റിയാദ്: എഐ ഉപയോഗിച്ച് പകര്‍പ്പവകാശ നിയമം ലംഘിച്ചാല്‍ 9,000 റിയാല്‍ പിഴ ചുമത്തുമെന്ന് സഊദി ബൗദ്ധിക സ്വത്തവകാശ അതോറിറ്റി. ഉടമയുടെ അനുവാദമില്ലാതെയും സമ്മതം ഇല്ലാതെയുമുള്ള പ്രസിദ്ധീകരണം, വാണിജ്യ ചൂഷണം എന്നിവയ്ക്ക് പിഴ ലഭിക്കും. 

വ്യക്തികളുടെ സ്വകാര്യ ഫോട്ടോകള്‍ പോസ്റ്റ് ചെയ്യുന്നതും എഐ ഉപയോഗിച്ച് അതില്‍ മാറ്റം വരുത്തുന്നതും ഉടമയുടെ അനവാദമില്ലാതെ വാണിജ്യപരമായി ഉപയോഗിക്കുന്നതും പകര്‍പ്പവകാശ നിയമത്തിന്റെ വ്യക്തമായ ലംഘനമാണെന്ന് സഊദി ബൗദ്ധിക സ്വത്തവകാശ അതോറിറ്റി പറഞ്ഞു.

സമാനമായ ഒരു കേസില്‍ പ്രതിയായ ഒരാളെ ശിക്ഷിക്കുകയും ഇയാള്‍ കുറ്റക്കാരനാണെന്ന് കോടതി കണ്ടെത്തുകയും ചെയ്തിരുന്നു. ഉടമയുടെ അനുവാദമില്ലാതെ സ്വകാര്യ ഫോട്ടോ പ്രസിദ്ധീകിരിക്കുകയും മാറ്റം വരുത്തുകയും ചെയ്തതിനാണ് കോടതി ഇയാളെ ശിക്ഷിച്ചത്. തെളിവുകളുടെ അടിസ്ഥാനത്തില്‍ പ്രതിയോട് കോടതി 9,000 റിയാല്‍ പിഴ അടക്കാന്‍ ഉത്തരവിട്ടിരുന്നു.

ALSO READ: ഈ വാരാന്ത്യത്തിൽ സഊദിയിൽ കനത്ത മഴയും, ഇടിമിന്നലും; വെള്ളപ്പൊക്കം, ആലിപ്പഴ വർഷം, ശക്തമായ കാറ്റ് എന്നിവക്കും സാ​ധ്യത 

പകര്‍പ്പാവകാശമുള്ള വ്യക്തികള്‍ പരാതി ഉന്നയിക്കുന്നതോടെയാണ് ഇത്തരത്തിലുള്ള കേസുകള്‍ ആരംഭിക്കുന്നതെന്ന് സഊദി ബൗദ്ധിക അതോറിറ്റി അറിയിച്ചു. ഇതിന് ശേഷം ലംഘനത്തിന്റെ സ്വഭാവം നിര്‍ണയിക്കാനായി തെളിവുകള്‍ ശേഖരിച്ച് കേസ് വിശകലനം ചെയ്യും. നിയമം ലംഘിച്ച വ്യക്തിക്ക് പറയാനുള്ള കാര്യങ്ങള്‍ കേട്ട ശേഷം കേസ് ഒരു പ്രത്യേക കമ്മിറ്റിക്ക് കൈമാറും. തുടര്‍ന്നാകും അന്തിമ തീരുമാനം പുറപ്പെടുവിക്കുക.

ബൗദ്ധിക സ്വത്ത് അവകാശ നിയമങ്ങളെ മാനിക്കണമെന്നും ഏതെങ്കിലും കാരണത്താല്‍ ഈ നിയമങ്ങള്‍ ലംഘിക്കുന്നതില്‍ നിന്ന് വിട്ടുനില്‍ക്കണമെന്നും അതോറിറ്റി ആവശ്യപ്പെട്ടു.  

Saudi Arabia has introduced tough measures against copyright violations involving AI, with fines up to 9,000 Saudi Riyal. The new regulations aim to protect intellectual property and ensure compliance with copyright laws in the digital age.