പ്രത്യാശയുടെ കിരണങ്ങള്‍ അവര്‍ക്കരികിലേക്കെത്താന്‍ ഇനി മണിക്കൂറുകള്‍. ഗസ്സയില്‍ നിന്ന് 160 നോട്ടിക്കല്‍ മൈല്‍ അകലത്തിലാണ് ഇപ്പോള്‍ ഫ്ലോട്ടില്ലകളുള്ളത്. ഇസ്‌റാഈലിന്റെ ഹൈറിസ്‌ക്ക്  ഏരിയയില്‍ ഫ്ലോട്ടില്ലകള്‍ പ്രവേശിച്ചു കഴിഞ്ഞു.

തങ്ങള്‍ കൂടുതല്‍ അപകട സാധ്യതയുള്ള മേഖലയിലേക്ക് പ്രവേശിക്കുകയാണെന്ന് ഫ്ലോട്ടില്ല പ്രതിനിധികള്‍ അറിയിക്കുന്നു. നേരത്തെ സഹായക്കപ്പലുകള്‍  അക്രമിക്കപ്പെട്ട ഓറഞ്ച് സോണില്‍ ഫ്ലോട്ടില്ലകള്‍ പ്രവേശിച്ചതായാണ് അവസാനമായി പുറത്തു വരുന്ന വിവരം. 

The Global Sumud Flotilla has entered the ‘orange zone’, the same area where previous aid ships were attacked and intercepted by the Israeli occupation. pic.twitter.com/KzAxFmYe3T

— Quds News Network (@QudsNen) October 1, 2025

ഏതാനും മണിക്കൂറുകള്‍ക്കകം തങ്ങള്‍ക്ക് ഗസ്സന്‍ തീരം കാണാനാവുമെന്ന് സംഘാംഗമായ ബ്രിട്ടീഷ് ആക്ടിവിസ്റ്റ് സാറാ വിക്കിന്‍സണ്‍ എക്‌സില്‍ പങ്കുവെച്ച വീഡിയോയില്‍ പറയുന്നു.

ഒരു ഇസ്‌റാഈലി സൈനിക കപ്പല്‍ കപ്പലുകള്‍ക്ക് അടുത്തെത്തിയതായും ഭീഷണിപ്പെടുത്തിയതായും ഗ്ലോബല്‍ സുമുദ് ഫ്‌ലോട്ടില്ലയുടെ പ്രവര്‍ത്തകര്‍ റിപ്പോര്‍ട്ട് ചെയ്യുന്നു. അവയുടെ ആശയവിനിമയ സംവിധാനങ്ങള്‍ക്ക് കേടുപാടുകള്‍ വരുത്തിയതായാണ് സൂചന.  അല്‍മ, സിറിയസ് എന്നീ ലീഡ് ബോട്ടുകള്‍ക്ക് മുകളിലൂടെ വളരെ അപകടകരമായ നീക്കങ്ങള്‍ നടത്തിയതായും റിപ്പോര്‍ട്ടില്‍ പറയുന്നു. 

BREAKING: Activists abroad the Global Sumud Flotilla report that an Israeli military vessel just came across the boats intimidating, damaging their communication systems and doing very dangerous manouvers over the lead boats Alma and Sirius. pic.twitter.com/MZmuWJ6PVl

— Quds News Network (@QudsNen) October 1, 2025

സിഗ്‌നല്‍ തടസ്സങ്ങള്‍ കാരണം ഫ്‌ളോട്ടില്ല ബോട്ടുകളുമായി ബന്ധപ്പെടുന്നതില്‍ ഞങ്ങള്‍ക്ക് കടുത്ത ബുദ്ധിമുട്ടുകള്‍ നേരിടുന്നു. അധിനിവേശകര്‍ നടത്തുന്നത് കടല്‍ക്കൊള്ളയാണ്. പക്ഷേ ഗാസയിലേക്ക് കപ്പല്‍ യാത്ര തുടരാന്‍ ഞങ്ങള്‍ ദൃഢനിശ്ചയം ചെയ്തിരിക്കുന്നു- ആക്ടിവിസ്റ്റുകള്‍ വ്യക്തമാക്കുന്നു. 

ALSO READ: 'കാറ്റും കടലും കൊലവിളികളും ഞങ്ങളെ തടഞ്ഞില്ല' ഏതാനും മൈലുകള്‍ കൂടി...ഗസ്സന്‍ ജനതക്ക് സ്‌നേഹവും പ്രതീക്ഷയുമായി തീരം തൊടാന്‍ ഫ്ലോട്ടില്ലകള്‍

ഗസ്സയിലെ ഇസ്‌റാഈലിന്റെ നാവിക ഉപരോധം തകര്‍ക്കാന്‍ ഗ്ലോബല്‍ സുമുദ് ഫ്‌ലോട്ടില്ല ഏകദേശം 50 സിവിലിയന്‍ ബോട്ടുകളുമായാണ് പുറപ്പെട്ടത്. സ്വീഡിഷ് കാലാവസ്ഥാ പ്രവര്‍ത്തകയായ ഗ്രേറ്റ തുന്‍ബെര്‍ഗ് ഉള്‍പ്പെടെ നിരവധി അഭിഭാഷകരും ആക്ടിവിസ്റ്റുകളും ഇതില്‍ ഉള്‍പ്പെടുന്നു. ഗ്രീക്ക് ദ്വീപായ ഗാവ്‌ഡോസില്‍ നിന്ന് 30 നോട്ടിക്കല്‍ മൈല്‍ (56 കിലോമീറ്റര്‍) അകലെ അന്താരാഷ്ട്ര ജലാശയത്തില്‍ വെച്ച് ഡ്രോണ്‍ ആക്രമണം ഉണ്ടായപ്പോള്‍ പ്രതിരോധിക്കാന്‍ ഇറ്റലി കപ്പല്‍ അയച്ചിരുന്നു. പിന്നാലെ സ്പെയിനും സുരക്ഷയൊരുക്കാനെത്തി.

ഇനി ഏതാനും മൈലുകള്‍ കൂടി. കടലോളങ്ങളെ തലോടി ലോകമിന്നോളം കാണാത്ത മാനുഷികതയുടെ ആ പായ്ക്കപ്പലുകള്‍ ഗസ്സയുടെ തീരം തൊടാന്‍ ഇനി ഏതാനും മൈലുകള്‍ കൂടിയേ ബാക്കിയുള്ളൂ. ആ മൈലുകളും താണ്ടിയാല്‍ അഭൂതപൂര്‍വ്വമായ അതിമനോഹക്കാഴ്ചക്ക് ലോകം സാക്ഷ്യം വഹിക്കും. പട്ടിണിയും ദുരിതവും പേറിയ പ്രതീക്ഷയുടെ എല്ലാ കിരണങ്ങളും അസ്തമിച്ച ആ ജനതയിലേക്ക് പ്രതീക്ഷയുടെ സ്നേഹത്തിന്റെ ചേര്‍ത്തുപിടിക്കലിന്റെ മഴത്തുള്ളികള്‍ പെയ്യും. ലോകം കാത്തിരിക്കുകയാണ്. ഫലസ്തീന്‍ പതാകകളേന്തിയ ഫലസ്തീന്‍ സ്വതന്ത്ര്യ ഗീതങ്ങള്‍ മുഴങ്ങിയ ആ കുഞ്ഞോടങ്ങള്‍ നെതന്യാഹുവും സംഘവും തീര്‍ത്ത വേലിക്കെട്ടുകള്‍ പൊളിച്ച് ഗസ്സന്‍ തീരമണയുന്നത് കാണാന്‍.