ദുബൈ: യുഎഇയിൽ, ബാങ്ക് അക്കൗണ്ട് നമ്പറോ IBAN (അന്താരാഷ്ട്ര ബാങ്ക് അക്കൗണ്ട്) നമ്പറോ ആവശ്യമില്ലാതെ, വെറും 10 സെക്കൻഡിനുള്ളിൽ ഒരാളുടെ മൊബൈൽ നമ്പർ മാത്രം ഉപയോഗിച്ച് പണം കൈമാറ്റം ചെയ്യാം. എങ്ങനെയെന്നല്ലേ, 2023 ഒക്ടോബറിൽ യുഎഇയിൽ ആരംഭിച്ച ‘ആനി’ പ്ലാറ്റ്ഫോം, വഴി. ലൈസൻസുള്ള ബാങ്കുകൾക്കും ധനകാര്യ സ്ഥാപനങ്ങൾക്കും തൽക്ഷണ പണമിടപാട് സേവനങ്ങൾ നൽകാൻ ഈ പ്ലാറ്റ്ഫോം അനുവദിക്കുന്നു.

 യുഎഇ സെൻട്രൽ ബാങ്കിന്റെ (CBUAE) ഉപസ്ഥാപനമായ അൽ എത്തിഹാദ് പേയ്മെന്റ്സ് (AEP) ആണ് ഈ പ്ലാറ്റ്ഫോം ആരംഭിച്ചത്.

‘ആനി’ പ്ലാറ്റ്ഫോമിന്റെ അഞ്ച് പ്രധാന ഗുണങ്ങൾ

1) ഒരാളുടെ മൊബൈൽ നമ്പർ ഉപയോഗിച്ച് പണം കൈമാറ്റം ചെയ്യാം.
2) പണം ആവശ്യപ്പെടാനുള്ള സൗകര്യം.
3) ബില്ലുകൾ വിഭജിക്കാനുള്ള സൗകര്യം.
4) ഷോപ്പുകൾ, ബിസിനസുകൾ, റെസ്റ്റോറന്റുകൾ എന്നിവിടങ്ങളിൽ QR കോഡ് ഉപയോഗിച്ച് പേയ്മെന്റ് നടത്താം. 
5) നിങ്ങൾ നടത്തുന്നതോ സ്വീകരിക്കുന്നതോ ആയ പേയ്മെന്റ് അഭ്യർത്ഥനകൾ നിയന്ത്രിക്കാനുള്ള ഓപ്ഷൻ, ഉദാഹരണത്തിന്, പെൻഡിംഗ് അഭ്യർത്ഥനകൾ ക്ലിയർ ചെയ്യുക, അംഗീകരിക്കുക അല്ലെങ്കിൽ നിരസിക്കുക.

ഈ പ്ലാറ്റ്ഫോം വഴി ഒരു തവണ പരമാവധി 50,000 ദിർഹം വരെ മാത്രമേ  കൈമാറ്റം ചെയ്യാൻ സാധിക്കൂ.

ALSO READ: 95 ന്റെ നിറവിൽ സഊദി അറേബ്യ; അന്നം തരുന്ന നാടിന്റെ ആഘോഷത്തിൽ പങ്ക് ചേർന്ന് പ്രവാസി സമൂഹം

‘ആനി’ പ്ലാറ്റ്ഫോം എങ്ങനെ പ്രവർത്തിക്കുന്നു?

‘ആനി’ പ്ലാറ്റ്ഫോമിലൂടെ യുഎഇയിലെ ലൈസൻസുള്ള ധനകാര്യ സ്ഥാപനങ്ങൾക്ക് മാത്രമേ ആഭ്യന്തര പണമിടപാടുകൾ നടത്താൻ കഴിയുകയുള്ളു. നിലവിൽ, യുഎഇ ആസ്ഥാനമായുള്ള എട്ട് ബാങ്കുകളും ധനകാര്യ സ്ഥാപനങ്ങളും ആണ് ഈ പ്ലാറ്റ്ഫോമുമായി സഹകരിക്കുന്നത്.

പങ്കാളികളായ ബാങ്കുകളുടെ സ്മാർട്ട്‌ഫോൺ ആപ്ലിക്കേഷനുകൾ വഴി മാത്രമേ തൽക്ഷണ പണ കൈമാറ്റ സംവിധാനം ആക്‌സസ് ചെയ്യാൻ കഴിയൂ. ആപ്പിൾ സ്റ്റോറിൽ നിന്നും, പ്ലേ സ്റ്റോറിൽ നിന്നും നിങ്ങൾക്ക് ആനി ആപ്പ് ഡൗൺലോഡ് ചെയ്യാം. അതേസമയം, ഈ ആപ്പ് ഉപയോഗിക്കുന്നതിന് നിങ്ങൾക്ക് ലൈസൻസുള്ള ഒരു ധനകാര്യ സ്ഥാപനത്തിൽ അക്കൗണ്ട് ഉണ്ടായിരിക്കണം.

‘ആനി’യുമായി സഹകരിക്കുന്ന ലൈസൻസുള്ള ധനകാര്യ സ്ഥാപനങ്ങൾ:

• ADCB
• ADIB
• അജ്മാൻ ബാങ്ക്
• അൽ അഹ്‌ലി ബാങ്ക് ഓഫ് കുവൈത്ത്
• അൽ അൻസാരി എക്സ്ചേഞ്ച്
• അൽ ഫർദാൻ എക്സ്ചേഞ്ച്
• അൽ ഹിലാൽ ബാങ്ക്
• അൽ ഖലീജി ഫ്രാൻസ് S.A
• അൽ മസ്‌റഫ്
• അറബ് ബാങ്ക്
• ബാങ്ക് ഓഫ് ഷാർജ
• ബാങ്ക് ബനോറിയന്റ് ഫ്രാൻസ്
• ബോട്ടിം
• CBI
• സിറ്റി ബാങ്ക്
• കൊമേഴ്സ്യൽ ബാങ്ക് ഓഫ് ദുബൈ

ALSO READ: സ്കൂളുകളിൽ ഓൺലൈൻ ഭക്ഷണ വിതരണത്തിന് വിലക്കേർപ്പെടുത്തി യുഎഇ; തീരുമാനം കുട്ടികളിൽ ആരോഗ്യകരമായ ഭക്ഷണ ശീലങ്ങൾ പ്രോത്സാഹിപ്പിക്കാൻ

• ദുബൈ ഇസ്‌ലാമിക്‌ ബാങ്ക്
• എമിറേറ്റ്സ് ഇസ്‌ലാമിക്‌
• ENBD X
• FAB
• ഫിനാൻസ് ഹൗസ്
• ഹബീബ് ബാങ്ക് AG സൂറിച്ച്
• ഹബീബ് ബാങ്ക് ലിമിറ്റഡ്
• HSBC
• ലുലു എക്സ്ചേഞ്ച്
• മഷ്‌റെക്ക്
• അൽ മറിയ കമ്മ്യൂണിറ്റി ബാങ്ക്
• നാഷണൽ ബാങ്ക് ഓഫ് ഉം അൽ ഖുവൈൻ
• NBF
• റാക്‌ബാങ്ക്
• ഷാർജ ഇസ്‌ലാമിക്‌ ബാങ്ക്
• UAB
• WIO

The UAE has introduced an instant payment platform called "Aani" which allows users to transfer money using just the recipient's mobile number, eliminating the need for bank account numbers or IBAN. This service, launched by Al Etihad Payments, a subsidiary of the Central Bank of the UAE, enables licensed financial institutions to offer instant payment experiences. Key benefits include