ഭുവനേശ്വര്‍: വനിതാ അഗ്രികള്‍ച്ചര്‍ ഓഫിസറെ തൂങ്ങി മരിച്ച നിലയില്‍ വീട്ടില്‍ കണ്ടെത്തി. ഒഡിഷയിലെ ഭദ്രകിലെ വാടകവീട്ടിലാണ് ദാരുണമായ സംഭവം. നിഹാരിക ദലൈ (30) ആണ് മരിച്ചതെന്ന് പൊലിസ് പറഞ്ഞു. കഴിഞ്ഞ രണ്ട് വര്‍ഷമായി ബസുദേവ്പൂരില്‍ ബ്ലോക്ക് അഗ്രിക്കള്‍ച്ചറല്‍ ഓഫിസറായി (ബിഎഒ) സേവനമനുഷ്ഠിച്ചു വരികയായിരുന്നു നിഹാരിക. 7 വയസുകാരിയായ മകളോടൊപ്പം ബാലിനഗറിലെ വാടക വീട്ടിലായിരുന്നു നിഹാരിക താമസിച്ചിരുന്നത്.

കഴിഞ്ഞ കുറച്ച് ദിവസങ്ങളായി നിഹാരിക അവധിയിലായിരുന്നുവെന്ന് പൊലിസ് പറഞ്ഞു. ബുധനാഴ്ച രാവിലെ മകളെ സ്‌കൂളില്‍ വിട്ട ശേഷം വീട്ടിലേക്ക് മടങ്ങുന്നതിന് മുമ്പ് കടയില്‍ പോയിരുന്നുവെന്നും പൊലിസ്. പിന്നീട് വന്ന ഫോണ്‍ കോളുകള്‍ക്കൊന്നും നിഹാരിക പ്രതികരിച്ചിട്ടുണ്ടായിരുന്നില്ല.

 ALSO READ: ദീപാവലിക്ക് പടക്കങ്ങളുടെ ഉപയോഗത്തിന് നിയന്ത്രണം; രണ്ട് മണിക്കൂർ മാത്രം സമയം

രാവിലെ വീട്ടില്‍ പാല്‍ കൊണ്ടു കൊടുക്കുന്നയാള്‍ ഒരുപാട് നേരം തട്ടി വിളിച്ചിട്ടും നിഹാരിക വാതില്‍ തുറന്നിരുന്നില്ല. ഇതോടെ ഇയാള്‍ വീട്ടുടമസ്ഥനെ വിവരം അറിയിക്കുകയായിരുന്നു. വീട്ടുടമസ്ഥനും ഏറെ നേരം ശ്രമിച്ച ശേഷം ബസുദേവ്പൂര്‍ പൊലിസില്‍ വിവരമറിയിച്ചു.

പിന്നീട് ഭദ്രക് സദര്‍ എസ്ഡിപിഒ ബിചിത്രാനന്ദ സേഥിയുടെ നേതൃത്വത്തിലുള്ള പൊലീസ് സംഘം സ്ഥലത്തെത്തുകയും പൂട്ടിയിട്ട വാതില്‍ പൊളിച്ച് അകത്തു കടന്നപ്പോള്‍ വീടിനുള്ളില്‍ നിഹാരികയുടെ മൃതദേഹം ഏപ്രണില്‍ തൂങ്ങിക്കിടക്കുന്ന നിലയില്‍ കണ്ടെത്തുകയുമായിരുന്നു. ഭുവനേശ്വറില്‍ സോഫ്റ്റ്‌വെയര്‍ എഞ്ചിനീയറായി ജോലി ചെയ്യുന്ന സത്യബ്രത പാധിയാണ് നിഹാരികയുടെ ഭര്‍ത്താവ്.

യുവതിയുടെ മരണത്തിലേക്ക് നയിച്ച കൃത്യമായ സാഹചര്യം കണ്ടെത്തുന്നതിനായി പൊലിസ് അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റ്‌മോര്‍ട്ടം പരിശോധനയ്ക്കായി അയച്ചിരിക്കുകയാണ്. കൂടുതല്‍ അന്വേഷണം നടന്നു വരികയാണെന്ന് ബസുദേവ്പൂര്‍ പൊലിസ് സ്റ്റേഷന്‍ ഇന്‍സ്‌പെക്ടര്‍ ഇന്‍ചാര്‍ജ് ലോപമുദ്ര നായക് പറഞ്ഞു.

a tragic incident unfolded in bhadrak, odisha, where a 30-year-old woman agriculture officer, niharika dalai, was found hanging inside her rented home in balinagar. she had been working as the block agricultural officer (bao) in basudevpur for the past two years. niharika was staying with her 7-year-old daughter. police reported that she had been on leave for the past few days. on wednesday morning, she dropped her daughter at school and stopped by a shop before returning home. after that, she stopped responding to phone calls.