ഷാർജ: പാരിസ്ഥിതിക ആഘാതവും വായു മലിനീകരണവും കുറക്കുന്നതിനായി യൂറോ 5 ഉദ്‌വമന മാനദണ്ഡങ്ങൾ പാലിക്കുന്ന 9 പുതിയ ബസുകൾ കൂട്ടിച്ചേർത്തിരിക്കുകയാണ് ഷാർജ റോഡ്സ് ആൻഡ് ട്രാൻസ്‌പോർട്ട് അതോറിറ്റി (SRTA). 

ഇതോടെ, എമിറേറ്റിന്റെ വാഹനവ്യൂഹത്തിൽ ആകെ ബസുകളുടെ എണ്ണം 138 ആയി. ഇത് താമസക്കാർക്കും സന്ദർശകർക്കും സുരക്ഷിതവും കാര്യക്ഷമവും പരിസ്ഥിതി സൗഹൃദവുമായ യാത്രാ ഓപ്ഷനുകൾ നൽകാനുള്ള ശ്രമങ്ങളെ ശക്തിപ്പെടുത്തുന്നു.

ALSO READ: ഉയർന്ന കെട്ടിടങ്ങളിൽ തീ പിടിച്ചാൽ എന്തുചെയ്യണം? എങ്ങനെ സുരക്ഷിതരായിരിക്കാം എന്ന് അറിയാം

ഷാർജയുടെ ജനസംഖ്യ വർധിക്കുന്നതിനനുസരിച്ച് പൊതുഗതാഗതത്തിന്റെ ആവശ്യകത വർധിക്കുകയാണ്, ഈ സാഹചര്യത്തിലാണ് ഈ വിപുലീകരണം നടക്കുന്നത്. നൂതന സാങ്കേതികവിദ്യ, ഉയർന്ന ഇന്ധനക്ഷമത, കുറഞ്ഞ ഉദ്‌വമനം തുടങ്ങിയ സവിശേഷതകളാണ് പുതിയ ബസുകൾക്കുള്ളത്. ഇത് വായു ഗുണനിലവാരം മെച്ചപ്പെടുത്തുകയും യാത്രക്കാരുടെ സൗകര്യം ഉറപ്പാക്കുകയും ചെയ്യുമെന്ന് SRTA ചെയർമാൻ എഞ്ചിനീയർ യൂസഫ് ഖമീസ് അൽ ഒത്മാനി വ്യക്തമാക്കി. 

യൂറോ 5 ബസുകൾ കാർബൺ ഫൂട്ട്‌പ്രിന്റും, വാഹനങ്ങൾ മൂലമുണ്ടാകുന്ന മലിനീകരണവും കുറക്കും. ഇതുവഴി, നഗരജീവിതത്തിൽ പ്രധാനപ്പെട്ട ഒന്നാക്കി പൊതുഗതാഗതത്തെ മാറ്റുകയും, സ്വകാര്യ കാറുകൾക്ക് പകരം തെരഞ്ഞെടുക്കാവുന്ന ഒരു ബദലായി ആർടിഎ ഇത് പ്രോത്സാഹിപ്പിക്കുകയും ചെയ്യുന്നു. പൊതുഗതാഗതം ഉപയോഗിക്കുന്നത് ഗതാഗതക്കുരുക്ക് കുറയ്ക്കുകയും വായുവിന്റെ ഗുണനിലവാരം മെച്ചപ്പെടുത്തുകയും ചെയ്യുമെന്ന് അൽ ഒത്മാനി വ്യക്തമാക്കി. “ആഗോള മാനദണ്ഡങ്ങൾക്കനുസൃതമായ ആധുനികവും സുഖകരവും വിശ്വസനീയവുമായ ബസുകൾ ഏർപ്പെടുത്തുന്നത് ഷാർജയിൽ സുസ്ഥിരമായ യാത്രാ സംസ്കാരം വളർത്തുന്നതിന് അത്യന്താപേക്ഷിതമാണ്,” അദ്ദേഹം കൂട്ടിച്ചേർത്തു.

The Sharjah Roads and Transport Authority (SRTA) has introduced 9 new buses that meet Euro 5 emission standards, aiming to reduce environmental impact and air pollution. Euro 5 standards are part of the European Union's regulatory framework to control emissions from vehicles, focusing on reducing pollutants like nitrogen oxides (NOx) and particulate matter.