ദുബൈ: ദുബൈ മിറാക്കിൾ ഗാർഡൻ സീസൺ 14-ന്റെ ഉദ്ഘാടന തീയതി പ്രഖ്യാപിച്ചു. സെപ്റ്റംബർ 29, തിങ്കളാഴ്ച മുതൽ, പുഷ്പങ്ങളുടെ അത്ഭുതലോകം വീണ്ടും സന്ദർശകർക്കായി തുറക്കും. പുതിയ തീമുകളും പുതിയ ആകർഷണങ്ങളും നിറഞ്ഞ സീസണാണ് ആരംഭിക്കാൻ പോകുന്നതെന്ന് മിറാക്കിൾ ഗാർഡൻ ഗ്രൂപ്പ് സിഇഒ എഞ്ചിനീയർ മുഹമ്മദ് സഹെർ ഹമ്മദിഹ് ഖലീജ് ടൈംസിനോട് പറഞ്ഞു.

അൽ ബർഷ സൗത്ത് 3-ൽ സ്ഥിതി ചെയ്യുന്ന ദുബൈ മിറാക്കിൾ ​ഗാർഡൻ 150 ദശലക്ഷത്തിലധികം പൂക്കളുടെയും കലാപരമായ പ്രകൃതിദൃശ്യങ്ങളുടെയും പേരിൽ ലോക പ്രശസ്തമാണ്.

ലോകത്തിലെ ഏറ്റവും വലിയ പ്രകൃതിദത്ത പുഷ്പോദ്യാനമായ ദുബൈ മിറാക്കിൾ ഗാർഡൻ, എല്ലാ വർഷവും പുതിയ തീമുകളും രൂപകല്പനകളും അവതരിപ്പിച്ച് സന്ദർശകരെ അത്ഭുതപ്പെടുത്തുന്നു. സീസൺ 14-ൽ, പുതിയ പുഷ്പ ശില്പങ്ങളും ആകർഷകമായ ഇൻസ്റ്റാളേഷനുകളും കാണാൻ കഴിയും. കുടുംബങ്ങൾക്കും കുട്ടികൾക്കും പ്രകൃതിയെ ആസ്വദിക്കാനുള്ള മികച്ച ഇടമാണിത്.

ALSO READ: താമസ, തൊഴിൽ നിയങ്ങളുടെ ലംഘനം: സഊദിയിൽ ഒരാഴ്ചക്കിടെ അറസ്റ്റിലായത് 25,553 പേർ; 13,375 പ്രവാസികളെ നാടുകടത്തി

പ്രവർത്തന സമയവും ടിക്കറ്റുകളും

പ്രവൃത്തി ദിവസങ്ങൾ: രാവിലെ 9 മുതൽ രാത്രി 11 വരെ
വാരാന്ത്യങ്ങൾ: രാവിലെ 9 മുതൽ രാത്രി 12 വരെ

അതേസമയം, മിറാക്കിൾ ഗാർഡനിലെ സ്ഥിര സന്ദർശകർ ശ്രദ്ധിക്കേണ്ടതെന്നാൽ ഈ വർഷം താമസക്കാർക്കുള്ള ടിക്കറ്റ് നിരക്ക് വർധിപ്പിച്ചിട്ടുണ്ട് എന്നതാണ്. 2024-ൽ, സാധുവായ എമിറേറ്റ്സ് ഐഡി കാർഡ് ഉപയോ​ഗിച്ച് മുതിർന്ന താമസക്കാർക്ക് 60 ദിർഹത്തിന് സാധാരണ പ്രവേശന ടിക്കറ്റ് എടുക്കാമായിരുന്നു.  എന്നാൽ, ഈ വർഷം സന്ദർശകർക്കും താമസക്കാർക്കും 100 ദിർഹമാണ് ടിക്കറ്റ് നിരക്ക്.

ALSO READ: ഖത്തർ : U-17 ഗൾഫ് കപ്പിന് ദോഹയിൽ തുടക്കം; ഖത്തറും യുഎഇയും ഇന്നിറങ്ങും

ടിക്കറ്റ് തരങ്ങളും നിരക്കുകളും:

മിറാക്കിൾ ഗാർഡനിലേക്കുള്ള സാധാരണ പ്രവേശനം: 100 ദിർഹം (മുതിർന്നവർ), 85 ദിർഹം (കുട്ടികൾ)
ബട്ടർഫ്ലൈ ഗാർഡനിലേക്കുള്ള സാധാരണ പ്രവേശനം: 60 ദിർഹം (മുതിർന്നവർ), 55 ദിർഹം (കുട്ടികൾ)

മിറാക്കിൾ ഗാർഡനും ബട്ടർഫ്ലൈ ഗാർഡനും ഉൾപ്പെടുന്ന കോംബോ ടിക്കറ്റ്: 130 ദിർഹം (ഔദ്യോഗിക വെബ്‌സൈറ്റിൽ ഇതുവരെ ലഭ്യമല്ല)

ടിക്കറ്റുകൾ നേരിട്ടോ മുൻകൂട്ടി ഓൺലൈനായോ വാങ്ങാം. ഓൺലൈനിൽ വാങ്ങുന്നത് ടിക്കറ്റ് ലൈനിൽ കാത്തിരിക്കേണ്ട സമയവും ഊർജവും ലാഭിക്കാൻ സഹായിക്കും.

Dubai Miracle Garden is set to reopen its doors for Season 14 on Monday, September 29. The garden will feature new themes and attractions, showcasing over 150 million flowers and various plant species.