ദുബൈ: കുട്ടികളിൽ ആരോഗ്യകരമായ ഭക്ഷണ ശീലങ്ങൾ പ്രോത്സാഹിപ്പിക്കുന്നതിന്റെ ഭാഗമായി സ്കൂളുകളിൽ ഓൺലൈൻ ഭക്ഷണ വിതരണത്തിന് നിരോധനം ഏർപ്പെടുത്തി യുഎഇ. വിദ്യാർത്ഥികളുടെ ആരോഗ്യവും സുരക്ഷയും ഉറപ്പാക്കുക എന്ന ലക്ഷ്യത്തോടെയാണ് ഈ തീരുമാനമെന്ന് അധികൃതർ വ്യക്തമാക്കി.

തലാബത്, നൂൺ തുടങ്ങിയ ഓൺലൈൻ ഭക്ഷണ വിതരണ സേവനങ്ങളെ ഈ നിയന്ത്രണം വലിയ രീതിയിൽ ബാധിക്കും. ഈ വിഷയത്തിൽ പുതിയ സർക്കുലർ പ്രകാരം, വിവിധ സ്കൂളുകൾ ഇതിനോടനുബന്ധിച്ച മാർഗനിർദേശങ്ങൾ പുറപ്പെടുവിച്ചിട്ടുണ്ട്.

ALSO READ: ദേശീയ പതാകയുടെ ഉപയോഗം; പുതിയ മാ​ർ​ഗ നിർദേശങ്ങളുമായി സഊദി അറേബ്യ

പുതിയ നിർദേശങ്ങൾ പ്രകാരം, ഉച്ചഭക്ഷണം കൊണ്ടുവരാൻ മറക്കുന്ന വിദ്യാർത്ഥികൾക്ക് സ്കൂൾ ജീവനക്കാർ കാന്റീനിൽ നിന്ന് ഭക്ഷണം എത്തിച്ചു നൽകണം. ആവശ്യമെങ്കിൽ  രക്ഷിതാക്കൾക്ക് ഉച്ചഭക്ഷണം സ്കൂൾ റിസപ്ഷനിൽ ഏൽപ്പിക്കാനുള്ള സൗകര്യവും ലഭ്യമാണെന്ന് സ്കൂളുകൾ പുറപ്പെടുവിച്ച നിർദേശങ്ങളിൽ വ്യക്തമാക്കിയിട്ടുണ്ട്.

നേരത്തെ തന്നെ രാജ്യത്തെ ചില സ്കൂളുകളിൽ ഓൺലൈൻ ഭക്ഷണ വിതരണത്തിന് നിയന്ത്രണങ്ങൾ ഏർപ്പെടുത്തിയിട്ടുണ്ട്. ഇത്തരം സ്കൂളുകൾ കുട്ടികൾ ഭക്ഷണം കൊണ്ടുവരാൻ മറന്നാൽ, രക്ഷിതാക്കളുമായി ബന്ധപ്പെടുകയാണ് പതിവ്.

രക്ഷിതാക്കളുടെ അനുവാദത്തോടെ മാത്രമേ വിദ്യാർത്ഥികൾക്ക് കാന്റീനിൽ നിന്നുള്ള ഭക്ഷണം നൽകുകയുള്ളു. ഭക്ഷണം വീട്ടിൽ നിന്ന് എത്തിക്കുമെന്ന് രക്ഷിതാക്കൾ അറിയിച്ചാൽ, അത് ലഭ്യമാകുന്നതുവരെ കാത്തിരിക്കുന്ന രീതിയാണ് പിന്തുടരുന്നത്.

The UAE has implemented a ban on online food deliveries in schools to encourage healthy eating habits among students. This initiative aims to promote balanced diets and ensure student well-being by providing nutritious meals through school canteens. Key features of this policy.