കൊച്ചി: സംസ്ഥാനത്ത് കേര ഗവേഷണത്തിന് തുടക്കമിട്ട് ആരംഭിച്ച പീലിക്കോട് നീലേശ്വരം കാര്‍ഷിക ഗവേഷണ കേന്ദ്രം, പടന്നക്കാട് തോട്ടം എന്നിവയുടെ ശതാബ്ദി ആഘോഷങ്ങളുടെ  എറണാകുളം ജില്ലാതല ഉദ്ഘാടനം ഇന്ന് രാവിലെ 9.30ന് കാക്കനാട് സിവില്‍ സ്റ്റേഷന്‍ വളപ്പില്‍ തൈ നട്ട് ജില്ലാ കലക്ടര്‍ മുഹമ്മദ് വൈ സഫീറുള്ള നിര്‍വഹിക്കും.
ഇതേസമയത്ത് ജില്ലയിലെ വില്ലേജ് ഓഫീസ് വളപ്പുകളിലും തെങ്ങിന്‍തൈ നടും. പരിപാടിയില്‍ തെങ്ങ് ജനിതക സംരക്ഷണ സമിതി പ്രവര്‍ത്തകര്‍, കലക്ടറേറ്റ് ജീവനക്കാര്‍ തുടങ്ങിയവര്‍ പങ്കെടുക്കും.