ലഖ്‌നൗ: ഉത്തർപ്രദേശിലെ പിലിഭിത്തിൽ സമൂസ കൊണ്ടുവരാത്തതിന്റെ പേരിൽ ഭർത്താവിനെ ഭാര്യയും കുടുംബവും ചേർന്ന് മർദിച്ചതായി പരാതി. ഇവർക്കെതിരെ പൊലിസ് വധശ്രമത്തിന് കേസെടുത്തിട്ടുണ്ട്. ഈ വർഷം തുടക്കത്തിലാണ് ഉത്തർപ്രദേശിലെ ആനന്ദ്പൂർ ഗ്രാമത്തിൽ താമസിക്കുന്ന ശിവം വിവാഹം കഴിച്ചത്. ആഗസ്റ്റ് 30-ന് ഭാര്യ സംഗീത യുവാവിനോട് സമൂസ കൊണ്ടുവരാൻ ആവശ്യപ്പെട്ടിരുന്നെങ്കിലും ഇയാൾ സമൂസ കൊണ്ടുവന്നിരുന്നില്ല. 

ഇതിൽ പ്രകോപിതയായ സംഗീത, തന്റെ കുടുംബാംഗങ്ങളോട് ഭർതൃവീട്ടിലേക്ക് വരാൻ ആവശ്യപ്പെടുകയും ആഗസ്റ്റ് 31-ന് പഞ്ചായത്ത് വിളിക്കുകയും ചെയ്തു. പഞ്ചായത്ത് നടക്കുന്നതിനിടെ, ഭാര്യയുടെ കുടുംബം യുവാവിനെയും കുടുംബത്തെയും മർദിക്കുകയായിരുന്നു.

ALSO READ: 'ആദിവാസികള്‍ ഹിന്ദുക്കളല്ല, ബി.ജെ.പിയും ആര്‍.എസ്.എസും ഗോത്രസമൂഹത്തിന് മേല്‍ ഹിന്ദുത്വം അടിച്ചേല്‍പിക്കരുത്' തുറന്നടിച്ച് മധ്യപ്രദേശ് കോണ്‍ഗ്രസ് നേതാവ് 

വിചിത്രമായ സംഭവത്തിന്റെ ഒരു വീഡിയോ അടുത്തിടെയാണ് പുറത്തുവന്നത്. ഇതിനു പിന്നാലെ വീഡിയോ സമൂഹമാധ്യമങ്ങളിൽ വൈറലാവുകയും ചെയ്തു. ഇരുവിഭാഗവും ഏറ്റമുട്ടുന്നതും ചിലർ സ്ഥിതിഗതികൾ ശാന്തമാക്കാൻ ശ്രമിക്കുന്നതും വീഡിയോയിൽ കാണാം. തുടർന്ന് യുവാവിന്റെ അമ്മ വിജയ് കുമാരി സംഗീതയ്ക്കും കുടുംബത്തിനുമെതിരെ പരാതി നൽകി. കൊലപാതകശ്രമം ഉൾപ്പെടെ നിരവധി കുറ്റങ്ങൾ ചുമത്തി നാല് പ്രതികൾക്കെതിരെ കേസെടുത്തിട്ടുണ്ടെന്ന് പൊലിസ് പറഞ്ഞു.

"യുവാവിന്റെ അമ്മ വിജയ് കുമാരി നൽകിയ പരാതിയുടെ അടിസ്ഥാനത്തിൽ, നാല് പ്രതികൾക്കെതിരെ വധശ്രമം ഉൾപ്പെടെയുള്ള ഭാരതീയ ന്യായ സംഹിത (ബിഎൻഎസ്) വകുപ്പുകൾ പ്രകാരം ഇന്ന് എഫ്‌ഐആർ രജിസ്റ്റർ ചെയ്തിട്ടുണ്ട്," പൊലിസ് ഓഫീസർ പുരൺപൂർ പ്രതീക് ദഹിയ പിടിഐയോട് പറഞ്ഞു.

ALSO READ: അനധികൃത മണ്ണെടുപ്പ് തടയാനെത്തിയ ഐ.പി.എസ് ഉദ്യോഗസ്ഥയെ ഭീഷണിപ്പെടുത്തി മഹാരാഷ്ട്ര ഉപമുഖ്യമന്ത്രി; വിവാദമായതിന് പിന്നാലെ ന്യായീകരണവുമായി ബി.ജെ.പി 

സംഘർഷത്തിനിടെ പരുക്കേറ്റവരെ ആശുപത്രിയിൽ പ്രവേശിപ്പിച്ചുവെന്നും സംഭവത്തിൽ കൂടുതൽ അന്വേഷണം നടന്നുവരികയാണെന്നും പൊലിസ് കൂട്ടിച്ചേർത്തു. ഉത്തർപ്രദേശിലെ ഗോരഖ്പൂരിൽ ബുധനാഴ്ച വൈകുന്നേരം ഒരു യുവതിയെ മുൻഭർത്താവ് വെടിവച്ചു കൊന്നിരുന്നു. ഇതിനുപിന്നാലെയാണ് ഉത്തർ പ്രദേശിൽ നിന്നു തന്നെ സമൂസയുടെ പേരിൽ സംഘർഷമുണ്ടായ വാർത്തയും പുറത്തുവരുന്നത്.

a shocking incident unfolded when a man was brutally beaten by his wife and family members after he failed to bring samosas home. police have registered a case of attempt to murder, and further investigation is underway into the violent family dispute.