ഇടുക്കി: ചീനിക്കുഴി കൂട്ടക്കൊല കേസില്‍ ഇന്ന് കോടതി വിധി പറയും. തന്റെ മകനെയും പേരക്കുട്ടികളെയുമടക്കം 4 പേരെ തീ കൊളുത്തി കൊന്ന അലിയാക്കുന്നേല്‍ ഹമീദിനുള്ള ശിക്ഷയാണ് തൊടുപുഴ ഒന്നാം അഡീഷണല്‍ സെഷന്‍സ് കോടതി ഇന്നു വിധിക്കുക.

ചീനിക്കുഴി സ്വദേശി അലിയാക്കുന്നേല്‍ ഹമീദാണ് മകന്‍ മുഹമ്മദ് ഫൈസല്‍, ഭാര്യ ഷീബ, ഇവരുടെ മക്കളായ മെഹ്‌റിന്‍, അസ്‌ന എന്നിവരെ തീകൊളുത്തി കൊലപ്പെടുത്തിയത്. 2022 മാര്‍ച്ച് 18നായിരുന്നു നാടിനെ നടുക്കിയ ക്രൂര കൊലപാതകം ചെയ്തത്. കുടുംബ വഴക്കിനെ തുടര്‍ന്ന് വീട്ടിലെ കിടപ്പുമുറി പുറത്ത് നിന്ന് പൂട്ടിയ ശേഷമായിരുന്നു ഹമീദ് തീ കൊളുത്തിയത്.

വീട്ടിലെ വാട്ടര്‍ ടാങ്ക് കാലിയാക്കിയ ശേഷം ജനല്‍ വഴി പെട്രോള്‍ നിറച്ച കുപ്പികള്‍ തീക്കൊളുത്തി അകത്തേക്ക് എറിയുകയായിരുന്നു ഹമീദ്. ബഹളം കേട്ട് അയല്‍വാസികളെത്തിയെങ്കിലും തീ ആളിപ്പടര്‍ന്നതിനാല്‍ ആരെയും രക്ഷിക്കാനും  കഴിഞ്ഞില്ല. 71 സാക്ഷികളെ വിസ്തരിച്ച ശേഷമാണ് വാദം പൂര്‍ത്തിയാക്കിയത്.

സംഭവത്തിന് ദൃക്‌സാക്ഷികളുടേതുടള്‍പ്പെടെയുളള മൊഴികള്‍ പ്രോസിക്യൂഷന് അനുകൂലമാണ്. കഴിഞ്ഞ ദിവസം കോടതി കേസ് പരിഗണിച്ചെങ്കിലും വിധി പറയാന്‍ ഇന്നത്തേക്ക് മാറ്റി വയ്ക്കുകയായിരുന്നു. 

The Thodupuzha First Additional Sessions Court is set to deliver the verdict today in the Cheenikuzhy mass murder case. The accused, Aliyakunnel Hameed, is charged with murdering four members of his own family — his son Muhammed Faizal, daughter-in-law Sheeba, and grandchildren Mehrin and Asna. The shocking crime took place on March 18, 2022, at their home in Cheenikuzhy, Kerala. According to reports, a family dispute led Hameed to lock the bedroom from outside before carrying out the brutal killings.