മിന്റെ മുന്‍ഗാമി കിം ജോങ് രണ്ടാമനും സമാന രീതിയില്‍ സുരക്ഷാ ക്രമീകരണം നടത്തിയിരുന്നു. അദ്ദേഹം സൗഹൃദ രാജ്യങ്ങളില്‍ പോയാല്‍ പോലും പ്രത്യേകം ശുചിമുറിയും മറ്റുമാണ് ഉപയോഗിച്ചിരുന്നത്.

After a meeting, North Korean security officials meticulously cleaned a chair, table, and glass used by Kim Jong Un to prevent his DNA from being collected, highlighting extreme measures to protect his genetic information.