മലപ്പുറം: തദ്ദേശ തെരഞ്ഞെടുപ്പുമായി ബന്ധപ്പെട്ട് മുന്നണിയിലും പാർട്ടിക്കുള്ളിലുമുള്ള പടലപ്പിണക്കങ്ങൾ തീർക്കാനുള്ള ചർച്ചകളിൽ മുഴുകി എൽ.ഡി.എഫും യു.ഡി.എഫും എൻ.ഡി.എയും. മുഖ്യ രാഷ്ട്രീയപാർട്ടികളിലെല്ലാം താഴേത്തട്ടിൽ നിരവധി പ്രശ്നങ്ങളുണ്ട്. സ്വന്തം പാർട്ടിക്കുള്ളിലെ പടലപ്പിണക്കങ്ങളും മുന്നണിയിലെ അനൈക്യവുമാണ് ആദ്യം പരിഹരിച്ചുവരുന്നത്. പിന്നീട് സ്ഥാനാർഥിയെ ചൊല്ലിയുണ്ടാകുന്ന തർക്കങ്ങൾ തീർക്കണം. പ്രാദേശിക വിഷയങ്ങളുടെ പേരിൽ മുഖ്യപാർട്ടികളുടെ അംഗങ്ങൾ ചേരിതിരിഞ്ഞ് ഏറ്റുമുട്ടുന്ന അവസ്ഥ മിക്ക തദ്ദേശസ്ഥാപനങ്ങളിലുമുണ്ട്.

വാർഡ് വിഭജനത്തിന് ശേഷമുള്ള ആദ്യ തെരഞ്ഞെടുപ്പാണ് നടക്കാനിരിക്കുന്നത്. അതിനാൽ ആര് മത്സരിക്കണമെന്ന ചർച്ചയും മുന്നണികളിൽ മുറികിയിട്ടുണ്ട്. സംവരണ വാർഡുകളുടെ നറുക്കെടുപ്പ് ഈ മാസം നടക്കും. ഇതോടെ മുന്നണികളിലെ ഘടകക്ഷികൾ തമ്മിലുള്ള സീറ്റ് പ്രശ്‌നങ്ങൾക്കും പരിഹാരം കാണണം. വർധിച്ച വാർഡുകൾ വീതംവയ്ക്കുന്നതുമായി ബന്ധപ്പെട്ടാണ് ചർച്ചകൾ ഏറെയും.

ALSO READ: 'കുന്നംകുളം മോഡല്‍' പീച്ചിയിലും; ബിരിയാണിക്ക് രുചി കുറവാണെന്നതിന്റെ പേരില്‍ ഹോട്ടലുടമക്ക് മര്‍ദനം: കേസ് ഒതുക്കാന്‍ പൊലിസ് പണം വാങ്ങുന്നതിന്റെ ദൃശ്യങ്ങള്‍ പുറത്ത്  

മുന്നണികളിലെ അനൈക്യവും പാർട്ടിക്കുള്ളിലെ പടലപ്പിണക്കങ്ങളും മുതലെടുക്കാൻ വിവിധ പേരുകളിൽ ജനകീയ മുന്നണികൾ തദ്ദേശ സ്ഥാപനങ്ങളിൽ തലപൊക്കിയിട്ടുണ്ട്. വിവിധ പാർട്ടികളിൽ ഇടഞ്ഞുനിൽക്കുന്നവരാണ് ജനകീയ കൂട്ടായ്മകളുമായി രംഗത്തുവരുന്നത്. ജനകീയ മുന്നണി, ജനമുന്നേറ്റ മുന്നണി തുടങ്ങി വിവിധ പേരുകളിലുള്ള കൂട്ടായ്മ തദ്ദേശസ്ഥാപനങ്ങളിൽ നിലവിലെ ഭരണ-പ്രതിപക്ഷ അംഗങ്ങൾക്കെതിരേ രംഗത്തുവരുന്നുണ്ട്. ഇവരുടെ മത്സരം മുന്നണികൾക്ക് ഭീഷണിയാണ്.

ഏറ്റവും കുറഞ്ഞ വോട്ടുകൾക്ക് വിജയിക്കുന്ന വാർഡുകളിലാണ് ഇവരുടെ ഇടപെടൽ പ്രതിസന്ധി സൃഷ്ടിക്കുക. ഇതിലടക്കം വോട്ട് ചോർച്ചയില്ലാതാക്കാനാണ് പാർട്ടി നേതാക്കളുടെ ശ്രമം. 2020ലെ തെരഞ്ഞെടുപ്പിൽ 1,200 തദ്ദേശസ്ഥാപനങ്ങളിലായി 21,865 വാർഡുകളാണുണ്ടായിരുന്നത്. എന്നാൽ, ഇത്തവണ 1,712 വാർഡുകൾ കൂടിയിട്ടുണ്ട്.

As local elections approach, major political fronts are preoccupied with resolving internal disputes and reconciling differences to strengthen their campaigns.