എറണാകുളം: ചേരാനല്ലൂരിലെ കണ്ടെയ്നർ ടെർമിനൽ റോഡിൽ വാഹനമിടിച്ച് കുതിര ചത്ത സംഭവത്തിൽ സവാരിക്കാരനായ ഫത്തഹുദീനെതിരെ പൊലിസ് കേസെടുത്തു. മദ്യലഹരിയിൽ അശ്രദ്ധമായി റോഡിലൂടെ കുതിരയോടിച്ചതാണ് അപകടത്തിന് കാരണമെന്ന് പൊലിസ് പറയുന്നു. ഇന്ത്യൻ ശിക്ഷാ നിയമത്തിലെ 291, 120 (ജെ) വകുപ്പുകൾ പ്രകാരമാണ് കേസ് രജിസ്റ്റർ ചെയ്തത്. പൊതുവഴിയിൽ അപകടകരമായ രീതിയിൽ മൃഗത്തെ ഉപയോഗിച്ചതിനും നിയമവിരുദ്ധ പ്രവൃത്തികൾക്ക് പ്രേരിപ്പിച്ചതിനുമാണ് ഈ വകുപ്പുകൾ ചുമത്തിയത്.

ALSO READ: 'കുന്നംകുളം മോഡല്‍' പീച്ചിയിലും; ബിരിയാണിക്ക് രുചി കുറവാണെന്നതിന്റെ പേരില്‍ ഹോട്ടലുടമക്ക് മര്‍ദനം: കേസ് ഒതുക്കാന്‍ പൊലിസ് പണം വാങ്ങുന്നതിന്റെ ദൃശ്യങ്ങള്‍ പുറത്ത്

ശനിയാഴ്ച രാത്രി 10 മണിയോടെ കളമശേരിയിലേക്കുള്ള റോഡിലാണ് സംഭവം നടന്നത്. തെറ്റായ ദിശയിൽ ഫത്തഹുദീൻ കുതിര സവാരി നടത്തുകയും തുടർന്ന് കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ കുതിരയുടെ മുൻകാലിന് പൊട്ടലുണ്ടാവുകയും പിന്നീട് ചികിത്സയ്ക്കിടെ കുതിര ചാവുകയുമായിരുന്നു. ഇടിയുടെ ആഘാതത്തിൽ കാറിന്റെ മുൻഭാഗത്ത് സാരമായ കേടുപാടുകൾ സംഭവിക്കുകയും, അപകടത്തിൽ ഡ്രൈവർക്ക് പരുക്കേൽക്കുകയും ചെയ്തു.

രാത്രി സമയത്ത് റിഫ്ലെക്ടറുകൾ ഇല്ലാതെ കുതിരയെ റോഡിലിറക്കിയതാണ് അപകടകാരണമായി പൊലിസ് ചൂണ്ടിക്കാട്ടുന്നത്. നടപടികൾ സ്വീകരിച്ച് വെറ്ററിനറി ഡോക്ടർമാർ സ്ഥലത്തെത്തുകയും, ക്രെയിൻ ഉപയോഗിച്ച് കുതിരയെ മാറ്റാൻ ശ്രമിച്ചെങ്കിലും പരാജയപ്പെട്ടു. പിന്നീട് മണ്ണുത്തി വെറ്ററിനറി മെഡിക്കൽ കോളേജിലേക്ക് മാറ്റി. പോസ്റ്റ്‌മോർട്ടം നടത്തിയ ശേഷം റിപ്പോർട്ടിന്റെ അടിസ്ഥാനത്തിൽ തുടർനടപടികൾ സ്വീകരിക്കുമെന്ന് പൊലിസ് അറിയിച്ചു.

ALSO READ: അമീബിക് മസ്തിഷ്ക ജ്വരം: ചികിത്സയിലുള്ള രണ്ടുപേരുടെ നില അതീവ ഗുരുതരം, ചികിത്സയിലുള്ളത് 11 പേർ; സംസ്ഥാനത്ത് 42 കേസുകൾ സ്ഥിരീകരിച്ചു

അതേസമയം അപകടസ്ഥലത്ത് എത്തിയ ഉടമയെ ചേരാനല്ലൂർ പൊലിസ് തിരിച്ചറിഞ്ഞു. കുന്നുംപുറം സ്വദേശിയായ നദീറിന്റെതാണ് കുതിര. കേസിൽ കുതിരയുടെ ഉടമയ്ക്കെതിരെയും കേസെടുത്തതായാണ് വിവരം. സവാരിക്കാരൻ മദ്യലഹരിയിലായിരുന്നുവെന്ന് എറണാകുളം സൊസൈറ്റി ഫോർ ദി പ്രിവൻഷൻ ഓഫ് ക്രൂവൽറ്റി ടു ആനിമൽസ് (എസ്‌പിസിഎ) സെക്രട്ടറി ടികെ സജീവ് ആരോപിച്ചു. അപകടകരമായ രീതിയിലാണ് സവാരി നടത്തിയതെന്നും ഇതാണ് അപകടത്തിന് കാരണമെന്നാണ്. ഫത്തഹുദീൻ കുതിര തന്റേതല്ലെന്ന് അവകാശപ്പെട്ടതായും, അതിനാൽ ഉടമയും ഉത്തരവാദിയാണെന്നും സജീവ് പറഞ്ഞു. പൊതുറോഡുകളിൽ കുതിരയോടിക്കാൻ പെർമിറ്റ് ആവശ്യമാണെന്നും, സവാരിക്കാരനും ഉടമയ്ക്കുമെതിരെ പരാതി നൽകുമെന്നും അദ്ദേഹം വ്യക്തമാക്കി.

ALSO READ: കുന്നംകുളം കസ്റ്റഡി മർദനം: പൊലിസുകാരുടെ സസ്പെൻഷനിൽ അതൃപ്തി; പ്രതിഷേധത്തിന് അയവില്ലാതെ നേതാക്കൾ; കെ.സി. വേണുഗോപാൽ ഇന്ന് തൃശൂരിൽ

സംഭവത്തിന്റെ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്, പ്രദേശവാസികൾ സവാരിക്കാരനോട് രോഷം പ്രകടിപ്പിക്കുന്നത് വീഡിയോയിൽ കാണാം. പൊതുവഴികളിൽ മൃഗങ്ങളെ ഉപയോഗിക്കുമ്പോൾ അതീവ ജാഗ്രത പാലിക്കണമെന്നും, ഇത്തരം സംഭവങ്ങൾ ആവർത്തിക്കാതിരിക്കാൻ ശ്രദ്ധിക്കണമെന്നും പൊലിസ് മുന്നറിയിപ്പ് നൽകി. റോഡ് സുരക്ഷാ നിയമങ്ങൾ കർശനമായി പാലിക്കേണ്ടതിന്റെ ആവശ്യകതയും ഈ സംഭവം ഓർമിപ്പിക്കുന്നു.

In Cheranalloor, a horse died after colliding with a car, leading to a police case against the rider, Fathahuddin, for reckless riding and alleged intoxication. The incident, which occurred on Saturday night, damaged the car and injured its driver. Police cited the lack of reflectors on the horse as a key factor. A postmortem was conducted, and further actions await the report. Authorities urge caution when using animals on public roads.