മനാമ: 2019-ലെ പൊതു ശുചിത്വ നിയമത്തിന്റെ അടിസ്ഥാനത്തിൽ, പൊതുജനാരോഗ്യം, റോഡ് സുരക്ഷ, പരിസ്ഥിതി സംരക്ഷണം എന്നിവയ്ക്ക് ഭീഷണിയാകുന്ന പ്രവണതകൾ തടയാൻ ലക്ഷ്യമിട്ട് ഒരു പ്രചാരണം ആരംഭിച്ചതായി കാപിറ്റൽ ട്രസ്റ്റീസ് അതോറിറ്റി ഔദ്യോഗിക സോഷ്യൽ മീഡിയ അക്കൗണ്ടിലൂടെ വ്യക്തമാക്കി. ഇതിന്റെ ഭാ​ഗമായി മാലിന്യം ശരിയായി മൂടാതെ കൊണ്ടു പോകുന്ന ട്രക്കുകൾക്കെതിരെ കർശന നടപടികൾ സ്വീകരിക്കാൻ തയ്യാറെടുക്കുകയാണ് അതോറിറ്റി.

പുതിയ നിയമങ്ങൾ പ്രകാരം, ബഹ്‌റൈനിൽ മാലിന്യം വഹിക്കുന്ന ട്രക്കുകൾ പൂർണമായും മൂടിയിരിക്കണം. മാത്രമല്ല, യാത്രയ്ക്കിടെ മാലിന്യം റോഡിലേക്ക് വീഴുന്നില്ലെന്ന് ഉറപ്പാക്കുകയും ചെയ്യണം.

ALSO READ: വിസ്മയിപ്പിക്കാൻ ആപ്പിൾ; യുഎഇയിൽ ഉള്ളവർക്ക് എങ്ങനെ ഐഫോൺ-17 പ്രഖ്യാപനം തത്സമയം കാണാം? | iPhone 17 launch

നഗരത്തിലെ ശുചിത്വം നിലനിർത്തുന്നതിനും മാലിന്യ സംസ്കരണ കരാറുകാർ നിയമം പാലിക്കുന്നുണ്ടെന്ന് ഉറപ്പുവരുത്തുന്നതിനും ഈ പ്രചാരണം സഹായകമാകുമെന്ന് അതോറിറ്റി വ്യക്തമാക്കി. തലസ്ഥാന നഗരിയിൽ മാലിന്യ ട്രക്കുകളിൽ പതിവായി പരിശോധനകൾ നടത്താനും തീരുമാനിച്ചിട്ടുണ്ട്. മാത്രമല്ല, നിയമലംഘകരിൽ നിന്ന് കനത്ത പിഴ ഈടാക്കുമെന്നും വ്യക്തമാക്കിയിട്ടുണ്ട്. 

മാലിന്യ നിർമാർജനവുമായി ബന്ധപ്പെട്ട വിഷയങ്ങളിൽ അതോറിറ്റി ഗൗരവപൂർവം ഇടപെടുന്നുണ്ടെന്നതിന്റെ തെളിവാണിത്. നിയമലംഘനങ്ങൾ സംബന്ധിച്ച വിവരങ്ങൾ പൊതുജനങ്ങൾക്ക് മുനിസിപ്പൽ ഹോട്ട്‌ലൈനുകളിലൂടെ അറിയിക്കാവുന്നതാണെന്നും അധികൃതർ അറിയിച്ചു.

The Capital Trustees Authority has initiated a campaign based on the 2019 Public Cleanliness Law, aiming to curb trends that threaten public health, road safety, and environmental protection. The campaign seeks to raise awareness and enforce regulations to maintain a clean and safe environment for the community [1].