മലപ്പുറം: ജില്ലാ വികസന സമിതി യോഗത്തിൽ സർക്കാരിന്റെ നയങ്ങളെ വിമർശിച്ച വേളയിൽ കയ്യടിച്ച് പ്രോത്സാഹിപ്പിച്ച മലപ്പുറം ജില്ലാ ഹോമിയോ ഡിഎംഒയ്ക്ക് സർക്കാരിന്റെ താക്കീത്. രണ്ട് വർഷം മുമ്പ് മലപ്പുറം കളക്ടറേറ്റിൽ നടന്ന സംഭവത്തിലാണ് ഇപ്പോൾ ഡിഎംഒയ്ക്കെതിരെ  സർക്കാർ നടപടി ഉണ്ടായിരിക്കുന്നത്.

ജില്ലാ വികസന സമിതി യോഗത്തിനിടെ ഒരു അംഗം സർക്കാർ നയങ്ങൾക്കെതിരെ സംസാരിച്ചപ്പോൾ ഡിഎംഒ കയ്യടിച്ചതാണ് നടപടിക്ക് കാരണം. ഒരു സർക്കാർ ഉദ്യോഗസ്ഥൻ പാലിക്കേണ്ട പെരുമാറ്റച്ചട്ടം ലംഘിച്ചു എന്നാണ് ഡിഎംഒക്കെതിരായ് സർക്കാർ കണ്ടെത്തിയ കുറ്റം.

എന്നാൽ, യോഗത്തിലേക്ക് പെട്ടെന്ന് ഓടിയെത്തുകയായിരുന്നുവെന്നും, ആരാണ് സംസാരിക്കുന്നതെന്നോ എന്താണ് പറയുന്നതെന്നോ ശ്രദ്ധിക്കാൻ കഴിഞ്ഞില്ലെന്നും ഡിഎംഒ വിശദീകരണം നൽകി. "കുറച്ചാളുകൾ കയ്യടിച്ചപ്പോൾ ഒപ്പം കയ്യടിച്ചുപോയതാണ്," എന്നും അദ്ദേഹം അധികൃതരെ അറിയിച്ചു. എങ്കിലും ഈ സംഭവത്തിൽ ഡിഎംഒയ്ക്ക് സർക്കാർ താക്കീത് നൽകുകയായിരുന്നു.

The District Medical Officer (DMO) for Homoeopathy in Malappuram received a warning from the government for applauding criticism leveled against the state government during a meeting.