പാലക്കാട്: അട്ടപ്പാടി പുതൂരിൽ ഓണാഘോഷത്തിനിടെ ഭാര്യയുമായുള്ള തർക്കത്തെ തുടർന്ന് ഒത്തുതീർപ്പിനെത്തിയ യുവാവിനെ വെട്ടിക്കൊലപ്പെടുത്തിയ കേസിൽ പ്രതിയെ പൊലിസ് അറസ്റ്റ് ചെയ്തു. പുതൂർ ആനക്കല്ല് ഉന്നതിയിൽ താമസിക്കുന്ന ഈശ്വരൻ (35) ആണ് പിടിയിലായത്. ഓണത്തലേന്ന് ഉച്ചയ്ക്ക് 12 മണിയോടെ നടന്ന സംഭവത്തിൽ മണികണ്ഠൻ (24) ആണ് കൊല്ലപ്പെട്ടത്.

ആനക്കല്ല് ഉന്നതിയിലെ ഓണാഘോഷ വേളയിൽ ഈശ്വരനും ഭാര്യയും തമ്മിൽ വാക്കേറ്റമുണ്ടായി. ഇവരുടെ പ്രശ്നം പരിഹരിക്കാൻ മണികണ്ഠൻ ഇടപെട്ടിരുന്നു. ഇതിൽ വൈരാഗ്യം വച്ചുപുലർത്തിയ ഈശ്വരൻ, മദ്യപിച്ച് അരിവാളുമായെത്തി, ഉന്നതിക്ക് മുന്നിലെ റോഡിൽ നിന്നിരുന്ന മണികണ്ഠനെ വെട്ടുകയായിരുന്നു. കഴുത്തിന് ഗുരുതരമായി വെട്ടേറ്റ മണികണ്ഠൻ സംഭവസ്ഥലത്ത് തന്നെ മരിച്ചു.

ALSO READ: സുരേഷ് ഗോപിക്കെതിരെ കരിങ്കൊടി കാട്ടി പ്രതിഷേധിക്കുമെന്ന് സൂചന; ചായകുടിക്കുകയായിരുന്ന യൂത്ത് കോൺഗ്രസ് പ്രവർത്തകരെ കരുതൽ തടങ്കലിലാക്കി പൊലിസ്

സംഭവത്തിനു ശേഷം ഈശ്വരൻ വനത്തിലേക്ക് ഓടി രക്ഷപ്പെട്ടെങ്കിലും പുതൂർ പൊലിസ് നടത്തിയ തിരച്ചിലിൽ പിടിയിലായി. ഡിവൈഎസ്പി ആർ. അശോകന്റെ നേതൃത്വത്തിൽ പുതൂർ, അഗളി പൊലിസ് സംയുക്തമായാണ് കേസ് അന്വേഷിക്കുന്നത്. മണികണ്ഠന്റെ മൃതദേഹം പോസ്റ്റ്മോർട്ടത്തിനായി ജില്ലാ ആശുപത്രിയിലേക്ക് മാറ്റി. പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.

ALSO READ: 400 രൂപയുടെ മാഹി മദ്യത്തിന് 4000 രൂപ, കഞ്ചാവ് ബീഡിക്ക് 500 രൂപയും; എല്ലാം കണ്ണൂർ ജയിലിൽ സുലഭം; നോക്കുകുത്തിയായി ഉദ്യോഗസ്ഥ സംവിധാനം

In Palakkad, during an Onam celebration, a dispute between Eeswaran (35) and his wife led to the brutal murder of Manikandan (24), who tried to mediate. Eeswaran, intoxicated and armed with a sickle, hacked Manikandan to death. He fled but was later arrested by Puthoor police.