ഷാർജ: തകരാറിലായ വാഹനത്തിനുള്ളിൽ കുടുങ്ങിയ രണ്ട് പേരെ മിനിട്ടുകൾ കൊണ്ട് രക്ഷപ്പെടുത്തി ഷാർജ പൊലിസ്. പത്ത് മിനിട്ടിനുള്ളിൽ രക്ഷാപ്രവർത്തനം പൂർത്തിയാക്കിയതായി ഷാർജ പൊലിസ് ഒരു എക്സ് പോസ്റ്റിൽ അറിയിച്ചു.

ALSO READ: 'റോഡ് റേസ് ട്രാക്കല്ല'; അമിത വേഗത്തിൽ വാഹനം ഓടിക്കുന്നവരെ പിടികൂടാൻ ദുബൈ പൊലിസ് 

അൽ-ബദിയ പാലത്തിൽ നിന്ന് 7-ാം പാലത്തിലേക്ക് പോകുകയായിരുന്ന ഒരു ഇലക്ട്രിക് വാഹനം സാങ്കേതിക തകരാർ മൂലം സ്തംഭിച്ചതായി ഓപ്പറേഷൻ സെന്ററിന് റിപ്പോർട്ട് ലഭിക്കുകയായിരുന്നു. വാഹനത്തിനുള്ളിൽ രണ്ട് പേർ ഉണ്ടായിരുന്നു. വിൻഡോകൾ അടച്ചിരുന്നതിനാൽ ഇവർക്ക് പുറത്തിറങ്ങാൻ കഴിഞ്ഞില്ല. പലതവണ ശ്രമിച്ചെങ്കിലും ഇവർക്ക് വിൻഡോ തുറക്കാനും കഴിഞ്ഞില്ല.

റിപ്പോർട്ട് ലഭിച്ചയുടനെ, പ്രത്യേക സംഘം സംഭവ സ്ഥലത്തെത്തി. സ്ഥലത്തെത്തിയ പൊലിസ് സംഘം വാഹനത്തിലുള്ളവരുടെ സുരക്ഷ ഉറപ്പാക്കുന്നതിനും റോഡ് സുരക്ഷിതമാക്കുന്നതിനും ഗതാഗതം സുഗമമാക്കുന്നതിനും ആവശ്യമായ നടപടികൾ സ്വീകരിച്ചു.

ALSO READ: 'ചെക്ക് ചെയ്യാതെ' റോഡുകളില്‍ പ്രവേശിച്ചാല്‍ ഇനി മുതല്‍ 400 ദിര്‍ഹം പിഴയും 4 ബ്ലാക്ക് പോയിന്റും; മുന്നറിയിപ്പുമായി അബൂദബി പൊലിസ് 

റിപ്പോർട്ട് ലഭിച്ചു വെറും പത്ത് മിനിട്ടിനുള്ളിൽ, യാതൊരു പരുക്കുമില്ലാതെ രണ്ടുപേരെയും വാഹനത്തിൽ നിന്ന് സുരക്ഷിതമായി പുറത്തെടുക്കാൻ പൊലിസ് സംഘത്തിന് കഴിഞ്ഞു. അടിയന്തര സാഹചര്യങ്ങളിൽ ഉടനടി ഫലപ്രദമായി പ്രതികരിക്കാനുള്ള ഷാർജ പൊലിസിന്റെ മികവാണ് ഇന്നുണ്ടായതെന്ന് നിരവധി പേർ സോഷ്യൽ മീഡിയയിൽ കുറിച്ചു. ഒത്തിരി പേരാണ് ഷാർജ പൊലിസിനെ പ്രശംസിച്ച് രം​ഗത്ത് വരുന്നത്.

sharjah police quickly rescued two people trapped inside an electric vehicle, showcasing their efficiency and commitment to public safety. the swift action drew widespread praise on social media, with users applauding the timely intervention that averted a potential tragedy.