ദുബൈ: നവീകരണത്തിനായി അടച്ചിട്ട അഞ്ച് മാസത്തെ ഇടവേളയ്ക്ക് ശേഷം, ലോകത്തിലെ ഏറ്റവും പ്രശസ്തമായ ആകർഷണങ്ങളിലൊന്നായ ദുബൈ ഫൗണ്ടൻ ഇന്ന് (1/10/2025) വീണ്ടും ഓപൺ ചെയ്തു. യുഎഇയിൽ നിന്നും അല്ലാതെയുമായി വലിയ ജനക്കൂട്ടമാണ് ഫൗണ്ടനിന്റെ തിരിച്ചുവരവ് ആഘോഷിക്കാനായി എത്തിയത്.

ഇന്ന് വൈകിട്ട് 6.30-ന് ബുർജ് തടാകത്തിൽ വെള്ളവും വെളിച്ചവും ഒരുമിച്ച് ഉയർന്നപ്പോൾ, ബുർജ് ഖലീഫയുടെ അതിമനോഹരമായ പശ്ചാത്തലത്തിൽ ദുബൈ ഫൗണ്ടന്റെ ജലധാരകൾ സംഗീതത്തിന്റെ താളത്തിൽ നൃത്തം ചെയ്തു. ഇന്ന് രാത്രി, വെള്ളവും വെളിച്ചവും സംഗീതവും കലർന്ന ഒരു അത്ഭുതക്കാഴ്ചയാണ് ഫൗണ്ടൻ ആസ്വാ​ദകർക്ക് സമ്മാനിച്ചത്.

ദുബൈ ഫൗണ്ടൻ എപ്പോൾ കാണാം

എല്ലാ ദിവസവും വൈകിട്ട് 6 മുതൽ രാത്രി 11 വരെ ഓരോ 30 മിനിറ്റിലും ഫൗണ്ടൻ സജീവമാകും. ശനിയാഴ്ച മുതൽ വ്യാഴഴ്ച വരെ ഉച്ചയ്ക്ക് 1-നും 1.30-നും, വെള്ളിയാഴ്ച ഉച്ചയ്ക്ക് 2-നും 2.30-നുമാണ് ഉച്ചതിരിഞ്ഞുള്ള പ്രദർശനങ്ങൾ നടക്കുക.

ALSO READ: ജീവനക്കാരനിൽ നിന്ന് സംരംഭകനായാലോ? ജീവനക്കാരുടെ ആശയങ്ങളെ സ്റ്റാർട്ടപ്പുകളാക്കി മാറ്റുന്ന പുതിയ പദ്ധതിയുമായി ദുബൈ

കാണാനുള്ള മികച്ച സ്ഥലങ്ങൾ

മികച്ച കാഴ്ചകൾക്കായി, സന്ദർശകർക്ക് വിവിധ സ്ഥലങ്ങൾ തിരഞ്ഞെടുക്കാം. അടുത്തുള്ള കഫേകളും റെസ്റ്റോറന്റുകളും മുതൽ, ബുർജ് പാർക്ക്, സൗക് അൽ ബഹർ, ദുബൈ മാൾ പ്രൊമനേഡ് എന്നിവയെല്ലാം ഈ കാഴ്ച ആസ്വദിക്കാൻ മികച്ച സ്ഥലങ്ങളാണ്.

കാഴചകൾ കൂടുതൽ അടുത്ത് അനുഭവിക്കാൻ, ജലധാരകളിൽ നിന്ന് വെറും ഒമ്പത് മീറ്റർ അകലെ സ്ഥിതി ചെയ്യുന്ന ബുർജ് തടാകത്തിന് കുറുകെയുള്ള ദുബൈ ഫൗണ്ടൻ ബോർഡ്‌വാക്ക് ഉപയോ​ഗിക്കാം. 

സന്ദർശകർക്ക് അബ്രയിൽ ദുബൈ ഫൗണ്ടൻ ലേക്ക് റൈഡിൽ തടാകത്തിന് മുകളിലൂടെ യാത്ര ചെയ്ത് മികച്ച കാഴ്ചകൾ ആസ്വദിക്കാം. ഒരാൾക്ക് 73.25 ദിർഹമാണ് ടിക്കറ്റ് നിരക്ക്.

The Dubai Fountain, one of the world's most iconic attractions, has officially reopened today, October 1, 2025, after a five-month closure for extensive renovations. The revamped fountain features advanced robotics, improved lighting and sound systems, and enhanced choreography, promising a more spectacular and reliable show.