ഡല്‍ഹി: രാഷ്ട്രപതി ഭവനില്‍ രാജ്യത്തിന്റെ പതിനഞ്ചാമത് ഉപരാഷ്ട്രപതിയായി സി.പി രാധാകൃഷ്ണന്‍ ഇന്ന് സത്യപ്രതിജ്ഞ ചെയ്യും. രാവിലെ 10 മണിക്കാണ് സത്യപ്രതിജ്ഞ. പ്രധാനമന്ത്രി നരേന്ദ്രമോദി അടക്കമുള്ള നേതാക്കള്‍ ചടങ്ങില്‍ പങ്കെടുക്കുന്നതാണ്.

ഉപരാഷ്ട്രപതിയായി ചുമതലയേല്‍ക്കുന്ന സി.പി രാധാകൃഷ്ണന് രാഷ്ട്രപതി ദ്രൗപതി മുര്‍മു സത്യ വാചകം ചൊല്ലിക്കൊടുക്കും. ഇന്‍ഡ്യ സഖ്യ സ്ഥാനാര്‍ത്ഥി ജസ്റ്റിസ് സുദര്‍ശന്‍ റെഡ്ഢിയെ പരാജയപ്പെടുത്തിയാണ് സി.പി രാധാകൃഷ്ണന്‍ തെരഞ്ഞെടുക്കപ്പെട്ടിരിക്കുന്നത്.

300 വോട്ടുകള്‍ ക്കെതിരെ 452 വോട്ടുകള്‍ നേടിയാണ് വിജയം. 1998ല്‍ കോയമ്പത്തൂര്‍ മണ്ഡലത്തെ ഡിഎംകെയില്‍ നിന്ന് പിടിച്ചെടുത്താണ് രാധാകൃഷ്ണന്‍ തമിഴ്‌നാട്ടില്‍ ബിജെപിക്ക് മേല്‍വിലാസം ഉണ്ടാക്കിയെടുത്തത്. വിദ്യാര്‍ത്ഥി കാലഘട്ടം മുതലുള്ള അദ്ദേഹത്തിന്റെ ആര്‍എസ്എസ് ബന്ധമാണ് ഉപരാഷ്ട്രപതി സ്ഥാനത്തേക്ക് വരെ തുണയായിരിക്കുന്നത്.

ALSO READ: രാഹുല്‍ മാങ്കൂട്ടത്തിലിന്റെ സസ്‌പെന്‍ഷന്‍:  സ്പീക്കറെ അറിയിക്കുമെന്നും സഭയില്‍ ഇനി പ്രത്യേക ബ്ലോക്കെന്നും വരണോയെന്നത് രാഹുല്‍ തീരുമാനിക്കുമെന്നും

 2023ല്‍ ജാര്‍ഖണ്ഡ് ഗവര്‍ണറായി നിയോഗിക്കപ്പെട്ട അദ്ദേഹം പിന്നീട് മഹാരാഷ്ട്ര ഗവര്‍ണര്‍, പുതുച്ചേരി ലെഫ്റ്റനന്റ് ഗവര്‍ണറായും സേവനമനുഷ്ഠിച്ചിട്ടുണ്ട്. കാലാവധി പൂര്‍ത്തിയാക്കാന്‍ രണ്ടുവര്‍ഷം ബാക്കിനില്‍ക്കെ ജഗദീപ് ധന്‍ഗഡ് രാജിവച്ച ഒഴിവിലേക്കാണ് തെരഞ്ഞെടുപ്പ് നടന്നത്.

C.P. Radhakrishnan will take oath today as the 15th Vice President of India at Rashtrapati Bhavan. The swearing-in ceremony is scheduled for 10 AM and will be attended by Prime Minister Narendra Modi and other key leaders. President Droupadi Murmu will administer the oath of office. Radhakrishnan was elected Vice President by defeating INDIA alliance candidate Justice Sudarshan Reddy, securing 452 votes against 300.