ദുബൈ: ഏഷ്യാ കപ്പ് ഇന്ന് യുഎഇയിൽ ആരംഭിക്കുകയാണ്. 2023-ലെ ഏഷ്യാ കപ്പുമായി താരതമ്യം ചെയ്യുമ്പോൾ ഇത്തവണ ഏഷ്യൻ ക്രിക്കറ്റ് കൗൺസിൽ (എസിസി) വിജയികൾക്കുള്ള സമ്മാനത്തുക വർധിപ്പിച്ചതായാണ് റിപ്പോർട്ടുകൾ. ടൂർണമെന്റിൽ കിരീടം നേടുന്ന ടീമിന് 3 ലക്ഷം യുഎസ് ഡോളർ (ഏകദേശം 2.6 കോടി രൂപ) സമ്മാനമായി ലഭിക്കും. 2023 ഏഷ്യാ കപ്പിൽ കിരീടം നേടിയ ഇന്ത്യൻ ടീമിന് ലഭിച്ച സമ്മാനത്തുക 1.25 കോടി രൂപയായിരുന്നു.

രണ്ടാം സ്ഥാനക്കാർക്ക് 1.5 ലക്ഷം യുഎസ് ഡോളർ (ഏകദേശം 2.3 കോടി രൂപ) സമ്മാനമായി ലഭിക്കും. ടൂർണമെന്റിന്റെ മികച്ച താരമായി തിരഞ്ഞെടുക്കപ്പെടുന്ന കളിക്കാരന് 12.5 ലക്ഷം രൂപ ലഭിക്കും. 

അതേസമയം, എസിസി ഇതുവരെ സമ്മാനത്തുക ഔദ്യോഗികമായി പ്രഖ്യാപിച്ചിട്ടില്ല. ഇന്ത്യ ഉൾപ്പെടെ എട്ട് ടീമുകളാണ് ഈ വർഷത്തെ ഏഷ്യാ കപ്പിൽ മത്സരിക്കുന്നത്. ടി20 ഫോർമാറ്റിലാണ് മത്സരം. ഇന്ത്യയെ കൂടാതെ അഫ്ഗാനിസ്ഥാൻ, ബംഗ്ലാദേശ്, പാകിസ്ഥാൻ, ശ്രീലങ്ക, ഹോങ്കോംഗ്, യുഎഇ, ഒമാൻ എന്നിവയാണ് മത്സരിക്കുന്ന മറ്റ് ടീമുകൾ.

ALSO READ: ഇന്ത്യൻ ലോകകപ്പ് ഹീറോയെ മറികടക്കാൻ സഞ്ജു; ലക്ഷ്യം ഇതിഹാസങ്ങൾ വാഴുന്ന ലിസ്റ്റ്

നാല് ടീമുകൾ വീതം ഉൾപ്പെടുന്ന രണ്ട് ഗ്രൂപ്പുകളായാണ് ആദ്യ റൗണ്ട് മത്സരങ്ങൾ. ഓരോ ഗ്രൂപ്പിൽ നിന്നും ആദ്യ രണ്ട് സ്ഥാനത്തെത്തുന്ന ടീമുകൾ സൂപ്പർ ഫോർ ഘട്ടത്തിലേക്ക് യോഗ്യത നേടും. സൂപ്പർ ഫോറിൽ പരസ്പരം മത്സരിക്കുന്ന നാല് ടീമുകളിൽ നിന്ന് മുന്നിലെത്തുന്ന രണ്ട് ടീമുകൾ ഫൈനലിൽ മത്സരിക്കും. ഈ മാസം 28-നാണ് ഫൈനൽ നടക്കും.

ഇന്ന്  രാത്രി എട്ട് മണിക്ക് ദുബൈ അന്താരാഷ്ട്ര സ്റ്റേഡിയത്തിൽ  നടക്കുന്ന ഉദ്ഘാടന മത്സരത്തിൽ അഫ്ഗാനിസ്ഥാനും ഹോങ്കോങ്ങും തമ്മിൽ ഏറ്റുമുട്ടുന്നതോടെ ഏഷ്യകപ്പിന് തുടക്കമാകും. ദുബൈ, അബൂദബി എന്നിവടങ്ങളിലാണ് മത്സരങ്ങൾ നടക്കുക. ഇന്നു മുതൽ 28 വരെയാണ് ഏഷ്യാകപ്പ് മത്സരങ്ങൾ. എട്ട് ടീമുകൾ പങ്കെടുക്കുന്ന ഏഷ്യാകപ്പ് ക്രിക്കറ്റ് ടൂർണമെന്റിൽ ആകെ 19 മത്സരങ്ങളാണ് ഉള്ളത്.

സെപ്റ്റംബർ 14നാണ് ഇന്ത്യ-പാക് പേരാട്ടം നടക്കുക. ഗ്രൂപ്പ് ഘട്ടത്തിൽ നാളെ യു.എ.ഇയ്ക്ക് എതിരെയാണ് ഇന്ത്യയുടെ ആദ്യ മത്സരം. ഒമാനെതിരെയും ഇന്ത്യയ്ക്ക് ഗ്രൂപ്പ് ഘട്ടത്തിൽ മത്സരമുണ്ട്. സെപ്റ്റംബർ 28നാണ് കലാശപ്പോരാട്ടം. ഏഷ്യാ കപ്പിൽ ഹോങ്കോങിന്റെ അഞ്ചാമത്തെ മത്സരമാണ് ഇന്ന് നടക്കുന്നത്. ഇതിന് മുൻപ് നാലു തവണ അവർ ഏഷ്യാ കപ്പിൽ കളിച്ചിട്ടുണ്ട്. കഴിഞ്ഞ വർഷം നടന്ന എ.സി.സി പുരുഷ പ്രീമിയർ കപ്പിലൂടെയായിരുന്നു ഹോങ്കോങ് ഏഷ്യാ കപ്പിന് യോഗ്യത നേടിയത്.

ALSO READ: ടി-20യിലെ എന്റെ 175 റൺസിന്റെ റെക്കോർഡ് ആ രണ്ട് താരങ്ങൾ മറികടക്കും: ഗെയ്ൽ

അതേസമയം അവസാന മത്സരത്തിൽ പാകിസ്ഥാനെതിരേ തോറ്റാണ് അഫ്ഗാനിസ്ഥാൻ എത്തുന്നത്. എന്നാലും എതിരാളിയെ തോൽപ്പിക്കാൻ കഴിയുമെന്ന പ്രതീക്ഷയിലാണ് അവർ. നിലവിൽ ഇരു ടീമുകളും ഇതിനകം അഞ്ച് തവണ ഏറ്റുമുട്ടിയിട്ടുണ്ട്. അതിൽ മൂന്ന് തവണ അഫ്ഗാൻ ജയിച്ചപ്പോൾ രണ്ട് തവണ ഹോങ്കോങ്ങിനൊപ്പമായിരുന്നു ജയം. സ്പിൻ ബൗളിങ്ങിനെ തുണക്കുന്ന പിച്ചാണ് ദുബൈ സ്റ്റേഡിയത്തിലേത്. അതിനാൽ ഇന്ന് അഫ്ഗാൻ സ്പിന്നർമാർക്ക് മുൻഗണ നൽകിയാകും ടീമിനെ കളത്തിലിറക്കുക. സോണി സ്‌പോർട്‌സിന്റെ ഒന്ന്, രണ്ട്, നാല്, അഞ്ച് ചാനലുകളിൽ മത്സരം തത്സമയം കാണാൻ സാധിക്കും.

The Asia Cup 2025 is set to kick off in the UAE today, featuring eight teams competing in the T20 format. According to reports, the Asian Cricket Council (ACC) has increased the prize money for the winners to $300,000 (approximately ₹2.6 crore), a 50% hike from the previous T20 edition. The runners-up will receive $150,000 (approximately ₹1.3 crore).