കൊണ്ടോട്ടി: കരിപ്പൂരിൽനിന്ന് 2026ലെ  ഹജ്ജ് സർവിസ് നടത്താൻ ഇത്തവണയും സഊദി എയർലൈൻസില്ല. 
അതിനിടെ, അടുത്ത മാസം ആരംഭിക്കാനിരുന്ന ഇവരുടെ സർവിസുകൾ ജനുവരി ഒന്നിലേക്ക് മാറ്റിയിരിക്കുകയാണ്. കരിപ്പൂരിൽ തീർഥാടകർ ആയിരത്തിൽ താഴെയായതും ടെൻഡറിൽ പങ്കെടുക്കുന്നതിൽനിന്ന് സഊദിയെ പിന്തിരിപ്പിച്ചിട്ടുണ്ട്. ഹജ്ജ് സർവിസുകൾക്ക് ഈ മാസം 25വരെയാണ് വിമാന കമ്പനികളിൽനിന്ന് ടെൻഡർ ക്ഷണിച്ചിട്ടുള്ളത്. 

നേരത്തെ സഊദി എയർലെൻസിന്റെ സർവിസുകൾ കരിപ്പൂരിൽനിന്ന് അടുത്തമാസം 28ന് ആരംഭിക്കുമെന്ന് പ്രഖ്യാപിച്ചിരുന്നു. എന്നാൽ  ക്രമീകരണങ്ങൾ പൂർത്തിയാകത്തതിനാലാണ് ഇത് ജനുവരിയിലേക്ക് മാറ്റിയത്. സഉൗദി എയർലൈൻസിന്റെ 321 നിയോ വിമാനമാണ് ജിദ്ദ-റിയാദ് സെക്ടറിൽ സർവിസിനായി എത്തുക. 20 ബിസിനസ് ക്ലാസുകൾ അടക്കം  188 സീറ്റുകളാണ് വിമാനത്തിലുണ്ടാവുക. മതിയായ കാർഗോ കൊണ്ടുപോകാനും കഴിയും.  റൺവേ എൻഡ് സേഫ്റ്റി ഏരിയയുടെ നിർമാണം പൂർത്തീകരിക്കുന്നതോടെ സഊദി എയർലെൻസിന്റെ വലിയ വിമാന സർവിസുകൾ കരിപ്പൂരിൽ പുനരാരംഭിക്കും.  ഹജ്ജ് സർവിസുകളും ഇതിലൂടെ സാധിക്കും.

ALSO READ: ബിജെപിയുടെ 'വിരമിക്കൽ പ്രായ'മായ 75 വയസ്സും പിന്നിട്ടിട്ടും വിരമിക്കലിനെക്കുറിച്ച് സൂചനനൽകാതെ മോദി; വിരമിക്കൽ ഓർമിപ്പിച്ച് കോൺഗ്രസ് 

Saudia Airlines service for hajj postponed to January 1st